लोपामुद्रा ऋषि अगस्त्य जी जा़ल हुई ऐं ऋग्वेद में लोपामुद्रा जो नालो हिक ऋषिका जे रूप में खयों वेंदो आहे। लोपामुद्रा इलाही भजन भी लिख्या आहिन्। लोपामुद्रा जी हिक गुफ़तगू इलाही मशहूर आहे जें में हिक जा़ल पहिंजे मर्द सां रूहानी साधना ऐं शादीअ खां पोय हिक जा़यफ़ां जी जायज इच्छाऊं ऐं जा़ल या मर्द जी हिक बे् जे लाय जि़म्मेदारीन् ते तर्क (बहस) ती करे।

ब्रहमवादिनीन में लोपामुद्रा जी पहचाण हिक दानिशवार ऐं सुरजीन्दड़ (कम्जेपोज़र) रूप में आहे। लोपामुद्रा जा भजनलिखण जे तरीके ऐं छाप (असर) लाए मशहूर आहिन्।

हिक भी हिक हकीकत आहे कि हुन वक्त लोपामुद्रा जेह्ड़ी क़ाबिल ऐं असरदार लिखण वारा ज़ायफ़ां खे कोई अहमियत या तवज्जो न मिली।

असां जे इतिहास में डॉक्टरन् या वैैद्यन् खे खा़स न डि्नी वई आहे। पर रुसा जो नालो अलग ही जगह रखन्दो आहे। आयुर्वेद में कयो रुसा जे कम खे अब्बासी ख़लीफ़ा हारुन-अल- जे हुकुम ते, 8ईं सदीय में अरबी भाषा में तरजुमो कयो वयो हुयो।

हुन ज़माने में मेडिकल जी पढ़ाई वडे् थ्यण खां पोय ही थिंदी हुई पर हुन उमर ताईं पहुंचण ताईं छोकरिन् जी शादी थी वेंदी हुई।

गार्गी वाचकनवी वेदिक काल में रहण वारी ऐं धर्म जी जानकारी रखण वारी हिक ब्रहमवादिनी ऐं वडी् जानकार (हाक़ीम) हुयी , जें जो नालो बृहदरयंक उपनिषद में भी आहे।
राजा जनक जे दरबार में हिकु दफ़ो हाक़िमन् जी महफ़िल में देवू गार्गीय ऋषि यज्ञवल्क्य सां संसार जे अस्तित्व में अचण ते बहस (सवाल- जवाब) कई ही। गार्गीय जा तर्क ऐहड़ा सच्चा ऐं असरदार हुआ कि ऋषि गुस्से में चेतावनी ड्यी हुता़ं हल्यो वयो। गार्गीय पुछ्योत संसार किंयें ठयो?

मैत्रेयी पाञ्जे मुर्स यज्ञवल्क्य खां पुछ्यो त संसार जी काई भी दौलत कैहड़े कमजी जडें इंसान ज़िन्दा हुन्दे भोगे न सगे्। जडी्ं काई भी दौलत माणुअ खे ‘अमर’ न थी करे सगे त हुअ दौलत बेकार आहे। ही सब मैत्रेयी तडी्ं चयो जडी्ं हुन जो मुर्स सन्यास वठण महल पाञ्जी दौलत बि्नी ज़ालुन में पयो विराहे।

कमला सोहनी पेहरीं ज़ायफ़ां हुयी जें पी. एच. डी. जी डिग्री हासिल कई। कमला बायोकेमिस्ट्री में तहक़ीक़ (रीसर्च) करे हीय डिग्री हासिल कई। पर हीय जीत हुन खे आसानीय सां न मिली।

नोबल पुरस्कार जीत वारो हिक साइंटिस्ट, डॉ. सी. वी. रमण, कमला खे पहिंजे कालेज में दाखलो ड्यण लाए मना करे छड्यो हुयो। पर कमला पहिंजी गा्ल ते अड़ी रही ऐं इंसाफ लाए लड़न्दी रही। कमला सत्याग्रह जी तर्ज़ ते धरने ते वेही रही। आखिर डॉ. सी. वी. रमण हुन खे दाखलो डि्नो ऐं हुन जे तहक़ीक़ में भी मदद कई।

कमला खादे में दालुन ऐं पाल्म ऑयल जी ज़रूरत, फ़ायदा ऐं नुकसान ते तहक़ीक़ कई।

आनन्दीबाई जोशी (आनन्दी गोपाल) पेहरीं भारतीय जा़यफ़ां हुई जें विलायती दवाउन् जी पढ़ाई में डिग्री हासिल कई। आनन्दीबाईय 1886 में पेन्सिल्विनीया जे वूमन्स मेडिकल कालेज मां डिग्री हासिल कई ही। आनन्दीबाईय जी शादी नन्ढी उमरि में ही थी वई ही पर हुन जे मुर्स हुन खे पढंण लाए हिम्मत डि्नी। आनन्दीबाईय बि्न गा्लुन् खे गलत साबत कयो– हिकु कि जा़लूं अकेले सफर न थ्यूं करे सगन् ऐं बि् कि जा़लुन् लाए पढ़ाई ज़रूरी कोने। आनन्दीबाईय जी पढ़ाई खां सभनि खां वडो् फ़ायदो हुनन् ज़ायफ़ुन खे थ्यो जेके पहिंजी परेशानी (बीमारी) मर्दाना डॉक्टरन् खे न बु्धाए सगन्ध्यूं हुयूं।
आनन्दीबाईय जे पढ़ण सां ज़ायफ़ुन लाए विलायत वञी पढ़ाईय जो रस्तो खुली वयो।

पर नन्ढी (21) उमिर में ही टी. बी. जी बिमारी सां आनन्दीबाई गुज़ारे वई।

रुख्माबाई असां जे देस जी बी् लेडी डॉक्टर हुई। पर पहिंजी पढ़ाई खां सवाय रुख्माबाईय खे हुन जे हिक वडे् ऐं ‘अजीब’ फ़ैसले लाये भी याद कयो वेन्दो आहे।

रुख्माबाईय जी शादी बचपन में ही थी वई हुई पर जडी्ं हुअ वडी् थी त हुन पाञ्जे मुर्स सां रहण लाए मना करे छड्यो हुयो। हुन मुर्स रुख्माबाईय ते केस कयो। हीय गा्ल 1880 में पूरो देस में फैल जी वई। रुख्माबाईय जेल वञण मंज़ूर कयो पर हार न मञी। 1891 में हिन गा्ल जे करे “एज ऑफ़ कन्सेन्ट ऐक्ट” पास थ्यो, जेंजे मूताबिक हिक जा़ल खे हीयु हकु मिल्यो कि अगर कैं वजह सां हूअ पहिंजे मुर्स सां न रहण चाहि त ज़बरदस्ती कोने।

रुख्माबाई मेडिकल जी पढ़ाई करण लाए ब्रिटेन वई ऐं लंदन स्कूल ऑफ़ मेडिसिन फ़ॉर विमेन मां मेडिकल जी डिग्री हासिल करे, वापस अची इलाई सालन् ताईं बीमारन् जो इलाज कयो।

हिन तस्वीर में तवां मुम्बई में शारदा मन्दिर स्कूल ता डि्सो, जेहंजी ज़मीन रुख्माबाई दान कयी हुयी।

टेस्सी थॉमस एयरोस्पेस वैज्ञानिक (साइंटिस्ट) आहे ऐं हुन खे मिसाइल वूमेन आॉफ़ इंडिया चयो वेन्दो आहे। टेस्सी थॉमस देश जे डिफ़ेंस रिसर्च ऐं डेवलप्मेन्ट ऑर्गनाईज़ेशन (DRDO) में अग्नि बैलिस्टिक मिसाइल जे कम में प्रोजेक्ट मैनेजर हुई। टेस्सी पहिंजी ब्ई जिम्मेदारियूं ____ घर ऐं देश___ ़ईमानदारिय सां निभायूं।

मंगला मणि इंडियन स्पेनिश रिसर्च आॉरगनाइज़ेशन ( ISRO )
में साइंटिस्ट आहे। 56 सालें जी उमिर में मंगला पहिरीं जा़यफ़ां हुई जें अंटार्टिका ते 403 डि्ंह भारती रिसर्च सेन्टर में गुजा़रया। 23 जणन् जे ग्रुप में मंगला अकेली जा़यफ़ां हुई। मंगला जो कमु हुयो ग्राउंड स्टेशन मां उपग्रहन् जे घुमण वारो रस्ते ते नज़र रखण ऐं ग्राउंड स्टेशन में सब मशीनुन् ते नज़र रखण ऐं ठीक करण।

अंटार्टिका ते टेम्परेचर ज़ीरो डिग्री, बर्फ़ीला तूफ़ान, अंधेरो, अकेलोपन__ हिनन् हालात में भी मंगला 15 मेहना कढया।
पढ़ाईय मेहल भी 80 बा्रन जे बैच में, मंगला अकेली छोकरी हुई।
56 सालें जी उमिर में मंगला न सिर्फ़ ऐहड़ा मुहिम लाए वई, पर कामयाब भि रही।

शकुन्तला देवीय खे ” ह्यूमन कमंप्यूटर” भी चयबो आहे।शकुन्तला जो पीयु सर्कस में ट्रेपीज़ आर्टिस्ट, शेरन् खे ट्रेन करण वारो ऐं जादूगर हुयो। जडी्ं शकुन्तला 3 सालन् जी हुई हुन जे पीयु खे हुन जी हीय गा्ल पतो
पैजी वयो हो।

1977 में सदर्न मैथोडिस्ट यूनिवर्सिटी में शकुन्तला 50सेक्ंड में 21अंकन वारे नम्बर जो 23यों मूल कढी डे्खारृ़यो

, 1980में शकुन्तला देवी इम्पीरियल कालेज ऑफ लंदन में 28सेकंड में 13अंकनवारे बि्न नम्बर खे गुणा करे, गिनीज़ बुक में नालो दर्ज करायो।

, 1980में ही शकुन्तला, में में, इन्दिरा गाँधी जे ख़िलाफ़ चुनाव लड़ी ऐं 6514 वोट मिल्यस।

अन्ना मणि खे “वेदर वुमैन ऑफ़ इंडिया” भी चयबो आहे। अन्ना मणि भौतिकी ऐं मौसम जी जानकारीय जी हाकिम आहे आहण। सी वी रमण सां थोडा़ डि्ंय कम करे अन्ना मौसम जी जानकारी वारी सांइंस में महारत हासिल कई।

इंडिया मीटियोरोलौजिकल डिपार्टमेंट में डिप्यू़टी डायरेक्टर जनरल जे औहदे ते कम कयो हुयो। पहिंजी तहक़ीक़ पूरी करण खां पोय भी अन्ना खे डिग्री न मिली सगी छो जो हुन एम. एस. सी. पास न कयी हुयी। अन्ना लगभग सौ एहड़ियूं मशीनूं डिज़ाइन कयूं जेके अज् भी मौसम जी जानकारी इकट्ठी करण लाए कमु थियूं अचन। अज् जो असां सूरज ऐं हवा जी एनर्जी इस्तमाल था कयूं हिन जी बुनियाद अन्ना ही रखी हुयी। अन्ना पहिंजियूं कई तहक़ीक़ूं भी छाप्यूं।

भीबा भौतिकी में माहिर हुई। हुन पार्टिकल फ़िज़िक्स ऐं कौस्मिक रे रिसर्च कई जेंमें हुन वक्त़ में कोई एक्सीलेटर या क्लासु चेम्बर्स न हुया। भीबा ऐं हुन जे साथिन् पहिंजी फ़ोटोग्राफिक ़इमल्शन प्लेट ठायूंऐं दार्जिलिंग ऐं सन्दकफू में खणी वया ऐं काॉस्मिक किरतनि ऐं मेंसन जे कणन् में जेका ला़इट निकरन्दी ़आहे हुन ते तहकीक कयी । भीबा जी हिय तहकीक सेसिल पावेल पहिंजी तहकीक में इस्तमाल कई ऐं नोबेल प्राइज़ जीतयो।

महारानी केम्पानन्जाम्माणी वाणी विलासा सन्नी़ोधना, मैसूर राज्य ते 1894 में रीजेन्ट कवीन जे तौर ते राज कयो__ पहिंजे पूट्र, कृ़ष्णराजा वडियार IV जे तरफ़ां राज कयो जेसीं हू बालिग थे।
जडें जम़शेद जी टाटा हिक रिसर्च इंस्टीट्यूट लाय ज़मीन पया गोलन् त राणीय टाटा खे बंगलूरु में 371 एकड़ 16 गुण्टा ज़मीन, इंस्टीट्यूट ठाया लाए थोडा पैसा ऐं हर महीने कुछ रकम ड्यण मंज़ूर कयो।

ज़मीन ऐं पैसा मिलि खां पोय, असां जे देश खे मिल्यो “इंडियन इंस्टीट्यूट ऑफ़ साईंस” (IISc)।

हर इंजीनियर, साइंटिस्ट् ऐं रिसर्च करण वारो __ जेको भी हिन इंस्टीट्यूट मां पास थ्यो आहे, हुन राणीय जो अहसानमन्द आहे।

़इतिहास त राणीय जे मुर्स ऐं पुट्र खे याद कन्दो आहे। पर हू राणीय जो दान ऐं मदद ही आहे जें करे ही इंस्टीट्यूट ठई ।

हिन गा्ल सां हिक बी् भी गा्ल साहित्य ती थे कि जा़लुन रुगो साइंस में कम न कयो आहे बल्कि कम करण लाए बुनियाद भी विधी आहे।

हिन फ़ोटुअ में तवां खे IISc जी पुराणी इमारत नज़र ती अचे।