अहिल्याबाई तलाव जेजुरी येथे आहे. १७७० मध्ये अहिल्याबाई यांनी हा तलाव बांधला. त्यांनी हा तलाव आपल्या सासरे आणि सासू यांच्या स्मृतीप्रीत्यर्थ बांधला. हे दगडी बांधकाम असून, पाण्याचा दाब आणि प्रवाह सुनिश्चित करण्यासाठी मजबूत तांत्रिक रचना केली आहे. याला डोंगरातील अनेक झऱ्यांमधून पाणी मिळते.हा तलाव १८ एकरांवर पसरलेला आहे. हे जल व्यवस्थापनाचे एक आदर्श उदाहरण आहे.

अंताजी मंकेश्वर दिल्लीतअब्दालीविरुद्ध लढत होते. त्यांनी तातडीने सैन्यबळाची मागणी केली. मल्हार राव यांना दिल्लीला पाठवण्यात आले, परंतु त्यांनी राजपुतानामार्गे कर वसूल करण्यासाठी वळसा घेतला. जेव्हा मल्हार राव आग्रा येथे पोहोचले, तेव्हा अब्दालीने दिल्ली लुटली होती. अखेरीस मराठ्यांनी विजय मिळवला आणि अब्दालीला पाठिंबा देणाऱ्या नजीब खानला पकडले.

नजीब खानला अब्दालीने दिल्लीचा नियंत्रक बनवले होते.तो दिल्लीचा सर्वेसर्वा होता. मराठ्यांनी दिल्लीवर केलेला हल्ला दीर्घकाळ चालला आणि अखेरीस नजीब खानला पकडण्यात आले. मध्यस्थांमार्फत त्याने मल्हार राव यांना पैशांच्या बदल्यात मुक्त करण्याची ऑफर दिली. मराठा सैन्याचा विरोध असतानाही मल्हार राव यांनी ह्याला पाठिंबा दिला.नजीब खानला पैशांच्या बदल्यात मुक्त करण्यात आले, परंतु त्याने पानिपतच्या युद्धात पुन्हा अब्दालीशी युती केली. या घोडचुकीमुळे मल्हारराव यांना अपमान सहन करावा लागला. अहिल्याबाई यांनी त्यांचे सांत्वन करून ,त्यांना उभारी देऊन, उत्तर भारतातील मराठा प्रदेश पुन्हा मिळवण्यात मदत केली.

यशवंत राव हे तुकोजी यांच्या उपपत्नी राधी यांचे पुत्र होते. अहिल्याबाई यांच्या मृत्यूनंतर तुकोजी यांचेही निधन झाले होते. त्यांच्या मुलांमध्ये उत्तराधिकारासाठी वाद सुरू झाले. मराठा साम्राज्यातील घराणेशाह्यांमधील संघर्षांमुळे हे अधिक चिघळले. अखेरीस, यशवंतराव यशस्वी झाले

मल्हारराव यांच्या मृत्यूनंतर तुकोजी राव सुभेदार झाले, कारण त्यावेळी मल्हार राव यांचा एकमेव पुत्र खंडेराव यांचेही निधन झाले होते. तुकोजी सुभेदार असताना खरी सत्ता अहिल्याबाई यांच्या हातात होती. तुकोजी यांनी पेशव्यांसाठी युद्ध मोहिमांची जबाबदारी घेतली. ते उत्तर आणि दक्षिणेकडे प्रवास करत. त्यांनी टिपू सुलतानाविरुद्ध मोहिमेत भाग घेतला. राघोबाच्या बंडाला नियंत्रणात ठेवण्यात त्यांचा पाठिंबा महत्त्वाचा होता

इंदूरमधील होळकरांचा राजवाडा ही प्रभावशाली सात मजली रचना आहे. मल्हार राव यांनी १७४७मध्ये याचे बांधकाम सुरू केले आणि १७६६ मध्ये ते पूर्ण झाले. १८११-१८३३ दरम्यान त्याचे नूतनीकरण करण्यात आले. १९८४ मध्ये आग आणि दंगलींमुळे राजवाड्याचे नुकसान झाले. अलीकडेच दोन मजले कोसळले. सहा वर्षांच्या संवर्धनच्या कामानंतर २०२३ मध्ये हा राजवाडा पुन्हा पर्यटकांसाठी खुला करण्यात आला.

भारताच्या स्वातंत्र्यापर्यंत होळकर घराणेशाही टिकली.यशवंत राव होळकर दुसरा हा राजेशाहीतील शेवटचा राजा होता आणि त्याने स्वतंत्र भारतात विलीन होण्याचा निर्णय घेतला. १६ जून १९४८ रोजी, इंदूरचे संस्थान मध्य भारतात विलीन झाले.

शिंदे घराण्याने उज्जैन ते ग्वाल्हेरपर्यंत राज्य केले.ह्या दोन्ही घराण्याची ही मैत्री एकमेवाद्वितीय होती आणि त्यामुळे भारताच्या उत्तर भागात मराठ्यांचे राज्य प्रस्थापित व्हायला मदत झाली. अहिल्याबाई व मल्हारराव ह्यांनी आपापल्या परीने ती जोपासली.त्यांच्या काळात अविश्वास व अंतर्गत कलहाचे काही प्रसंग सोडता ती टिकूनही राहिली.

नंदलाल राव हे मुघल सम्राट मुहम्मद शाहच्या उत्तर प्रदेशातील नर्मदा नदीपर्यंतच्या भागाचे महसूल संग्राहक होते. ते इंदूरमध्ये राहत होते.तेथे ते मुघल सम्राटांचे सुभेदार दया बहादूरच्या क्रूर शासनामुळे अस्वस्थ झाले होते. त्यामुळे जेव्हा बाजीराव पेशवा
मराठा साम्राज्याचा विस्तार करत होते, तेव्हा नंदलाल राव यांनी त्यांना माळव्यात हल्ला करून हिंदवी स्वराज्य स्थापन करण्याचे आमंत्रण दिले.बाजीराव पेशवा यांनी ही संधी ओळखून मल्हारराव होळकर यांना मोठ्या सैन्यासह माळव्यात हल्ला करण्यासाठी पाठवले.नंदलाल राव यांच्या सहकार्याने मराठ्यांनी माळवा प्रांत जिंकला.

अहिल्याबाईंनी पेशव्यांना पत्र लिहून तुकोजीला सुभेदार म्हणून बदलण्याची आणि नाथोबाला आपला दत्तक मुलगा म्हणून स्वीकारण्याची परवानगी मागितली होती. नाथोबा आणि यशवंत फणसे यांच्या मृत्यूनंतर तुकोजी आणि अहिल्याबाई यांच्यातील मतभेद वाढत गेले. तुकोजीने खजिन्यात योगदान दिले नव्हते आणि लढायांमधील लूट स्वतःकडे ठेवली होती.तसेच शिंदे यांच्याशी वाढत्या मतभेदांमुळे तुकोजीला सुभेदारी सोडायची होती. त्यांनी अहिल्याबाईंना आपला मुलगा मल्हारराव याला सुभेदार बनवण्याची विनंती केली. अहिल्याबाईंनी त्याला नकार दिला व त्यांनी त्यांचा दुसरा मुलगा काशीराव याला सुभेदार आणि त्यांचा भाचा बापू होळकर याला सेनापती म्हणून नियुक्त केले. परंतु पुण्यात महादजी शिंदे यांच्या अकस्मात निधनामुळे पेशव्यांकडून औपचारिक नियुक्ती पूर्ण झाली नाही.