ഭൂമിദേവിയുടെയും, വിഷ്ണുവിന്റെയും മകനായി – ദേവന്മാരിൽ നിന്നും ജനിച്ച ഒരു അസുരനാണ് നരകാസുരൻ. ഹിരണ്യാക്ഷൻ ഭൂമിദേവിയെ സമുദ്രത്തിന്നടിയിലേക്ക് കൊണ്ടുപോയപ്പോൾ, വിഷ്ണു വരാഹാവതാരമെടുത്ത് (കാട്ടുപന്നി) അവരെ രക്ഷിച്ചെടുത്തു. ഇവരുടെ സംഗമത്തിൽ നിന്നാണ് പർവ്വതനിരകളുടേയും, താഴ് വാരങ്ങളുടേയും, സസ്യജാലങ്ങളുടെയും കൂടെ നരകാസുരനും സൃഷ്ടിക്കപ്പെട്ടത്. വരാഹന്റെ കൊമ്പുകൾ പരന്ന ലോകത്തിനൊരു ഭൂപ്രകൃതി നൽകുകയും, ഭൂമി ദേവി സസ്യജാലങ്ങൾക്ക് ജന്മം നൽകുകയും ചെയ്തു.
ഭൂമിയുടെ മകനെന്ന നിലയിൽ പലപ്പോഴും നരകാസുരനെ ഭൗമനെന്നും വിളിക്കാറുണ്ട്. ഇതിഹാസങ്ങളിൽ പരാമർശമുണ്ടെങ്കിലും, ഭാഗവതത്തിലും, വിഷ്ണുപുരാണത്തിലുമാണ് മാതാപിതാക്കളെ കുറിച്ചുള്ള പരാമർശങ്ങൾ വരുന്നത്. അഹങ്കാരം മൂലം ദേവന്മാരുടെ മകൻ പോലും ഒരസുരനായി മാറാമെന്ന് ഇതിലൂടെ പ്രകടമാവുന്നു.
കർണ്ണാടകയിലേ ഹോയ്സലേശ്വര ക്ഷേത്രത്തിലെ പ്രസിദ്ധമായ വരാഹശിൽപത്തിന്റെ വിക്കിമീഡിയയിലെ നിട്ടവിനോദയുടെ ചിത്രമാണിത്.
കടപ്പാട്: Speaking Tree

മഹാഭാരതത്തിൽ നരകാസുരനെ പ്രഗ്ജ്യോതിഷ്പുരയുടെ (പ്രഗ് = കിഴക്ക്, ജ്യോതിഷ് =പഠനം, പുര = നഗരം) രാജാവായാണ് കാണിക്കുന്നത്. ചില പണ്ഡിതർ വടക്കുപടിഞ്ഞാറൻ ഇന്ത്യയിലെ രാജതരംഗിണി ആയി ഇതിനെ കണക്കാക്കുന്നുണ്ടെങ്കിലും, കാശ്മീരിന്റെ ആധികാരിക ചരിത്രത്തിൽ ഇത് അസ്സമിൽ തന്നെയാണെന്ന് ഉറപ്പിക്കുന്നു. 13th നൂറ്റാണ്ടിലെ അഹോം രാജവംശത്തിന് മുൻപുള്ള 3 വംശങ്ങൾ – ബർമ്മന്മാർ (350 – 650CE), മ്ലേച്ചൻമാർ അഥവാ സലസ്തംഭന്മാർ (655 – 900CE), പല്ലാസ് (900-1100CE) നരകാസുരന്റെ പൈതൃകം അവകാശപ്പെടുന്നു. പിന്നീട് 600 വർഷങ്ങൾ ഭരിച്ച അഹോം വംശമാണ് ഇപ്പഴുള്ള പേര് നൽകിയത്. പുരാണങ്ങളിലും, അർത്ഥശാസ്ത്രത്തിലും പലപ്പോഴും ഈ പ്രദേശത്തെ കാമരൂപ എന്നാണ് വിളിക്കുന്നത്. തെളിയിക്കപ്പെട്ടിട്ടില്ലെങ്കിലും, ബർമ്മന്മാരുടെ തലസ്ഥാനം ഇതായിരുന്നെന്ന് കരുതപ്പെടുന്നു. കാലക്രമേണ പ്രഗ്ജ്യോതിഷ്പുര, കാമരൂപ, അസ്സം – എല്ലാം ഒന്നായി തീർന്നു.
നേപ്പാളിൽ നിന്നുമുള്ള, ഭാഗവതത്തിന്റെ 18th നൂറ്റാണ്ടിലെ ഒരു പുസ്തകതാളിൽ നിന്നുള്ള പ്രഗ്ജ്യോതിഷപുരയുടെ വിക്കിമീഡിയ ചിത്രമാണിത്.
കടപ്പാട്: Nirode Baruah, പ്രഗ്ജ്യോതിഷ്പുര – ആദികാല അസ്സമിന്റെ തലസ്ഥാനം, JSTOR

ഭാഗവതത്തിലെ വിവരണമനുസരിച്ച് നരകാസുരൻ വരുണ ഭഗവാന്റെ കുട, അദിതിയുടെ കമ്മലുകൾ, ദേവന്മാരുടെ കളിസ്ഥലമായ “മണിപർവ്വതം” എന്നിവ മോഷ്ടിച്ചെന്ന് ഇന്ദ്രൻ കൃഷ്ണനെ അറിയിക്കുകയും, നരകാസുരനോട് പോരാടാൻ സഹായം അഭ്യർത്ഥിക്കുകയും ചെയ്തു. അതനുസരിച്ച് പോരാടാനായി കൃഷ്ണൻ തീരുമാനിക്കുകയും ചെയ്തു. വിഷ്ണുപുരാണത്തിലും തന്റെ അമ്മയുടെ കമ്മലുകൾ മോഷണം പോയതിനെ കുറിച്ച് ഇന്ദ്രൻ, കൃഷ്ണനോട് പരാതിപ്പെടുന്നതിനെ കുറിച്ച് പറയുന്നുണ്ട്. നരകാസുരനെ കീഴടക്കിയ ശേഷം, കൃഷ്ണൻ അദിതിയുടെ കമ്മലുകൾ വീണ്ടെടുത്തു എന്ന് മാത്രമെ മഹാഭാരതത്തിലെ ഉദ്യോഗപർവ്വത്തിൽ വിവരിക്കുന്നുള്ളൂ. ഋഗ്വേദത്തിൽ അദിതി അസുഖങ്ങൾ ഭേദമാക്കുന്നവളാണ്. പുരാണങ്ങളിൽ, ഇന്ദ്രൻ മൂത്ത മകനും, അദിതി ദേവന്മാരുടെ അമ്മയുമാകുന്നു. വാമനാവതാരത്തിന്റെ അമ്മയായും, ഒരു പുനർജന്മത്തിൽ കൃഷ്ണന്റെ അമ്മ ദേവകിയായും ഇവരെ ചില പുരാണങ്ങളിൽ കാണാം. മഹാഭാരതത്തിൽ പറയുന്നത് 7 പ്രാവശ്യം വിഷ്ണുവിന്റെ അമ്മയായത് അദിതി ആണെന്നാണ്. www.indiafacts.org എന്ന വെബ്സൈറ്റിൽ നിന്നുമുള്ള ഈ ചിത്രത്തിൽ കാണുന്നത് കൃഷ്ണന്റെ നരകാസുരവധത്തിന് ശേഷം, കമ്മലുകൾ തിരികെ വാങ്ങുന്ന അദിതിയെയാണ്.
കടപ്പാട്: www.wisdomlib.org

വിഷ്ണുവിന്റെ വാഹനമാണ് ഗരുഡൻ. നരകാസുരനെ കുറിച്ച് ഇന്ദ്രൻ കൃഷ്ണനോട് പരാതി പറഞ്ഞ ശേഷം, പ്രഗ്ജ്യോതിഷയിലേക്ക് കൃഷ്ണനെ എത്തിച്ചത് ഗരുഡനാണ്. ശത്രു പക്ഷത്തുള്ള ആനകൾ, കുതിരകൾ എന്നിവയെ കൊല്ലുക, അസ്ത്രങ്ങളിൽ നിന്ന് കൃഷ്ണനെ രക്ഷപ്പെടുത്തുക, അവിടെയുള്ള പ്രതിരോധ സംവിധാനങ്ങളെ തകർക്കുക എന്നിവയെല്ലാം ചെയ്ത് കൃഷ്ണനെ ഗരുഡൻ സഹായിച്ചു. ഗരുഡൻ പലപ്പോഴും രാജകീയതയെ പ്രതിനിധീകരിക്കുന്നു. ഗുപ്ത സാമ്രാജ്യത്തിന്റെ അടയാളം (ചിഹ്നം) ഗരുഡനായിരുന്നു. ഇൻഡോനേഷ്യയുടെ ദേശീയവിമാനകമ്പനിയുടെ പേര് “ഗരുഡ എയർ” എന്നും ദേശീയ ചിഹ്നം “ഗരുഡ പംഗശില” യുമാണ്. തായ്‌ലൻഡിന്റെ ദേശീയ ചിഹ്നത്തിലും (“ഫ്ര കൃത് ഫാ”) ഗരുഡചിത്രമുണ്ട്. അർദ്ധ-മനുഷ്യൻ അർദ്ധ പക്ഷി രൂപത്തില്ലല്ലാതെ,, ഭയം ജനിപ്പിക്കുന്ന ഒരു വലിയ പക്ഷിയായി ഗരുഡനെ ചിത്രീകരിക്കുന്ന, കമ്പോഡിയ ഫ്നോം പെൻലെ ദേശീയ മ്യൂസിയത്തിലുള്ള, 10th നൂറ്റാണ്ടിലെ ഒരു ശിൽപത്തിന്റെ ചിത്രമാണിത്.
വിവരങ്ങൾക്ക് കടപ്പാട്: www.worldhistory.org

ഘോരയുദ്ധത്തിന് ശേഷം കൃഷ്ണൻ നരകാസുരനെ വധിച്ചതായാണ് മഹാഭാരതവും, വിഷ്ണുപുരാണവും പറയുന്നത്. ഭാഗവതത്തിൽ, ഇക്കാര്യത്തിൽ പ്രത്യേകിച്ച് പങ്കൊന്നുമില്ലെങ്കിലും, സത്യഭാമയുടെ സാന്നിദ്ധ്യത്തിലാണ് കൃഷ്ണൻ സുദർശനചക്രത്താൽ നരകാസുരനെ വധിക്കുന്നത്. പരിക്കുമൂലം കൃഷ്ണൻ ബോധം മറഞ്ഞ് കിടന്നിരുന്ന സമയമത്രയും നരകാസുരനുമായി ദ്വന്ദ്വയുദ്ധത്തിലേർപ്പെട്ട് നിന്നത് സത്യഭാമയാണ് എന്നാണ് ഹരിവംശത്തിൽ വിവരിക്കുന്നത്. ആന്ധ്രയിൽ നിന്നും കണ്ടെടുത്ത 15th നൂറ്റാണ്ടിലെ ഒരു കുറിപ്പിൽ കാണുന്നത് – (തന്റെ മാതാവിന് മാത്രമെ തന്നെ – നരകാസുരനെ – വധിക്കാനാവൂ എന്ന വരമുണ്ടായിരുന്നതിനാൽ) കൃഷ്ണൻ അബോധാവസ്ഥയിലായിരുന്ന സമയത്ത് സത്യഭാമയാണ് നരകാസുരനെ വധിച്ചത് എന്നാണ്‌. വരാഹാവതാരത്തിന്റേയും, കൃഷ്ണന്റെയും പട്ടമഹിഷിയായിരുന്ന സത്യഭാമ – നരകാസുരന്റെ മാതാവായ- ഭുമി ദേവിയെ പ്രതിനിധാനം ചെയ്യുന്നു. ഈ ഐതിഹ്യങ്ങളിൽ നിന്നാവണം, പ്രസിദ്ധ ഹിന്ദി സിനിമകളായ ദീവാർ, മദർ ഇന്ത്യ തുടങ്ങിയവയിലെ അമ്മമാർ, വഴിപിഴച്ചുപോയ മക്കളെ വധിക്കുന്നത് കഥയാക്കിയത്. “പുര അപി നവം ഇതി പുരാണം” – ചരിത്രപരമായി പഴയതെങ്കിലും, പഠിപ്പിക്കുന്നവയെല്ലാം നവമായത് എന്ന് പുരാണങ്ങളെ കുറിച്ച് വിവരിക്കുന്നത് ഇതിനാലാവണം.
ഗരുഡാരൂഢരായ കൃഷ്ണ-സത്യഭാമമാർ, നരകാസുരനെ വധിക്കുന്ന 16th നൂറ്റാണ്ടിലെ ഒരു മുഗൾ ചായാചിത്രമാണ് വിക്കിമീഡിയയിലെ ഈ ചിത്രം.
വിവരങ്ങൾക്ക് കടപ്പാട്: www.indiafacts.org

കുന്നുകളും, ആളില്ലാ-ആയുധങ്ങളും, വെള്ളം, തീ, കാറ്റ് എന്നിവ കൊണ്ടുള്ള എല്ലാ പ്രതിബന്ധങ്ങളും, തകർത്തെറിഞ്ഞ് കൃഷ്ണൻ, പ്രഗജ്യോതിഷയിലെ എല്ലാ കോട്ടകൊത്തളങ്ങളും നശിപ്പിച്ചു. 5തലകളുള്ള “മുര” രാക്ഷസന്റെ നിറയെ അഴിയാകുരുക്കുകളുള്ള കയറായിരുന്നു (മുരപാശം) ഇവയെല്ലാം സംരക്ഷിച്ചിരുന്നത്. ചുറ്റിലുമുള്ള കിടങ്ങിൽ ഉറങ്ങിയിരുന്ന മുര രാക്ഷസൻ, കൃഷ്ണന്റെ പാഞ്ചജന്യത്തിൽ നിന്നുമുള്ള ശംഖൊലി കേട്ടുണർന്നു. കഠിനമായ പോരാട്ടത്തിനൊടുവിൽ മുരയുടെ 7 മക്കളേയും, മുരയേയും കൃഷ്ണൻ വധിച്ചു. അങ്ങനെയാണ് മുരയുടെ ശത്രു (അരി) – മുരാരി എന്ന ആ പേര് കൃഷ്ണന് കിട്ടിയത്. ഭജനകളിലെല്ലാം ധാരാളം ഉപയോഗിക്കുന്ന ഈ കൃഷ്ണനാമം, തന്റെ ഭക്തരെ കാമ-മോഹ-അഹന്തകളിൽ നിന്നെല്ലാം സംരക്ഷിക്കുന്ന കൃഷ്ണന്റെ പ്രമുഖസ്ഥാനം വെളിപ്പെടുത്തുന്നു.
5 തലകളുള്ള മുര നയിക്കുന്ന എതിർ സൈന്യത്തെ നിഷ്പ്രഭമാക്കി നരകാസുരന്റെ കോട്ട തകർക്കുന്ന കൃഷ്ണന്റെ (വിക്കിമീഡിയയിലുള്ള – 1840 CE) ചിത്രമാണിത്.

ഭാഗവതം പറയുന്നത്, നരകാസുരൻ പല പല രാജകുടുംബങ്ങളിൽ നിന്നും തട്ടികൊണ്ടുവന്ന് തടവറയിൽ താമസിപ്പിച്ചിരുന്ന 16,000 കന്യകമാരെ കൃഷ്ണൻ വിമോചിതരാക്കിയെന്നാണ്. അവരെ സഹചാരികളായി കൂടെ കൂട്ടണമെന്നവർ കൃഷ്ണനോടപേക്ഷിച്ചു. കൃഷ്ണന്റെ അഷ്ട(8)ഭാര്യമാരും, അവരിൽ പ്രധാനി രുക്മിണിയും എന്നതിന്റെ കൂടെ ഇങ്ങനെ ഒരു കഥ വരുന്നത് പലപ്പോഴും വായനക്കാരിൽ സംശയങ്ങൾ ജനിപ്പിക്കുന്നതാണ്. എന്നാൽ, ഇതൊരു ഉപമ ആയി കണക്കാക്കിയാൽ വളരെ ലളിതമാണ്: പൂർണ്ണഭക്തിയോടെ കൃഷ്ണനെ സമീപിച്ചാൽ, പ്രപഞ്ചത്തെ മുഴുവന്‍ (16000 എന്ന എണ്ണം കൊണ്ട് സൂചിപ്പിക്കുന്നത്) അഹന്തയുടെ തടവറയിൽ നിന്നും (നരകാസുരന്റെ കൊട്ടാരം/തടവറ) വിമുക്തമാക്കാനവന് സാധിക്കുമെന്ന ഉപമ.
വിക്കിമീഡിയയിലെ ഈ ചിത്രം കൃഷ്ണൻ ഈ കന്യകമാരെ വിമുക്തരാക്കുന്നതിന്റെയാണ്.

കുംഭകർണ്ണന്റെ മരണശേഷം വ്യസനിച്ചിരിക്കുന്ന തന്റെ അച്ഛൻ രാവണനെ- മകൻ ത്രിശ്ശിരസ്സ് ആശ്വസിപ്പിക്കുന്നത്, വിഷ്ണു എങ്ങനെയാണൊ നരകാസുരനെ വധിച്ചത്, അതേപോലെ രാമനെ താൻ വധിക്കും എന്ന് പറഞ്ഞാണ്. വാത്മീകി രാമായണത്തിലെ യുദ്ധകാണ്ഡത്തിൽ വരുന്ന നരകാസുരൻ മറ്റൊരു അസുരനാണെന്നാണ് പലരും വിശ്വസിക്കുന്നത്. ഇന്ദ്രന്റെ പരാതി കേട്ട ശേഷം, വെറും കൈകളാലെ നരകാസുരനെ വധിച്ച വിഷ്ണു വർണ്ണനയാണ് മഹാഭാരതത്തിലെ വനപർവ്വത്തിലുള്ളത്. അതേസമയം, നരകാസുരനെ വധിച്ച്, അദിതിയുടെ കമ്മലുകൾ തിരിച്ചെടുക്കുന്ന കൃഷ്ണന്റെ സുപരിചിതമായ വിവരണം ഉള്ളത് ഉദ്യോഗപർവ്വത്തിലാണ്. നരകാസുരനെ കുറിച്ചുള്ള ഏറ്റവും പഴയ പുരാവൃത്തങ്ങൾ രാമായണത്തിലും, വനപർവ്വത്തിലും ഉള്ളവയാണ്.
ആനപ്പുറത്തേറി നരകാസുരനെ വധിക്കുന്ന കൃഷ്ണന്റെ (പതിനാറാം നൂറ്റാണ്ടിലെ) ദില്ലി – ആഗ്ര പ്രദേശത്തെ ഒരു പെയിന്റിംഗ് ആണ് ഈ ചിത്രത്തിൽ ഉള്ളത്.

കലികപുരാണത്തിലാണ് നരകാസുരന്റെ ഏറ്റവും പൂര്‍ണമായ വിവരണമുള്ളത്. സീത, ഭൂമിദേവിയുടെ മകളെന്ന പോലെ, നരകാസുരൻ അവരുടെ മകനാണ്. ജനകന്റെ മുൻപിൽ സീതയെ അവതരിപ്പിച്ചപ്പോൾ, തന്റെ മകനെയും പരിപാലിക്കണമെന്ന ഉറപ്പ് ഭൂമിദേവി വാങ്ങിയിരുന്നു. ജനകരാജന്റെ കൊട്ടാരത്തിൽ വളർന്ന നരകാസുരൻ, വിഷ്ണുവിന്റെ സഹായത്താൽ പ്രഗ്ജ്യോതിഷരാജ്യം കീഴടക്കി. നിലച്ചൽ മലയിലെ കാമാഖ്യദേവിയെ പൂജിക്കണമെന്ന നിഷ്കർഷ ഉപേക്ഷിച്ചെന്ന് മാത്രമല്ല, ബാണാസുരന്റെ സ്വാധീനത്താൽ വസിഷ്ഠമഹർഷിയെ കമാഖ്യക്ഷേത്രത്തിൽ പ്രവേശിക്കുന്നത് പോലും നരകാസുരൻ തടഞ്ഞു. ശാപമേൽക്കേണ്ടി വന്നെങ്കിലും അജയ്യത കൈവരിച്ച നരകാസുരൻ, ലോകത്തെ മുഴുവൻ അടിച്ചമർത്താനാരംഭിച്ചപ്പോൾ, വഴിപിഴച്ചു പോയ തന്റെ മകനിൽ നിന്നും അതിനെ രക്ഷിക്കാനായി ഭുമി ദേവിയ്ക്ക് വിഷ്ണുവിനോട് അഭ്യർത്ഥിക്കേണ്ടി വന്നു.
ഗുവാഹതിയിലെ കമാഖ്യ ക്ഷേത്രത്തിന്റെ ചിത്രമാണിത്.

മകനായ നരകാസുരന്റെ വധത്തിന് ശേഷം അമ്മയായ ഭൂമിദേവി, തന്റെ സന്തതിപരമ്പരയെ നിലനിറുത്താനായി കൃഷ്ണനോട് അഭ്യർത്ഥിച്ചു. കൃഷ്ണൻ, നരകാസുരന്റെ മകനായ ഭാഗദത്തനെ പ്രഗ്ജ്യോതിഷയുടെ നാഥനായി അവരോധിച്ചു. ഭാഗവതത്തിൽ ഭയചകിതനായ ബാലനായാണ് കാണപ്പെടുന്നതെങ്കിലും, മഹാഭാരതത്തിൽ സമർത്ഥനായ ഒരു പോരാളി ആയാണ് ഭാഗദത്തനെ വിവരിക്കുന്നത് – പ്രത്യേകിച്ച് ആനകളെ ഉപയോഗിച്ചുള്ള യുദ്ധമുറകളിൽ. യുദ്ധത്തിന്റെ 12th ദിനത്തില്‍ അര്‍ജ്ജുനന്‍ വധിക്കും മുൻപ്, ഇദ്ദേഹത്തിന്റെ നേതൃത്വത്തിലുള്ള ആനകളുടെ സേന പാണ്ഡവപക്ഷത്തിന് ഒരുപാട് നാശനഷ്ടങ്ങൾ വരുത്തിയതും, ഭീമനേയും അർജ്ജുനനേയും ഏറെകുറെ വധിക്കുന്നതും വിവരണത്തിലുണ്ട്.
അശ്വത്ഥാമ എന്ന ഭാഗദത്തന്റെ ഒരാനയുടെ മരണം, ദ്രോണരെ സംഭ്രമത്തിലാക്കാൻ യുധിഷ്ഠിരൻ ഉപയോഗിക്കുന്നുമുണ്ട്. കൃഷ്ണന്റെ എതിരാളികളായ ജരാസന്ധനും ശിശുപാലനും പാണ്ഡവപക്ഷത്ത് ആയിരുന്നെങ്കിലും, കൃഷ്ണൻ രക്ഷിച്ച ഭാഗദത്തൻ – (തന്റെ പിതാവിനെ വധിച്ചതിന്റെ ദേഷ്യത്തിലാവണം) – അവർക്കെതിരായാണ് പോരാടിയത്.
ചെന്നകേശവ ക്ഷേത്രത്തിലുള്ള തന്റെ ആനയായ സുപ്രടികന്റെ മേലിരിക്കുന്ന ഭാഗദത്തന്റെ ശില്പമാണ് വിക്കിമീഡിയയിലെ (ഭുമിയുടെ വക) ഈ ചിത്രം.

The New Indian Express എന്ന ദിനപത്രത്തിലെ പഴയൊരു റിപ്പോർട്ടിൽ പറയുന്നതിങ്ങനേയാണ്:
“എന്തിനാണിങ്ങനെയൊരു എണ്ണതേച്ചുകുളി എന്ന ചോദ്യമുയരാം? യുദ്ധഭൂമിയിൽ നിന്നും ദേഹത്ത് രക്തവും, മറ്റു മാലിന്യങ്ങളെല്ലാം പറ്റി സത്യഭാമയും കൃഷ്ണനും പുലരിവിരിയും മുൻപേ തിരിച്ചെത്തിയപ്പോൾ, ദേഹം വൃത്തിയാക്കുന്നതിന് ചന്ദനകുഴമ്പുകളും, സുഗന്ധതൈലങ്ങളും ആവശ്യമായിരുന്നു. അങ്ങനെയാണ് അതിരാവിലെയുള്ള എണ്ണസ്നാനം ആചാരമായത്.
രാത്രിമേഘങ്ങളിലൂടെ ഗരുഡവാഹനത്തിൽ പറന്നുപോവുന്ന കൃഷ്ണ-സത്യഭാമമാരുടെ CE 1750 വര്‍ഷത്തിലെ ഈ ചിത്രം – വിക്കി മീഡിയയിൽ നിന്നുമാണ്.
ഉറവിടം: The New Indian Express ദിനപത്രം

ദസറയ്ക്ക് രാവണന്റെ കോലം കത്തിക്കുന്നത് ഉത്തരേന്ത്യയിൽ സാധാരണമാണ്, എന്നാൽ ഗോവയിൽ ദീപാവലി ആഘോഷിക്കാൻ പുലർച്ചെ നരകാസുരന്റെ വൈക്കോൽ കോലം കത്തിക്കുന്നു. ഏറ്റവും മികച്ച ഇത്തരം കോലങ്ങൾക്കായുള്ള മൽസരങ്ങളും നടത്തപ്പെടുന്നു. പോർച്ചുഗീസ് ഭരണകാലത്തെ നിയന്ത്രണങ്ങൾ കാരണം ജനങ്ങൾ നരകാസുരന്റെ പടം വീടുവീടാന്തരം കൊണ്ട് നടക്കാനും, ഭജനകൾ നടത്താനും നിർബന്ധിതരായി. 1961ലെ ഗോവയുടെ സ്വാതന്ത്ര്യാനന്തരമാണ് ഈ ആചാരങ്ങള്‍ മഹത്തായ പൊതു-ആഘോഷങ്ങളായി പരിണമിച്ചത്. തുടക്കത്തിൽ, വീടുകളിൽ ഉണ്ടാക്കുന്ന ചെറിയ ചെറിയ കോലങ്ങളായിരുന്നെങ്കിലും, പിന്നീടവ സമുദായങ്ങള്‍ ഉണ്ടാക്കുന്ന ബൃഹത്തായ കോലങ്ങളായി മാറി.
ഗോവയിലെവിടെയോ “ദീപാവലി ആശംസകൾ” എന്ന ബാനറിന്റെ അകമ്പടിയോടെയുള്ള ഒരു നരകാസുരന്റെ കോലമാണ്, www.dsource.in എന്ന വെബ്സൈറ്റിലെ ഈ ചിത്രം,.
വിവരങ്ങൾക്ക് കടപ്പാട്: The Times of India ദിനപത്രം.