சந்நியாசி கலகம் (1770-1820) என்பது ப்ரிடிஷ் ஆட்சிக்கு எதிராக இந்துத்துறவிகள் முஸ்லிம் மதத்தலைவர்களுடன் இணைந்து நடத்திய முதல் பெரிய ஆயுதக் கிளர்ச்சியாகும். ஆங்கிலேயரின் கடுமையான வரிவிதிப்பு மற்றும் ஆன்மீக பயணத் தடைகளுக்கு எதிராக இன்றைய வங்காளம் பங்க்ளாதேஷ் பிஹார் மாநிலங்களில் இந்த போராட்டம் நடத்தினர்.1770இல் வங்காளத்தில் நிலவிய பஞ்சத்தை தொடர்ந்து அரசின் கடுமையான வரியை எதிர்த்து நடந்த போராகும். இந்த போரின் முக்கியத்துவமும் கலாச்சார நினைவுகளும் பங்கிம் சந்திர சாட்டர்ஜியினால் பதிவுசெய்யப்பட்டது.இவரது படைப்புகளான ஆனந்த மடம் தேவி சௌதுராணி, சந்நியாசி கலகத்தை மையமாகக் கொண்ட உன்னதமான வரலாற்றுப் புதினங்களாகும்.இன்றும் நம் ரத்தத்தில் எழுச்சியை தூண்டும் வந்தேமாதரம் ஆனந்தமடம் அறிமுகப்படுத்திய விடுதலை முழக்கமாகும் இதுவே பின்னர் நம் தேசியப்பாடலாக ஏற்றுக்கொள்ளப்பட்டது. இப்பாடல் ஒலிக்காத தேசிய நிகழ்ச்சி மிக அபூர்வம்.
ப்ரிடானிகா புத்தகத்தில் உள்ள பங்கிம் சந்திர சாட்டர்ஜியின் படம்

1857இல் நடந்த ஆங்கில அரசுக்கு எதிரான சிப்பாய் (ஹிந்தியில் சிப்பாஹி என்றால் போர்வீரன்) கலகத்தை டே நம் முதல் விடுதலை போராட்டமாக ஆங்கிலேயர் பறைசாற்றினாலும் உண்மையாக 1806 ஜூலை10 நாள் வேலூர் கோட்டையில் இந்திய சிப்பாய்களால் ஆங்கில கிழக்கிந்திய கம்பெனிக்கு எதிராக நடைபெற்ற முதல் பெரிய அளவிலான விடுதலை கிளர்ச்சி ஆகும்.மிகவும் குறைந்த சம்பளம் மற்றும சமயநம்பிக்கைக்கு எதிரான தடைகள் தாடியை மழித்து மீசையை சீராக வைப்பது தலைப்பாகை அணிதல் ஆகிய வலியுறுத்தல்கள் சிப்பாய்களின் கோப உணர்ச்சியை தூண்டியது.மேலும் வேலூர் கோட்டையில் சிறை வைக்கப்பட்டிருந்த திப்பு சுல்தான் குடும்பத்தினர் ஆங்கிலேயருக்கு எதிரான நடவடிக்கைகளுக்கு தூண்டுதலாக இருந்தனர்.நூற்றுக்கணக்கான இந்திய சிப்பாய்கள் நள்ளிரவில் கோட்டையை தாக்கி தளபதி ஃபான்கோர்ட் உள்பட 130 ஆங்கில வீரர்களை கொன்று திப்புவின் மூத்த மகனை விடுவித்து ஆட்சியாளராகவும் அறிவித்தனர்.. ஆனால் மிக விரைவில் ஆங்கில தளபதியால் புரட்சி ஒடுக்கப் பட்டு நூற்றுக்கணக்கான சிப்பாய்கள் கொல்லப்பட்டனர்.ஆயினும் சிப்பாய்களின்மேல் திணிக்கப்பட்ட விதிமுறைகள் நீக்கப்பட்டன. வேலூர் புரட்சி தேசிய உணர்வையும் ஆங்கில அரசின் இந்திய சிப்பாய்களின் அதிருப்தியை தூண்டும் விதையாக இருந்தது.பல புரட்சிகளுக்கு முன்மாதிரியாக அமைந்தது.1857 இல் முதல் உலகப் போரில் கதார இயக்கத்திலும் இரண்டாம் உலகப்போரில் நேதாஜி சுபாஷ் சந்திர போஸ் இன் படையினரால் உம் இந்த யுக்தி கையாளப்பட்டது
இந்த படம் வேலூர் புரட்சியை குறித்து 2006 இல் வெளியிடப்பட்ட தபால்தலை

பாளையக்காரர் என தமிழிலும் பாலேகடு தெலுங்கிலும் பாலேகரா கன்னடத்திலும் பாலேகர் மராத்தியில் நம உள்ளூர் தலைவர்களை குறிக்கும் பெயர்கள். இவர்கள் தென்னிந்தியாவில் அரசர்களும் நவாபுகளும் ஆளுகை செய்ய கடினமான பகுதிகளை நிர்வாகித்தனர் .ஆங்கில அரசு இந்த இடங்களை கைபற்றியபின் இந்தத் தலைவர்களின் உரிமைகளை ஒடுக்க முற்பட்டனர்.மிதமிஞ்சிய வரிகளை அறிமுகப்படுத்தினார். அச்சமயம் சுமார் 30000 மக்களின் துணையோடு 80 பாளையக்காரர் ஆங்கில அரசை எதிர்த்து கிளர்ச்சி செய்தனர் முதன் முதலில் 1790இல் தமிழ் நாட்டிலும் தொடர்ந்து 1800 இல் மலபார்
திண்டுக்கல் 1801-05 மறுபடி 1846 இல் ஆந்திராவிலும் கிளர்ச்சி செய்தனர் .
தமிழ்நாட்டில் நாமெல்லாம் நன்றாக அறிந்த வீரபாண்டிய கட்டபொம்மனும் மருதுபாண்டியரும் பாளையக்காரர் புரட்சியில் மிகவும் பிரசித்தி பெற்றவர்.
வானம் பொழிகிறது பூமி விளைகிறது உனக்கேன் கொடுப்பது கிஸ்தி எனும் கர்ஜனை கேட்கிறதா ? இன்றும் என்றும் மறவாத மிகச்சிறந்த நடிகர் சிவாஜி கணேசன் 1959இல் நடித்த கட்டபொம்மன் திரைப்படம் உலகெங்கிலும் போற்றப்பட்டது.
imd இணையதளத்தில் இந்தப் படத்தின் வண்ணமயமான விளம்பரப் படம்…
மூலம். ஜே.சி.துஆ பாளையக்காரர் பற்றிய பல கட்டுரைகள் ஜேஸ்டோர் நூலகம்

குர்தா புரட்சி என்பது கிழக்கிந்திய கம்பெனியின் அடக்குமுறைக்கு எதிராக 1857 இல் வெடித்த மிக பெரிய கலகம்.பைகா என்பது ஒரிஸ்ஸாவின் ஒரு ராணுவப் பகுதியை குறிக்கிறது. காலாட்படை என்று பொருள் கொண்ட பதத்திகா எனும் வார்த்தையிலிருந்து தோன்றியது பைகா.1803 இல் ஆங்கிலேயர் இப்பகுதியை கைப்பற்றினர் அச்சமயம் மிகவும் சிறந்த உள்ளூர் தலைவர் குர்தாவில் இருந்தார்.அவரது கம்பீரமான தளபதி பக்ஷிபித்யாதர் மஹாபத்ரா சாமர்த்தியமாக பூரி நகர்ப்புறத்தில் ஒரு மேட்டுக்குடி வர்க்கத்தினர் கிளர்ச்சியை விவசாயிகள் கிளர்ச்சியாக மாற்றினார்.இவர்கள் 7 வருடங்கள் கொரில்லா போர் முறையை கையாண்டு போராடினர்.இது ஒரு சாதாரண புரட்சியாக இல்லாமல் ஆங்கிலேயரை வெளியேற்றிட செயல்பட்ட அதிநவீன போராக இருந்தது.புரட்சியாளர்கள் தனிப்பட்ட பொருளாதார நிர்வாக கொள்கைகளை அடிப்படையாகக் கொண்ட ஒரு மாற்று அரசாங்கத்தை அமைக்கதிட்டமிட்டார்கள்
படத்தில் 2018 இல் முக்கிய மந்திரியால் பைகா புரட்சியை ப்ரகடனப்படுத்தும் தபால்தலை வெளியிடப்படுவதை பார்க்கலாம்.
மூலம்.https://magazines.odisha.gov.in/orissareview/2017/November/engpdf/27-31.pdf

வேலாயுத செம்பகராமன் எனும் வேலுத்தம்பி மிக பலவீனமான அரசு மற்றும் அவரது ஊழல் மிகுந்த அதிகாரிகளுக்கு எதிராக மக்களின் அணிவகுப்பை தலைமை தாங்கி நடத்தினார்.இவரது நேர்மையை பாராட்டி மன்னர் பாலராமவர்மா இவரை தனது தளவாயாக பதவியில் அமர்த்தப்பட்டார். வேலுத்தம்பி பரந்த செயல்விளைவுடைய பல சீர்திருத்தங்களை அறிமுகப்படுத்தினார். வெஸ்லி ப்ரபு 1798 இல் அறிமுகப்படுத்திய துணைப் படை திட்டத்தினால் இந்திய அரசின் ஒவ்வொரு சுதேச சமஸ்தானமமும் பெயரளவில் மட்டுமே சுதந்திரத்தை தக்க வைத்துக் கொண்டு ப்ரிடிஷாரின் மேலதிகாரத்தை ஏற்றுக்கொள்ள நேரிட்டது.
ஆட்சியாளரை கண்காணிக்க ப்ரிடிஷார் ஒரு ராணுவப் பிரிவையும் ஒரு அரசியல் முதல்வரையும் நியமித்தனர்.இந்தத்திட்டம் ஆங்கில அரசு பல இடங்களுக்கு பரவ காரணமாக அமைந்தது அதுவும் குறிப்பாக நிஸாமும் மராட்டியரும் இத்திட்டத்தை ஒப்புக்கொண்டதால் வேகமாக ஆங்கில ஆட்சி பரவியது. ஆங்கிலேயரின்
திருவிதாங்கூர் மீதான கோரிக்கைகள் அவர்களின் தொலைநோக்கு பொருளாதார மற்றும் நிர்வாக சீர்திருத்தங்களை நிலைகுலைய ச் செய்தது. ஊழல் அரசை மறுபடி ஆட்சிக்குக் தொடர்ந்து..1809 ஜனவரி 11 தேதி வெளியிடப்பட்ட குந்த்ரா ப்ரகடனம் கிழக்கிந்திய கம்பெனியின் அடக்குமுறைக்கு எதிராக மக்கள் எல்லோரையும் ஒன்று சேர்தது. அதிக வட்டி ,மதசுதந்திரம்மறுப்பு மற்றும் பாரம்பரிய பழக்கவழக்கங்களுக்கு அடக்குமுறை இவைகளை எல்லா மக்களும் சேர்ந்து எதிர்க்க அறைகூவல் விடுத்தது இந்த இயக்கம் கேரளத்தின் எல்லா சிற்றரசு சனங்களையும் இணைத்து ஒன்றாக்கியது.
படம்.வேலுத்தம்பி அமர்சித்ர கதை சிறுவர் நூல்.
மூலம்.https://www.osmanian.com/2025/05/velu-thampis-revolt-18081809-courageous.html

வாரிசு இழப்பு கொள்கை என்பது ஆங்கிலேய ஆட்சி காலத்தில் இந்தியாவில் கொண்டு வரப்பட்ட ஒரு சட்டமாகும். அதாவது ஆண் வாரிசு இல்லாத நிலையில் அரசரின் தத்துபிள்ளைகள் ஆட்சிக்கு வரும் உரிமை கிடையாது. வட கர்நாடகாவில் ஒரு சிற்றரசான கிட்டூரின் ராணி சென்னம்மா 1824இல இந்த கொள்கையை எதிர்த்து தங்கள் நாட்டை ஆங்கில அரசு கைப்பற்றிக்கொள்ளவதை மறுத்து போரிட்டார். தோல்வியுற்றாலும் இவர் இன்றும் கர்நாடகத்தின் பெரிய வீராங்கனையாக பல நாட்டுப்புற பாடல்களிலும் கதைகளிலும் போற்றப்படுகிறார். பல விளையாட்டுத்தளங்கள் கப்பல்களும் இவர் பெயரை தாங்கி நிற்கின்றன. பல இடங்களில் இவரது சிலை வைக்கப்பட்டுள்ளது.தில்லி பாராளுமன்றத்தில் இவர் சிலை அலங்கரிப்பதை காணலாம்.
விக்கிப்பீடியா படம் ராணி சென்னம்மாவின் சிலை பங்களூரு டவுன்ஹால் அருகில் காணலாம்.
மூலம் அர்ச்சனா கொராடியா குப்தா எழுதிய இந்தியாவை ஆண்ட பெண்மணிகள்
என்ற புத்தகம்

ஆஹொம் வம்சத்தினர் பர்மாவின் ஷான் ப்ரதேசத்திலிருந்து இருந்து பதிமூன்றாம் நூற்றாண்டு தொடக்கத்தில் அஸ்ஸாம் வந்து தன் ஆட்சியை அங்கு
நிறுவினர். அங்கிருந்த உள் நாட்டு மக்களுடன் நன்கு பிணைந்து தனித்தன்மை வாய்ந்த அஸ்ஸாமிய கலாச்சாரத்திற்கு பெரும் பங்களித்தனர் . 600 வருடங்களுக்கு மேலாக தங்கள் சுதந்திரத்தை காப்பாற்றி வந்தனர். அவர்களின் தலைசிறந்த தலைவர் லச்சித் போர்புக்கான் என்பவர் ஔரங்கசீப்பின் அடுத்தடுத்த 17 படையெடுப்புகளிலும் தோல்வியை ஏற்படுத்தினார் என்ற பெருமை பெற்றவர்..ஆனால் ஆங்கில ஆதிக்கத்தில் இந்த வம்சம் கலைக்கப்பட்டு விட்டது. அவர்களின் ஒரு ராஜகுமாரன் கோம்தார் கோன்வார், தங்கள் சுதந்திரத்தை காப்பாற்றி கொள்ள கடைசீயாக ஒரு பெருமுயற்சி எடுத்தார்.
விக்கிப்பீடியா படம் சாட்சாத் இன் ஆஹோம் சின்னத்தின் மறுசுழற்சி
மூலம்.https://www.assams.info/answers/first-revolt-against-british-in-assam

சித்து கன்ஹுமுர்மு எனும் சகோதரர்களின் தலைமையில் 1855-56 இல் சந்தால் புரட்சி தொடங்கியது இந்த புரட்சி கொடூரமான வட்டிக்கு கடன் கொடுப்பவர் மற்றும் நிலச்சுவான்தார்களையும் பரம்பரை நிலங்களை பறிக்கும் ஆங்கிலேய ஆதரவு பெற்ற ஜமீன்தார்களையும் எதிர்த்து துவங்கிய புரட்சி ஆகும். சந்தாலர்கள் தங்கள் அரசை தாமே நிறுவி கடைசி துளி ரத்தம் உள்ளவரை தங்கள் உரிமைகளுக்கு போராட ப்ரதிஞ்ஞை செய்தனர். இன்றைய ஜார்க்கண்ட் பிஹார் மேற்கு வங்காளம் பகுதிகளில் இந்த புரட்சி பரவி.இருந்தது..முதலில் சிறிது நஷ்டங்கள் கண்ட ஆங்கில அரசு ,அதற்கு பின்னர் அளித்த பதிலடி மிக கொடுமையாக இருந்தது அவர்களின் முழு கிராமங்களையும் தீக்கிரை ஆக்கினார். ஆயிரக்கணக்கான சந்தாலர்களை கொன்று குவித்தனர் ஆயினும் சந்தாலர்களின் இந்த வீரதீர செயல்கள் பல ஆதிவாசி சமூகத்தை காலனி ஆட்சியை எதிர்த்து கிளர்ச்சி செய்யத் தூண்டியது..சந்தால் பர்கானாவிலிருந்து பகல்புர் மற்றும் பிர்பம் ஜில்லாக்களின் சில பகுதிகளை பிரித்து புரட்சியாளர்கள் ஐ சமாதானப்படுத்த வேண்டி இருந்தது
விக்கிப்பீடியா படம் 2002இல் சித்து கன்ஹாமுர்மு தபால்தலை வெளியிடப்பட்ட வைபவம்
Source.https://ncert.nic.in/textbook/pdf/hees104.pdf

ஆங்கில ஆட்சியாளர் இடப்பெயர்வு விவசாயத்தை ஆதரிக்கவில்லை. மிகவும் கடினமான காட்டழிப்பு சட்டங்களை அமல் படுத்தினர். மேலும் இடைத்தரகர் காட்டு பல்பொருள் வர்த்தகத்தை அனைத்தையும் கைப் பற்றினார்கள்.. இதனால் வெகுண்ட காட்டுவாசிகள் அடுத்தடுத்து புரட்சிகள் செய்தனர். கோல் (1831-
32 ) சந்தால் (1855-56 )அதை தொடர்ந்து மிகவும் உறுதியான பிர்ஸாமுண்டாவின் புரட்சி என பல கிளர்ச்சிகள் நடத்தப்பட்டன . பல ஆதிவாசிகளின் பேராதரவுடன் பிர்ஸா முண்டா தன் முயற்சியில் ஈடுபட்டார் . அவருக்கு ஏதோ அற்புத சக்திகள் இருப்பதாக மக்கள் கருதினர் . அவரே தன்னை கடவுள் எனவும் தன்னை பகவான் என நம்புபவர்களை காப்பாற்றவே இறைவன் தன்னை அமர்த்தி இருப்பதாக ப்ரகடனப்படுத்தினார். மறைப்பணியாளர்களால் நடத்தப்பட்ட பள்ளியில் படித்து நன்மை அடைந்த முதல் காட்டுவாசியான இவர் ,,வைஷ்ணவ வழிபாட்டை உயர்த்திக் காட்டினார் . மக்களுக்கு தூய்மையையும் பணிவையும் வலியுறுத்தினார் மக்களை ராவண (ஆங்கில )ராஜ்ஜியத்தை அழித்து தங்கள் பெருமையை மீட்டுக் கொள்ள ஊக்கப்படுத்தினார் .ராணி விக்டோரியாவை மண்டோதரி (ராவணன் மனைவி )என அழைத்தார்..இவர் 1900 காலரா நோயால் பாதிக்கப்பட்டு உயிரிழந்தார் .அதற்கு பின் இந்த இயக்கம் நலிவுற்றது . அவரது போதனைகளை அவரை பின்பற்றுபவர்கள் பாதுகாத்து அதனை பிர்ஸெய்ட் எனும் ஒரு புதிய தத்துவமாக பின்பற்றப்படுகிறது.
விக்கிப்பீடியா படம் ஆங்கிலேயர் காவலில் பிர்ஸாமுண்டா.
Sourcehttps://ncert.nic.in/textbook/pdf/hess204.pdf

வங்காளத்தில் ஆங்கிலேய ஆட்சி துவக்கத்திலேயே விவசாயிகள் புரட்சி நடந்த வரலாறு உள்ளது . சந்நியாசி கலகம் 1770, ஃபரய்ஸி கலகம் 1830 , இதற்கு உதாரணங்களாகும். ஆங்கிலேயர் நீலிச்செடி வண்ணம் தங்கள் பருத்திச் தொழிற்சாலைக்கு வழங்க வேண்டும் என்று வலியுறுத்தினார்கள்..உலகச் சந்தையில் மிகநம்பகமான.கண்ணைபரிக்கும் நீலவண்ணம் நீலிச்செடி அளித்தது. அதனால் வங்காளத்திலும் பிஹாரிலும் அருமையான விவசாய நிலத்தில் நீலிச்செடி பயிர் செய்ய கட்டாயப்படுத்தினர். விவசாயிகள் இதனால் உணவு தானியங்கள் பயிரிட முடியவில்லை மேலும் ஆங்கிலேயர் மிகக்குறைந்த விலையில் நீலத்தை பெற்றுக்கொண்டார் . இண்டிகோ புரட்சியான நீல்பித்ரோஹோ அஹிம்சை கொள்கையுடன் நடியாவில் துவங்கி வேகமாக பல இடங்களுக்கு பரவியது . இதில் மேட்டுக்குடி மக்கள் கலந்துகொண்டனர் தீனபந்து மித்ராவின்
நீல்தர்பண் நீலக் கண்ணாடி எனும் நாடகம் உலகளவில் பலரை கவர்ந்தது .ஆங்கிலேயர் இண்டிகோ சட்டம் கொண்டு வந்தனர் .பிஹாரில் இண்டிகோ விவசாயிகள் வேண்டுதலுக்கிணங்கி மஹாத்மா காந்திஜி தன் முதல் சத்யாக்ரஹ ப்ரசாரத்தை சம்பரன் எனும் இடத்தில் 1917 இல் துவங்கினார்.
இந்திய விடுதலைப்போராட்டத்தில் இண்டிகோ முக்கிய இடம் பெறுகிறது .
படம்.அமேஸானில் நீல்தர்பண் புத்தகத்தின் இன் அட்டைப்படம் எழுத்தாளரின் படத்துடன்
Source.https://www.britannica.com/event/Indigo-Revolt

குண்டூர் மாவட்டத்தில் சிரளா பேரளா எனும் இரண்டு சிறு க்ராமங்கள்15000 மக்கட்தொகையுடன் ரூ.4000 வருமானத்துடன் இருந்தன.ஆங்கில ஆட்சி 1919இல் இதனை முனிசிபாலிடியாக மாற்றியது ரூ.40000 வசூலிக்கும் நோக்கத்துடன்..இதனால் பதட்டமடைந்த மக்கள் துக்கிரலா கோபாலக்ருஷ்ணைய்யா தலைமையில் வரியின்மை ப்ரசாரத்திற்காக ஒரு இயக்கம் துவங்கினர் ராம தண்டு எனும் ஒரு பதாகை (banner) இன் கீழ் சில தன்னார்வலர்களின் குழுவை அமைத்தார் காந்திஜி கிராமத்தை விட்டு மக்களை வெளியே வரச் சொன்னார். வரியை தவிர்க்க வேறு இடத்தில் குடி இருக்கச் சொன்னார். சுமார் 13000பேர் கிராமத்தை விட்டு வெளியே வந்து சில முகாம்களில் 11 மாதங்களுக்கு தங்குமாறு இருந்தது. இந்த இயக்கம் சட்டசபையை ஒரு உலுக்கு உலுக்கி விட்ட்து ஆனால் சில தினங்களில் கோபாலய்யாவை கைது செய்தபின் பிசுபிசுத்து விட்டது.
சோ. நரசிம்ம ஸ்வாமியின் ஆந்திராவின் சுதந்திர இயக்கம் ஒரு மருநோக்கம்

ஆர் ஆர் ஆர் , அல்லூரி சீதாராமமராஜு கொமரம்பீம் ஆகியோரின் வீரச் செயல்களை கதையாக சொல்லுகிறது இவர் இருவரும் தனித்தனியே பழங்குடியின மக்களின் பல புரட்சிகளை தலைமை ஏற்றனர் ஆனால் திரைபடத்தில் காட்டுவது போல் இவர்கள் சந்திக்கவே இல்லை. சீதாராமராஜு 1922முதல் 1924 வரை விசாகப்பட்டினப் பகுதியைச் சுற்றி நடந்த ரம்பா கிளர்ச்சியின் ஒரு பகுதியாக ஆங்கில ஆட்சிக்கு எதிராக போராடினார். இவர் பயன் படுத்திய கொரில்லா போர் தந்திரங்களை பார்த்து ஆங்கிலேயர் சற்று வியந்து வன்மத்துடன் பாராட்டினர் . கோமரம்பீம் 1940 ஆம் ஆண்டு நிஜாம் அரசின் வனக்கொள்கைக்கு எதிராக நடைபெற்ற பாபாஜேரி கிளர்ச்சியில் கோண்டு பழங்குடியினரை ஒருங்கிணைத்து போராடினார். இந்தப் போராட்டத்தின் தொடர்ச்சியாக தெலுங்கானாவில் உள்ள ஜோடேகாட் பகுதியில் பழங்குடியினர் பெருமளவில் படுகொலை செய்யப்பட்டனர்.
படம் உலகம் முழுவதும் பெரும் வரவேற்பை பெற்ற நாட்டு நாட்டு பாடல் இடம் பெற்ற RRR திரைப்படத்திலிருந்து எடுக்கப்பட்ட காட்சியாகும்
Source.தெலுங்கானா360 இணையதளம்
pibgov.in இணையதளம்