ଶ୍ରୀନଗର ବିମାନସ୍ଥଳକୁ ଅକ୍ତିଆର ରେ ରଖିବା ଅତ୍ୟନ୍ତ ଗୁରୁତ୍ୱପୁର୍ଣ ଥିଲା, କାରଣ ଏହିଠାରୁ ହିଁ କାଶ୍ମୀରକୁ ଆକାଶବାହିନୀ ପଠାଯାଇଥାଏ. 3 ନଭେମ୍ବର 1947 ରେ ମେଜର ସୋମନାଥ ଶର୍ମା ତାଙ୍କ ଦଳ ସହିତ ବଡ଼ଗାମ ଅଂଚଳରେ ଏହି ବିମାନସ୍ଥଳ ର ସୁରକ୍ଷା ଦାୟିତ୍ୱରେ ଥାଆନ୍ତି. ଠିକ ଏହି ସମୟରେ 500 ଜଣ ଶତ୍ରୁ ସୈନିକ ତାଙ୍କ ଦଳ ଉପରେ ଆକ୍ରମଣ କରି ଥାନ୍ତି. କିନ୍ତୁ ମେଜର ସୋମନାଥ ନିଜର ସ୍ଥାନରୁ ହଟିବାକୁ ବିଲକୁଲ ଅନିଛୁକ. କିଛି ସମୟ ପରେ ସେ ସେନା ମୁଖ୍ୟାଳୟ କୁ ତାଙ୍କର ଅନ୍ତିମ ବାର୍ତ୍ତା ରେ କହନ୍ତି ‘ଶତ୍ରୁ ଆମଠାରୁ ମାତ୍ର 500 ଗଜ ଦୂରରେ. ଆମର ସୈନ୍ୟ ସଂଖ୍ୟା ଶତ୍ରୁ ତୁଳନରେ ବହୁତ କମ. ଆମେ ଭୟଙ୍କର ଗୋଳାବାରୁଦର ସମ୍ମୁଖୀନ. ମୁ କିନ୍ତୁ ଗୋଟିଏ ଇଞ୍ଚ ପଛଘୁଞ୍ଚା ବେବି ନାହିଁ, ଅନ୍ତିମ ସୈନିକ ଓ ଅନ୍ତିମ ଗୋଳା ପର୍ଯ୍ୟନ୍ତ ଲଢ଼ିବୁ ‘ ଯୁଦ୍ଧରେ ମେଜର ସୋମନାଥଙ୍କ ସହିତ ଅନ୍ୟ 21 ଜଣ ବୀରଗତି ପାଇଥିଲେ ଏବଂ ସେତିକି ସୈନିକ ଆହତ ହୋଇଥିଲେ
ଏହି ଯୁଦ୍ଧରେ ଶତ୍ରୁ ପକ୍ଷର ଅନେକ ହତାହତ ହୋଇ ଥିଲେ ଏବଂ ସେମାନେ ଆଗକୁ ବଢ଼ିବାରେ ସମର୍ଥ ହୋଇ ନ ଥିଲେ. କିଛି ସମୟ ମଧ୍ୟରେ ଆମ ଦେଶ ଶ୍ରୀନଗର ବିମାନସ୍ଥଳ ଏବଂ ପାରିପାର୍ଶ୍ୱ ନିଜ ଅକିଆରକୁ ଆଣିଥିଲେ ପରେ 1988 ମସିହାରେ ତାଙ୍କ ସାନଭାଇ ଜେନେରାଲ ଭି ନ ଶର୍ମା ସ୍ଥଳ ସେନା ମୁଖ୍ୟ ହୋଇଥିଲେ.

କାରଗିଲ ଯୁଦ୍ଧର ସବୁଠୁ ଭୟଙ୍କର ଯୁଦ୍ଧ ତୋଲୋଲିଙ୍ଗ ର Pt 5140 ଓ Pt 4875 ରେ ହୋଇଥିଲା. 20 ଜୁନ 1999 ରେ କ୍ୟାପ୍ଟିନ ବିକ୍ରମ ବାତ୍ରାଙ୍କୁ Pt 5140 ଅକ୍ତିଆର କରିବା ପାଇଁ ନିର୍ଦେଶ କରା ଯାଇଥିଲା. ଅଦମ୍ୟ ସାହସ ସହିତ କ୍ୟାପ୍ଟିନ ବାତ୍ରା ତାଙ୍କ ଦଳର ନେତୃତ୍ୱ ନେଇ ଶତ୍ରୁ ପକ୍ଷର ଚାରି ଜଣଙ୍କୁ ମୃତ୍ୟୁ ମୁଖକୁ ଠେଲି ଦେଇଥିଲେ. କିଛି ଦିନ ପରେ 7 ଜୁଲାଇ 1999 ରେ Pt 4875 ଅଭିଯାନ ସମୟରେ କ୍ୟାପ୍ଟିନ ବାତ୍ରା ଏକ ଶଂକୁଳ ପାର୍ବତୀୟ ଘାଟିରେ ଭୟଙ୍କର ଯୁଦ୍ଧ କରି କ୍ୟାପ୍ଟିନ ବାତ୍ରା ଶତ୍ରୁ ପକ୍ଷର ପାଞ୍ଚ ଜଣକୁ ସାମ୍ନାରୁ ଗୋଳିମାରି ମୃତ୍ୟୁ ମୁଖକୁ ପଠାଇ ଦେଇଥିଲେ. ନିଜର ଶାରୀରିକ କ୍ଷୟକ୍ଷତି କୁ ଖାତିର ନ କରି କ୍ୟାପ୍ଟିନ ବାତ୍ରା ଆଗକୁ ମାଡି ଚାଲିଥିଲେ ଏବଂ ଶେଷରେ ଅତ୍ୟଧିକ ଆହତ ଜନିତ ମୃତ୍ୟୁ ବରଣ କରିଥିଲେ. ମରିବା ଆଗରୁ ସେ ଏକ ଗ୍ରେନେଡ଼ ଫିଙ୍ଗି ଘଟିକୁ ଶତ୍ରୁ ମୁକ୍ତ କରିଥିଲେ.

ବୀରତ୍ବ ର ସମ୍ମାନ ଆମ ଭାରତୀୟ ସଂସ୍କୃତିର ଏକ ଅଭିନ୍ନ ଅଙ୍ଗ. ଆମ ସଂସ୍କୃତି ଯୁଦ୍ଧରେ ଅଦମ୍ୟ ସାହସ ଦେଖାଇ ଥିବା ଯୋଦ୍ଧାଙ୍କୁ ଅତି ବିଶିଷ୍ଟ ସ୍ଥାନରେ ଆସୀନ କରି ଥାଏ. କୌଟିଲ୍ୟଙ୍କ ଅର୍ଥଶାସ୍ତ୍ର, ବରାହମିହିରଙ୍କ ବୃହତ୍ସମ୍ଭିତା ଓ ରଘୁବଂଶ (ଗୁପ୍ତ ସାମ୍ରାଜ୍ୟ ) ରେ ବୀରବନ୍ଦନା ଅନେକ ଉଦାହରଣ ମିଳେ.
ତାମିଲନାଡୁ, ଆନ୍ଧ୍ରପ୍ରଦେଶ ଓ କର୍ଣ୍ଣାଟକ ରେ ଆଦ୍ୟ ବୀରକାଳସ ସାଧାରଣ ଥିଲା.ତାମିଲନାଡୁର ଥେନି ଜିଲ୍ଲାରେ ପ୍ରାଚୀନତମ ବିରକlଳ ( ନାଡୁକାଳ ) ଦେଖିବାକୁ ମିଳେ ଏହା ବିରକାଳ ବୋଧହୁଏ ଖ୍ରୀଷ୍ଟପୁର୍ବ ଦ୍ଵିତୀୟ କିମ୍ବା ଚତୁର୍ଥ ଶତାବ୍ଦୀରେ ନିର୍ମାଣ କରାଯାଇଥିଲା. ଏହା ଅଙ୍କାବଙ୍କା ପଥରରେ ଉପରେ ତାମିଲ ଭାଷାଲିପି ଖୋଡା ହୋଇଛି. ଏହା ଜଣେ ବୀରର ବୀରତ୍ବ କୁ ସମ୍ମାନ ଦେବା ପାଇଁ ନିର୍ମିତ ହୋଇଥିଲା ଯେ କି ନିଜର ଚୋରିହୋଇଥିବା ଗୋଧାନ ରକ୍ଷା କରିବା ପାଇଁ ଯୁଦ୍ଧରେ ପ୍ରlଣବଳୀ ଦେଇଥିଲେ. ସେ ସମୟରେ ପଶୁଧନ ଚୋରି କରିବା ପାଇଁ କିମ୍ବା ଚୋରି ହୋଇଥିବା ପଶୁଧନ ର ଉଦ୍ଧାର ପାଇଁ ଯୁଦ୍ଧ ଅତି ସାମାନ୍ୟ ଥିଲା. ଏପରିକି ପଶୁଧନ ଚୋରି ପାଇଁ ଓ ଉଦ୍ଧାର ପାଇଁ ସ୍ୱତନ୍ତ୍ର ଶବ୍ଦବଳି ର ପ୍ରୟୋଗ କରା ଯାଉଥିଲା.
ସୂତ୍ର : ନାଡୁକାରକାଳ, ବୁଲେଟିନ ଅଫ ଦ ଦିପାର୍ଟମେଣ୍ଟ ଅଫ ମ୍ୟୁଜିଅମ, ଚେନ୍ନାଇ.

ସ୍ୱାଧୀନତା ପରେ ପରେ ଆମ ଦେଶ କୁ ଅନେକ ଯୁଦ୍ଧର ସମ୍ମୁଖୀନ ହେବାକୁ ପଡିଥିଲା. ପାକିସ୍ତାନ ସହିତ କାଶ୍ମୀର କୁ ନେଇ 20 ଅକ୍ଟୋବର 1947 ପ୍ରଥମ ଯୁଦ୍ଧ ହୋଇଥିଲା. ଆମର ବୀର ସୈନିକ ମାନଙ୍କ ଅଦମ୍ୟ ସାହସ ବଳରେ କାଶ୍ମୀର ର ଅଧିକାଂଶ ଭୁଭାଗ ଆମ ଅକ୍ତିଆର ରହି ପାରିଥିଲା. ପରେ 26 ଜାନୁଆରୀ 1950 ପ୍ରଥମ ସାଧାରତନ୍ତ୍ର ଦିବସରେ ବୀର ସୈନିକ ମାନଙ୍କ ସମ୍ନାନ ପାଇଁ ପରମ ବୀରଚକ୍ର ଓ ବୀରଚକ୍ର ପଦବୀ ଘୋଷଣା କରାଯାଇଥିଲା.

ବର୍ତ୍ତମାନ ଯୁଦ୍ଧକାଳୀନ ପଦବୀ ମାନଙ୍କ ଇତିହାସ 1668 ମସିହା ଇଷ୍ଟ ଇଣ୍ଡିଆ କମ୍ପାନୀ ସମୟର. 1795 ମସିହାରେ ପ୍ରଥମ ଥର ପାଇଁ ସୁବେଦାର ଅବଦୁଲ କାଦିରଙ୍କୁ ସ୍ଵର୍ଣ ପଦକରେ ସମ୍ମାନିତ କରାଯାଇଥିଲା.1834 ମସିହାରେ ଲର୍ଡ଼ ବିଲ୍ୱଲିଅମ ବେଣ୍ଟିକ ଅତୁଳନୀୟ ପରାକ୍ରମ ପାଇଁ ‘ ଅଡ଼ର ଅଫ ମେରିଟ ‘ ପଦବୀର ପ୍ରସ୍ତାବନା କରିଥିଲେ. 1856 ମସିହାରେ ‘ ଭିକ୍ଟୋରିଆ କ୍ରସ ‘ ପଦବୀ ପ୍ରତିଷ୍ଠା କରାଯାଇଥିଲା. ଅଦ୍ଵିତୀୟ ଉଦାହରଣ କ୍ରମେ ସୁବେଦାର କିଶନବୀର ନାଗାରକୋଟି ଏହି ସମ୍ମାନରେ ଚାରିଥର ପାଇଁ ସମ୍ମାନିତ ହୋଇଥିଲେ.

ପଦବୀର ପରିକଳ୍ପନା ସାବିତ୍ରୀ ଖନୋଲକରଙ୍କ ଦ୍ୱାରା କରାଯାଇଥିଲା, ଯେ କି ପରବର୍ତ୍ତୀ ସମୟରେ ସାବିତ୍ରୀବାଇ ନାମରେ ସୁପରିଚିତ. ତାଙ୍କର ଜନ୍ମ 20 ଜୁଲାଇ 1913 ରେ ଜନ୍ମଗ୍ରହଣ କରିଥିଲେ. ସେତେବେଳେ ତାଙ୍କର ନାମ ଥିଲା ଇଭା ୟୋନ ଲିଣ୍ଡା ମେଡ ଡ଼ି ମାରସ ଥିଲା. ସେ ଜଣେ ଭାରତୀୟ ସୈନ୍ୟ ଅଧିକାରଙ୍କୁ ବାହା ହୋଇଥିଲେ. 1932ରେ ଭାରତ ଆସିବା ପରେ ଭାରତୀୟ ସଂସ୍କୃତି, କିମ୍ବଦନ୍ତୀ, ସଂସ୍କୃତ ଭାଷା ଓ ବେଦାନ୍ତ ପ୍ରତି ଅତ୍ୟଧିକ ଆକୃଷ୍ଟ ହୋଇଥିଲେ. ତାଙ୍କର ଏହି ଭାରତୀୟ କିମ୍ବଦନ୍ତୀ ପ୍ରତି ଶ୍ରଦ୍ଧା, ଭାରତୀୟ ସେନା ସହିତ ସମ୍ପର୍କ ଓ କଳା ପ୍ରତିଭା ଦେଖି ଜେନେରାଲ ହୀରା ଲାଲ ଅଟଳ ତାଙ୍କୁ ପରମ ବୀରଚକ୍ର ପରିକଳ୍ପନାର ଦାୟିତ୍ବ ଦେଇଥିଲେ

ପଦବୀ ଟି ଗୋଲାକାର ଏବଂ ବ୍ରୋଂଜ଼ ଧାତୁ ରେ ନିର୍ମିତ.ଏହାର ଏକପଟେ ଇନ୍ଦ୍ରଙ୍କ ଚାରୋଟି ବଜ୍ର (ବିଜୁଳି ) ମଝିରେ ଦେଶର ରାଷ୍ଟ୍ରପ୍ରତୀକ ତଥା ରାଷ୍ଟ୍ର ଆଦର୍ଶ ଉକ୍ତି ର ଚିତ୍ର ଏବଂ ଅପର ପଟେ ଦୁଇଟି ପଦ୍ମ ଫୁଲ ମଝିରେ ପରମ ବୀର ଚକ୍ର ଅକ୍ଷର ଖୋଦା ହୋଇଛି. ଏକ ଗାଢ଼ ବାଇଗଣୀ ରଙ୍ଗର ଫିତା ଏହା ସହିତ ଲାଗି ରହିଛି.

ପରମ ବୀରଚକ୍ର ରେ ବଜ୍ରର ପ୍ରତିଛବି ଅତ୍ୟନ୍ତ ସମୁଚିତ. ଏହା ଏକ ଅମୋଘ ଅସ୍ତ୍ର ( ଅଚୁକ ଅସ୍ତ ) ଋକ ବେଦ ବର୍ଣିତ ଅଟେ. ଏହା ବର୍ଷା ର ଦେବତା ଇନ୍ଦ୍ରଙ୍କ ଦ୍ୱାରା ବ୍ୟବହୃତ ଅସ୍ତ ଅଟେ. ଅକାଳ ର ପରାକାଷ୍ଠା ବ୍ରିତ୍ର ସମସ୍ତ ନଦୀ ମାନଙ୍କୁ ନିଜର କିଲାରେ ବନ୍ଦୀ କରି ଜଳପ୍ରବାହ ବନ୍ଦ କରିଦେଇଥିଲା, ଯାହାଫଳରେ ଚାରିଆଡେ ଅନାବୃଷ୍ଟି ଦେଖାଦେଇଥିଲା. ଇନ୍ଦ୍ର ବଜ୍ରରେ ବ୍ରିତ୍ର ର ବଧ କରିଥିଲେ.

14 ଡ଼ିସେମ୍ବର 1971 ଦିନ ଶ୍ରୀନଗର ବାୟୁସେନା ବିମାନଘାଟି ଉପରେ ଛଆଟି F-86 ସବରେ ଜେଟ୍ସ ଦ୍ୱାରା ଭୀଷଣ ଆକ୍ରମଣ ହୋଇଥିଲା. ଫ୍ଲାଇଟ ଲେଫ୍ଟନାଣ୍ଟ NS Sekhon ତାଙ୍କର ଅନ୍ୟ ଜଣେ ସୈନ୍ୟଅଧିକାରୀ ସହିତ ମୁକାବିଲା ପାଇଁ ପ୍ରସ୍ତୁତ ଥିଲେ. ପ୍ରତିଆକ୍ରମଣ ପାଇଁ ଆରମ୍ଭ କଲାବେଳକୁ ବିମାନଘାଟି ଉପରେ ପ୍ରବଳ ଆକ୍ରମଣ ହୋଇଯାଇଥିଲା. ମଧ୍ୟକାଶରୁ ରେଡ଼ିଓ ମାଧ୍ୟମରେ ସେଖୋଙ୍କ ବାର୍ତ୍ତା ଥିଲା ‘ମୋ ପଛରେ ଦୁଇଟି ଜେଟରୁ ଆକ୍ରମଣ ହେଡଛି, କିନ୍ତୁ ମୁ ଶତ୍ରୁକୁ କୌଣସିମତେ ବଢିବାଜୁ ଦେବି ନାହିଁ ‘ ସେ ଦୁଇଟିଯାକ ଜେଟ୍ସ କୁ ଧ୍ବଂସ କରିଦେଇଥିଲେ କିନ୍ତୁ ତାଙ୍କର ନାଟ ବିମାନ ମଧ୍ୟ ନଷ୍ଟ ହୋଇଯାଇଥିଲା ଓ ସେ ମୃତ୍ୟୁ ବରଣ କରିଥିଲେ.

ଗ୍ରେନେଡ଼ିଅର ଯୋଗେନ୍ଦ୍ର ସିଂ ଯାଦବ ଘଟକ ପ୍ଲାଟୋନ ଦଳର ଅଂଶ ଥିଲେ. ଏହି ଦଳ 1999 ଜୁଲାଇ 3 ଓ 4 ତାରିଖ ରାତ୍ରି ରେ ଟାଇଗର ହିଲ କୁ ନିଜ ଅକ୍ତିଆର ରେ ଆଣିଥିଲେ. ନିଜର ବ୍ୟକ୍ତିଗତ ନିରାପତ୍ତାକୁ ଭ୍ରୁକ୍ଷେପ ନ କରି ଗ୍ରେନେଡ଼ିଅର ଯୋଗେନ୍ଦ୍ର ଆଗକୁ ପ୍ରଚଣ୍ତ ଗୋଳାବାରୁଦମଧ୍ୟରେ ଆଣ୍ଠୁଇ ବଢ଼ି ଚାଲିଥିଲେ ଏବଂ ଚାରି ଜଣ ଶତ୍ରୁ ସୈନ୍ୟଙ୍କୁ ମାରି ଓ ନିଜେ ଅନେକ ଗୋଳି ଖାଇବା ପରେ, ପରିଶେଷରେ ଟାଇଗର ହିଲ ଅକ୍ତିଆର କରିଥିଲେ.

ତାଙ୍କର ଜୀବନ ଅନେକ ଆକସ୍ମିକତା ରେ ଭରପୁର. ସେ ହେଉଛନ୍ତି କନିଷ୍ଠତମ ପରମ ବୀରଚକ୍ର ସମ୍ମାନିତ ବୀର. ପ୍ରଥମେ ତାଙ୍କୁ ଏହି ସମ୍ମାନ ମରଣ ଉପରlନ୍ତ ବର୍ଗ ରେ ମନୋନୀତ କରାଯାଇଥିଲା କାରଣ ସେ ନାମରେ ଆଉ ଜଣେ ଯବାନଙ୍କ ମୃତ୍ୟୁ ସେହି ଯୁଦ୍ଧ ରେ ହୋଇଥିଲା. ଗ୍ରେନାଡ଼ିଅର ଯାଦବ ଏ ପର୍ଯ୍ୟନ୍ତ ଜୀବିତ ଅଛନ୍ତି.

କ୍ୟାପ୍ଟିନ ଗୁରବଚନ ସିଂ ସାଲାରୀଆ କଂଗୋ ସ୍ଥିତ ଅନ୍ତର୍ଜାତୀୟ ଶାନ୍ତିରକ୍ଷା ବଳ ରେ ମୁତୟନ ଥିଲେ. କଂଗୋରୁ ବେଲଜିଅମ ଅପସରି ଗଲା ପରେ ସେଠାରେ ଗୃହଯୁଦ୍ଧ ପରିସ୍ଥିତି ସୃଷ୍ଟି ହୋଇଥିଲା.
ତାଙ୍କ ଦଳ କଂଗୋର କଟଙ୍ଗା ଠାରେ ହୋଇଥିବା ରାସ୍ତା ଅବରୋଧ ହଟାଇବା କାମରେ ଲାଗିଥିଲେ. ହଠାତ ତାଙ୍କ ଦଳକୁ ଭୀଷଣ ଗୋଳାବାରୁଦ ମଧ୍ୟରେ ଆଗୁଆ କରିନିଆଗଲା. କ୍ୟାପ୍ଟିନ ସିଂ ବୟନେଟ, ଖୁଖରୀ ଓ ରକେଟ ଲଞ୍ଚର ନେଇ ଦଳର ନେତୃତ୍ୱ କରି ଚାଲିଶ ଜଣ ବିଦ୍ରୋହୀଙ୍କୁ ମାରି ଦେଇଥିଲ ତଥା ଦୁଇଟି ଆରମର୍ଡ କାର କୁ ଧ୍ବଂସ କରି ଦେଇଥିଲେ. ଫଲସ୍ୱରୂପ ବିଦ୍ରୋହୀମାନେ ଛତ୍ରଭଙ୍ଗ କରି ପଳାଇଯାଇଥିଲେ.
ଯୁଦ୍ଧରେ କ୍ୟାପ୍ଟିନ ସାଲାରୀଆଙ୍କ ବେକରେ ଗୋଳି ଲାଗିଥାଇ ମଧ୍ୟ ସେ ସାହସର ସହିତ ମୁକାବିଲା କରି ଶେଷରେ ଅତ୍ୟନ୍ତ ରକ୍ତଶ୍ରାବ ଜନିତ ମୃତ୍ୟୁ ବରଣ କରିଥିଲେ. କ୍ୟାପ୍ଟିନ ସାଲାରୀଆଙ୍କ ଅଦମ୍ୟ ଯୁଦ୍ଧ ଯୋଗୁ ହିଁ ଏଲିଜ଼ାବେଥଭିଲେ ସ୍ଥିତ ମିଳିତ ଜାତିସଙ୍ଘର ମୁଖ୍ୟାଳୟ ବିଦ୍ରୋହୀ କବଳରୁ ବଞ୍ଚି ଯାଇଥିଲା

ଅପେରସନ ମେଘଦୂତ ସିଆଚୀନକୁ ଅକ୍ତିଆରରେ ନେବାପାଇଁ 1984 ମସିହାରେ ଆରମ୍ଭ କରାଯାଇଥିଲା. ପାକିସ୍ତାନ ଆକ୍ରମଣକୁ କିଛି ଦିନ ଆଗରୁ ବେକାବୁ କରି ଦିଆଯାଇଥିଲା. ପରେ 1987 ମସିହାରେ 21153 ଫୁଟ ଉଚ୍ଚରେ ଥିବା ସିଆଚୀନ ହିମସ୍ରୋତ ର ବିଲା ଫୋଂଡ଼ଲା ଅଂଚଳରୁ ଅନୁପ୍ରବେଶକାରୀଙ୍କୁ ନିଷ୍କାସନ କରିବା ଦଳରେ ନାଏବ ସୁବେଦାର ବାନା ସିଂ ସ୍ବେଛାକୃତ ଭାବରେ ଯୋଗ ଦେଇ, ଦଳର ନେତୃତ୍ୱ କରିଥିଲେ.ବିପଦଶଂକୁଳ ଓ ଦୁର୍ଗମ ଅଂଚଳରେ ଆଣ୍ଠୁଆଇ ଆଗକୁ ବଢି ବୟନେଟ ସାହାଯ୍ୟରେ ସେହି ଅଂଚଳକୁ ଅନୁପ୍ରବେଶକାରୀଙ୍କ କବଳରୁ ମୁକ୍ତ କରିଥିଲେ. ଯୁଦ୍ଧରୁ ଜୀବିତ ହୋଇ ପରମ ବୀରଚକ୍ର ପାଇଥିବା ସ୍ପଳ୍ପ କେତେଜଣ ମଧ୍ୟରୁ ସେ ଜଣେ ଥିଲେ.

1980 ମସିହାରେ ଚାଲିଥିବା ଶ୍ରୀଲଙ୍କା ଗୃହଯୁଦ୍ଧରେ ଭାରତ ସଂଶ୍ଲିଷ୍ଟ ହୋଇଯାଇଥିଲା, ଯା ଫଳରେ ତାମିଲ ବିଦ୍ରୋହୀଙ୍କ ବିରୁଦ୍ଧରେ ଭାରତୀୟ ଶାନ୍ତିରକ୍ଷା ବାହିନୀ କୁ ଯୁଦ୍ଧ (ଅପେରସନ ପୱନ )କରିବାକୁ ପଡିଥିଲା. 25 ନଭେମ୍ବର 1987 ରାତି ରେ ଯମେଜର ପରମେଶ୍ୱରନ ଦଳ ସହିତ ଫେରୁଥିବାବେଳେ ସନ୍ତ୍ରାସବାଦୀମାନେ ସମସ୍ତଙ୍କୁ ଅପହରଣ କରିନେଇଥିଲେ. ସେ ସନ୍ତ୍ରାସବାଦୀ ମାନଙ୍କୁ ପଛପଟୁ ଘେରି ଆକ୍ରମଣ କରିଥିଲେ. ଗୁଳିବିନିମୟ ସମୟରେ ସେ ଜଣେ ସନ୍ତ୍ରାସବାଦୀ ତାଙ୍କୁ ଛାତିରେ ଗୁଳି ମାରିଥିଲା, କିନ୍ତୁ ମେଜର ପରମେଶ୍ୱନ ସନ୍ତ୍ରାସବାଦୀ ହାତରୁ ବନ୍ଧୁକ ଟାଣିଆଣୀ ତାର ହତ୍ୟା କରିଥିଲେ. ଗୁରୁତର ଆହତ ଅବସ୍ଥାରେ ଥାଇ ମଧ୍ୟ ସେ ଅନ୍ୟ ସୈନ୍ୟ ମାନଙ୍କୁ ପ୍ରେରଣା ଦେଇ ଶେଷରେ ବୀରଗତି ପାଇଥିଲେ. ପରିଶେଷରେ ସମସ୍ତ ସୈନ୍ୟଙ୍କୁ ଅପହରଣରୁ ମୁକ୍ତ କରାଯାଇଥିଲା ଏବଂ ପାଞ୍ଚଜଣ ସନ୍ତ୍ରାସବାଦୀଙ୍କୁ ମୃତ୍ୟୁ ମୁଖକୁ ପଠାଯାଇ ଗୋଳାବାରୁଦ ସବୁ ଆୟତ୍ତ କରାଯାଇଥିଲା.

ରେଜାଙ୍ଗ ଲା ର ଐତିହାସିକ ଯୁଦ୍ଧ ସଶସ୍ତ୍ର ବାହିନୀର ଏଜ ଅବିସ୍ମରଣୀୟ ଯୁଦ୍ଧ. ଏହି ଯୁଦ୍ଧରେ 13 କୁମାଓଂ ପ୍ରଭାଗର ମେଜର ଶୈତାନ ସିଂ ଙ୍କ ନେତୃତ୍ୱ ରେ ପରିଚାକିତ ସୈନ୍ୟଦଳ ଅଭୁତପୁର୍ବ ପରାକ୍ରମ ଓ ସାହସ ପ୍ରଦର୍ଶନ କରିଥିଲେ. ସେହି ଦଳ ଅନ୍ୟମାନଙ୍କଠାରୁ ଦୂରରେ ଥିବା ଏଜ ଗୁରୁତ୍ବପୁର୍ଣ ସ୍ଥାନର ରକ୍ଷା ଦାୟିତ୍ୱରେ ଥିଲେ. 18 ନଭେମ୍ବର 1962 ରେ ହଠାତ ଚୀନ ପଟରୁ ଭୀଷଣ ଗୋଲାବାରୀ ଓ ଆକ୍ରମଣ ଆରମ୍ଭ ହୋଇଗଲା. କିନ୍ତୁ ମେଜର ଶୈତାନ ସିଂ ଚିନି ଆକ୍ରମଣର ପ୍ରଭାବୀ ପ୍ରତିରୋଧ କରିଥିଲେ. ସୈନ୍ୟ ଦଳ ମାନଙ୍କୁ ପ୍ରେରଣା ଦେଇ ଚିନି ଆକ୍ରମଣକାରୀଙ୍କୁ ପଛଘୁଞ୍ଚା ଦେବାକୁ ବାଧ୍ୟ କରିଥିଲେ. ଅତ୍ୟଧିକ ଆହତ ହୋଇଥିବା ସତ୍ୱେ ସେ ଯୁଦ୍ଧରୁ ହଟି ନଥିଲେ. ଏହି ଯୁଦ୍ଧରେ 114 ଜଣ ଭାରତୀୟ ସୈନ୍ୟ ବୀରଗତି ପାଇଥିଲେ ଏବଂ ଚୀନ ଏହାର ପାଞ୍ଚଗୁଣ ସୈନ୍ୟ ହରାଇ ଥିଲା.
ପରିଶେଷରେ ମେଜର ଶୈତାନ ସିଂ ଅକ୍ଷମ ହୋଇ ଯୁଦ୍ଧକ୍ଷେତ୍ରରେ ପଡି ଯାଇଥିଲେ ମଧ୍ୟ ତାଙ୍କୁ ସ୍ଥାନାନ୍ତର କରିବା ପାଇଁ ଆସିଥିବା ସୈନ୍ୟ ମାନଙ୍କୁ ଯୁଦ୍ଧ କରିବା ପାଇଁ ପଠାଇ ଦେଇଥିଲେ
ଯୁଦ୍ଧ ଏତେ ଭୟଙ୍କର ଥିଲା ଯେ, ଯେତେବେଳେ ଯୁଦ୍ଧ ସମାପ୍ତି ପରେ ଯୁଦ୍ଧସ୍ଥଳର ପର୍ଯ୍ୟବେକ୍ଷଣ କରାଗଲା ଅନେକ ସୈନିକ ହାତରେ ବନ୍ଧୁକଧରୀ ପର୍ବତ କଣରେ ପଡି ରହିଥିଲେ. ମୋର୍ଟର ମେନ ହାତରେ ବୋମା ଧରି ମରି ପଡ଼ିଥିଲେ. ଏହି ଯୁଦ୍ଧରେ ଗୋଟିଏ ପରମ ବୀରଚକ୍ର, ଆଠଟି ବୀରଚକ୍ର, ଚାରୋଟି ସେନା ମେଡାଲ ଓ ଗୋଟିଏ ମେନସନ ଇନ ଡେସ୍ପାଚ ପଦବୀ ବିତରଣ କରାଯାଇଥିଲା.