धनतेरस जो डि्ंह ड्यारीय खां ब् डि्ंह पहरियू ईन्दो आहे। हिन्दुन् में धनतेरस जे् डि्ंह नईं शयूं , जींय सोनु, बा्सण या कैं भी धातुअ जी् ठयल शय खरीदण सुट्ठो ऐं शुभ मञ्यो वेन्दो आहे।
धन्वन्तरीय खे आयुर्वेद में सुट्ठी सेहत ड्यण वारो देवता मञ्यो वेन्दो आहे। ईंअ मञ्यो वेन्दो आहे त जड्ह समुद्र मंथन् थ्यो त धन्वन्तरी भी हुन मां निक्ता हुआ। हुनन् जे हत्थ में अमृत सां भरया कलश (मटको) हुयो। शायद हिन करे धन्वन्तरीय खे धातुअ सां जोडे़ डि्सन्दा आहिन्।

देवी लक्ष्मी भी समुंड्र मां ही निक्ती हुयी, ऐं देवीय जी् पूजां भी ड्यारीय जे डि्ंह कबी् आहे।

धनतेरस सां जुड़यल बी् कथा हींय आहे__
राजा हीमा जी मौत धनतेरस जे् डि्ंह नांग जे् कटण सां तय हुई। राजा जी् जा़ल दर ते सोने- चांदिय जा ढेर लगा्य रस्तो बन्द करे छड्यो ऐं पाण पूरी रात जागी पहरो ड्यण लगी्। ही हुन हे सोचे कयो त जड्हें यमराज ईन्दो त ही सोने चांदिय जा ढेर डि्सी सब भुल्जी वेंदो ऐं वापिस हल्यो वेंदो। हींय ही थ्यो भी– हिन करे धनतेरस जे् डि्ंह सोनो या चांदी खरीदे, यमराज खे खुश कबो् आहे।

Source: https://www.exoticindiaart.com/article/story-of-dhanteras

असां जे देस जे कुछ हिस्सन् में घर जी मालकिन् धनतेरस जी् रात जो् अट्टे या मिट्टीय जो हिक डि्यो घर जे बा्हर दक्षिण दिशा में रखन्दी आहे। घर जे् बे् कैं माणुह खे ही डि्यो न डि्सड़ों हुन्दो आहे। ईंय मञ्यो वेन्दो आहे त सजी् रात बरी करे ही डि्यो बुरी आत्माउन् ऐं बुरी शक्तिन् खे घर खां परे रखन्दो आहे।
राजा हीमा जी राणीय भी सजी् रात डी्यो बा्रे मौत खे पहिंजे मुर्स खां परे रख्यो हो।
ड्यारीय जो जिक्र सभिनी खा पहरियूं, बीं या ट्रीं (2 /3) शताब्दीय जी किताब, “कामसूत्र” में आहे। किताब में हिन रात जो जिक्र “यक्ष-रात्री” जे नाले सां आहे। हीयु डि्ंह कार्तिक मास जी चन्ड्र जी रात जो यज्ञ ऐं ‘रांद’ करे मनायबो् आहे।
11वीं शताब्दीय में हेमचन्द्र जेको यक्ष-रात्रीय जो बखान कयो आहे, हू बिल्कुल ड्यारीय वांगुर ही आहे।
यक्ष दैवीय आत्माऊँ आहिन् जेके सुठी ऐं बुरी, कुछ भी थी त्यूं सगन। ‘यम जो डि्यो’ बुरी आत्माऊँन खे परे रखण लाय बा्रबो आहे।

Source: navbharatlive.com

नेपाल में ड्यारीय जे पञ्जन डि्हन् मां बे् डि्ंह ते ‘कुकुर तिहर’, कुत्तन जो डि्नी (त्यौहार) मनायबो् आहे। हिन डि्ंह ते हर कुत्ते (पालतू, गलीय वारा, पुलिस जा कुत्ता) खे गेंदे जे गुलन् जी माला पाए तिल्कु कबो् आहे ऐं हुनन् जे पसन्द जो खादो खारायबो् आहे।
ईंय मञ्यो वेन्दो आहे त कुत्तो यमराज जी सवारी आहे ऐं कुत्ते जी पूजा करण सां यमराज खुश थीन्दा आहिन्।
हिन पूजा सां जुड़यल बी् कथा हींय आहे त____ महाभारत में युधिष्ठिर कुत्ते खां सिवाय स्वर्ग में वञण लाए मना करे छड्यो हुयो, छो जो हू कुत्तो हुनन् सां धरतीय खां वठी वफ़ादारीय सां आखरीय ताईं गडु् हुयो। असल में हू कुत्तो यमराज ही हुयो।

भाईदूज/ भाउबीज ड्यारीय खां हिकु डि्ंह पो मनायबो् आहे। हिन डि्ंह खे यम द्वितीया भी चयबो् आहे। भाईदूज जो जिक्र 13वीं शताब्दीय जी मराठी किताब “लीलाचरित्र” में कयो वयो आहे। हिन किताब में लिख्यल आहे त हुन समय में गोलाणी जातीय जा माणूं ड्यारी किंय मनायबी् हुई। हुन समय में ड्यारीय ते ठाई वञण वारी ख़ास मिठाई लड्डू ऐं मोदक हुया।

हुन समय जी ही बी् किताब, संस्कृत में लिख्यल, हिमाद्रीय जी “चतरवर्ग चिन्तामणी” में भी भाऊबीज जो जिक्र आहे। हिन किताब में भविष्य पुराण जी हिक कथा जो जिक्र आहे, त___
यमुना पहिंजे भा यमराज खे पहिंजे घर घुरायो ऐं तिल्कु कयो। हुन डि्ंह खां वठी ही डि्ण मनायबो् आहे।

अल बरूनी, महूमद ग़ज़नीय सां हिन्दुस्तान घुमण आयो हो। पहिंजी किताब ‘तहक़ीक-ए-हिन्द’ में हुन ड्यारीय जे बारे में लिख्यो आहे ____ “कार्तिक जे महीने में, चन्ड्र जे डि्ंह, जडें सूरज तुला राशीय में प्रदेश कन्दो आहे; माणूं स्नान करे, नवां कपड़ा पाए, हिक-बे् जे घर वेन्दा आहिन् ऐं सुपारी ऐं पान डि्न्दा आहिन्। मन्दिर वञी करे दान-पुण्य भी कन्दा आहिन्। पूरो डि्ंह घुमन्दा आहिन् ऐं ‘रान्द’ भी खेड्न्दा आहिन्।
रात जो हर बन्द डी्या बा्रे रोशनी कबी् आहे।”

ईंय भी मञ्यो वेन्दो आहे त ड्यारीय जे डि्ंह ते वासुदेव जी जा़ल, लक्ष्मी, साल में हिकु डि्ंह, विरोचना जे पुट्र बाली खे आज़ाद कन्दी आहे, छो जो बाली ज़मीन जे हेठां लक्ष्मी जे कैद में हुन्दो आहे। हिन डि्ंह खे “बालीराज्य” भी चयबो् आहे। ड्यारीय जे बे् डि्ंह खे ‘बाली प्रतिपाद’ चयबो् आहे।

अल-बरूनीय जी कै़फी़यत जे हिसाब सां हुन समय भी ड्यारी अजु् वांगुर ही मनायबी् हुई।

ड्यारीय ते पेसन् सां तास जी् रांद खेड्ण सुठो मञ्यो वेन्दो आहे।
शिव-पार्वती जी चौपड़ जी रांद खेड्न्दे इलाई तस्वीरूं नज़र ईन्द्यूं आहिन्। हिक मान्यता हिंय भी आहे कि पूरी सृष्टीय जी रचना शिव-पार्वती जी हिन ‘रांद’ जे करे ही थी ही।
शिव-पार्वती खे पुरुष ऐं प्रकृति मञ्यो वयो आहे ऐं जींय ही रांद वधन्दी वेन्दी आहे, दुनिया__जा़हिर ऐं लिख्यो, ठवन्दी वई।
दक्षिण भारत में शिव-पार्वती जी हीय रांद कलाकारीय जे अलग- अलग नमूनन में नज़र इंदी आहे।
घणे-भांगे त शिव ही हाराइन्दा आहिन्, पर कडे्ं कडे्ं धोखे सां खटी भी वेंदा आहिन्। शिव जे खटण ते पार्वतीय जी हैरानीय जा अलग अलग भाव ऐं मुद्राऊँ ही हिनन् मूर्तिन् ऐं कलाकारीय जे ब्यन् कमन् में भी नज़र ईंन्दा आहिन्।

Source: sahapedia.org

दक्षिण भारत में ड्यारीय जो् डि्ण उत्तर भारत खां हिक डि्ंह अग् मनायबो् आहे। हिन डि्ंह कृ़ष्ण ऐं हुन जी जा़ल (सत्यभामा) मिली करे नरकासुर राक्षस के मारयो हुयो। हिनकरेहिन डि्ंह खे ‘नरक चतुर्दशी’ भी चयबो् आहे। राक्षस खे मारण खां पोय, कृष्ण ऐं सत्यभामा पहिंजे शरीर जी थकान मिटायण लाए तेल सां मालिश कई हुई। घर जी जा़यफा़ं या बुजुर्ग तिरन् जे तेल जा ट्रे टेपा, सिझ निकरण खां पहरयां घर जे हर माणूंअ जे मत्थे ते विझन्दा आहिन्। सुबुह जो स्नान जड़ी- बूटिन् या शिकाकाई जे पाणी सां कबो् आहे। हिन स्नान जो पुण्य गंगा स्नान जे बराबर मञ्यो वेन्दो आहे।
ईंय मञ्यो वेन्दो आहे त माता लक्ष्मी तिरन् जे वण में लिकी वेहन्दी आहे, हिन करे तिरन् जे तेल सां स्नान कबो् आहे।
तेल सां स्नान जो मतलब आहे, ‘नई शुरूआत’___ पहिंजो गुस्से, घमंड, सब छडे्। तिरन् जो तेल शरीर खे थदो् रखन्दो आहे।

ड्यारीय जे बे् डि्ंह ते गोवर्धन पूजा, भगवान कृ़ष्ण जे मरतबे में मनायबी् आहे। हिंय मञ्यो वेन्दो आहे त भगवान इन्द्र गोकुल वासिन सां नाराज़ थी वयो हो, छो जो हू इन्द्र खे न पूजा, हिकु पर्वत जी पूजा कन्दा हा। इन्द्र भगवान गोकुल में इलाई आंधी-तूफा़न ऐं बारिश मचाए छडी्। मांणूं परेशान थी वया। कृ़ष्ण भगवान पहिंजी नन्ढी आँगुर ते गोवर्धन पर्वत खयो ऐं सबु मांणूं हुन जे हेठां बि्ह रहया। हिंय श्री कृ़ष्ण, इन्द्र भगवान जो ग़ुरूर तोडयो।
हिन डि्ंह खे गोवर्धन पूजा या अन्नकूट भी चयबो् आहे। हिन डि्ंह ते कट्यल अयाज खे कूटे कूटे दाणा अलग कबा् आहिन्। हिन डि्ंह ते गाय जे गोबर सां गोवर्धन पर्वत जो हिकु नकल या नमूने ठायबो् आहे ऐं हुन पकवान ऐं मिठायूं चाढ़बी् आहे। श्री कृ़ष्ण खे भ भोग लगायबो् आहे।

रंगोली शब्द संस्कृत जे ‘रंगावली’ मां ठयो आहे। ‘रंगावली’ जो मतलब आहे “रंगन जी लकीरूं”। रंगोली पट्ट ते अलग अलग रंगन् जे पाउडर सां, चाक ( chalk) सां या गुल्लन् सां ठायबी् आहे। कुझ माणूं कणक जे अट्टे सां या दालुन जे अट्टे सां भी रंगोली ठाइन्दा आहिन्। अट्टो इस्तेमाल करण जे पुठयां पक्खिन् ऐं कीड़न् खे खादो् ड्यण आहे। ड्यारीय जे डि्ंह रंगोली में माता लक्ष्मी जा पेर ठायबा् आहिन्।
रंगोली जो जिक्र 2-3 शताब्दीय जी किताब “कामसूत्र” में ऐं 6यीं शताब्दीय जी किताब “नारद शिल्प शास्त्र” में भी आहे। धीरे धीरे रंगोली खे नवां नवां नाले मिलन्दा वया… धूली चित्र (पाउडर या चूरे सां ठयल चित्र) या भौम चित्र (धरती ते ठयल चित्र)। रंगोली खे ही नालो महाराष्ट्र में मिलयो।
देस में अलग अलग राज्यन् में अलग अलग नाला आहिन्____

तमिलनाडू…… कोळम
बंगाल………. अल्पना
आंध्र प्रदेश….. मुग्गू
राजस्थान…… माण्डणा
बिहार………. अरियन
गुजरात……. सथिया
उत्तर भारत…. चौक पुराण

Source: https://www.britannica.com/art/rangoli

ड्यारीय जे बे् डिंह ते विक्रम संवत् कैलेण्डर जो नयों साल चालू थीन्दा आहे। ईंअ मञ्यो वेन्दो आहे त ड्यारीय जे डिंह राजा विक्रमादित्य गद्दी ते वेठा ऐं बे् डिंह खां नयो कैलेण्डर चालू कयईं….. विक्रम संवत्। ही कैलेण्डर अंग्रेजी कैलेण्डर खां 57साल अग्ते हलन्दो आहे।
चौपड़ा पूजा वारे डिंह व्यापारी भाउर पुराना बहीखाता बन्द कन्दा आहिन् ऐं लक्ष्मी, गणेश ऐं सरस्वती सां नए बही खातन् जी भी पूजा करे नयो हिसाब चालू कन्दा आहिन्।
नवन् खातन् ते सभनि खां पहरियूं ‘शुभ-लाभ’ लिखबो आहे। हिन जो मतलब आहे त ‘सुठो फा़यदो थे’। हिन पूजा खे ‘शारदा पूजन’ या ‘बही पूजन’ भी चयबो् आहे।
अजकल मांणूं पहिंजे घरन् जे बा्हिर भी “शुभ लाभ” लिखन्दा आहिन्।

Source: https://www.diwalifestival.org/chopda-pujan.html

हिंय मञ्यो वेन्दो आहे त ड्यारीय जे डिंह शाम जो हिकु कलाक लाई व्यापार खानो जरूर खुलन्दो आहे छो जो ही डिंह लक्ष्मी पूजन जो आहे ऐं लक्ष्मी धन जी देवी आहे त हुन डि्ंह धन जो लेन देन करण शुभ थीन्दो आहे।
ही रिवाज़ बाम्बे स्टाक एक्सचेंज में 1957 खां ऐं नेशनल स्टाक एक्सचेंज में 1992 खां शुरू थ्यो आहे।

श्री चित्रगुप्त सबकी जीवन जे कर्मन् जो लेखो-जोखो रखन्दा आहिन्। चित्रगुप्त यमराज सां कमु कन्दा आहिन्। यमराज सभनि जे कर्मन् जो न्याय कन्दा आहिन्।
हिकु दफ़ो यमराज, ब्रह्मा जी खे शिकायत कई त मां अकेलो सब जीवन जो हिसाब न थो रखी सगा्ं। ब्रह्म देव धयान में वञी चित्रगुप्त खे ठायो। चित्रगुप्त जे हत्थन् में कलम ऐं दवात हुई।
चित्रगुप्त जा़हिर न नज़र आया (गुप्त) पर ब्रह्मा जे शरीर में हिक छाया वांगुर (चित्र) नज़र आया___ हिन करे चित्रगुप्त नालो मिलयो।

Source: https://glorioushinduism.com/2016/04/02/chitragupta/