ஸ்ரீ.விஸ்வேஸ்வரய்யா பெங்களூர் அருகிலுள்ளமுத்தெனஹள்ளி எனும் சிறு கிராமத்தில் பிறந்தார். புனேவில் பொறியாளர் பட்டப்படிப்பு முடித்தார்.
இவர் சூரத்,பம்பாய், ஹைதராபாத் போன்ற இடங்கள் மட்டுமல்லாது தான்சானியா ஏடன், ஸ்ரீலங்காவிலும் அரிய பணிகள் ஆற்றி உள்ளார்.1909 இல் மைசூர் பிரதேச தலைமை பொறியாளராக இவர் நியமிக்கப்பட்ட சமயம் கிருஷ்ணராஜசாகர் அணை கட்டும் பணி பற்றி முன் முழிந்தார் ..
மிகவும் செலவு அதிகமாக இருந்தும் மைசூர் மகாராஜா கிருஷ்ணராஜ உடையார் முழு ஆதரவு தந்து ,20 வருடங்கள் பணி செய்து 1931 இல் முடிக்கப்பட்டது இந்த அணை..
விஸ்வேஸ்வரைய்யாவின் தொழில் நுட்பக்கண்டு பிடிப்பான தானியங்கி மதகுக்கதவுகள் கொண்ட இந்த அணை ,,நீர்பாசனம் மற்றும் இரு மாகாணங்களின் நீர் வழங்கலுக்கு ஆதாரமாக விளங்கியது.
மைசூர் மஹாராஜாவிற்கு திவானாக பணிபுரிந்த இவர் மைசூரை மிகவும் நவீன நகரமாக மாற்றினார். தொழிற்சாலைகள்,பல்கலைக்கழகங்கள் வங்கிகள்( banks) மின்வாரியம் என அருமையான வசதிகளை நிறுவினார்..இவர் பணிகளை மெச்சி ஆங்கிலேயர் “ஸர்” எனும் உயர்ந்த பட்டத்தையும், நம் இந்தியா மிக உயரிய பாரத்ரத்னா பட்டத்தையும் வழங்கின.
இவரை நவீன விஸ்வகர்மா என அழைப்பதில் ஏதும் மிகைப்படுத்தல் இல்லைதானே….
இவ்வளவு பிரசித்தமும் புகழும் பெற்றும்,ராஜாவால் திவானாக நியமிக்கப்பட்ட வுடன் இவர் தன் உறவுகள் அனைவரையும் அழைத்து யாரும் தன்னிடம் அரசு சேவகர் என்ற முறையில் எந்த உதவியும் எதிர்பார்க்க
கூடாது என ஒப்பந்தம் வாங்கிக்கொண்டார் தன்னலமற்ற தன்மை பெற்ற இவர்..
வருஷம் தோறும் செப்டம்பர்.15 அன்று , விஸ்வேஸ்வரைய்யாவை கௌரவிக்கும் முறையில் இவர் பிறந்த நாளை நாம் மட்டுமல்லாது ஸ்ரீலங்கா, தன்ஸானிய அரசும் பொறியாளர் தினமாகக் கொண்டாடுகின்றன.
இந்தப்படம் விக்,கிபீடியாவில் அஸ்வின் குமாரின் கிருஷ்ணராஜசாகர் அணை.

தொல்பொருள் ஆராய்ச்சியாளர்களால் தமிழ்நாட்டில் ஆறு இடங்களில் இரும்பினால் ஆன பொருட்கள் கண்டுபிடிக்கப்பட்டுள்ளது…கரி, நெல், சுட்ட மண் பாண்டங்களும் இரும்புச்சாம்ன்களும்
கிடைத்துள்ளது
1145_3345 ,கிமு ஆண்டுகளில் அதாவது 3200 _5400 ஆண்டுகள் பழமையான பொருட்கள் கண்டுபிடிப்பில் இரும்பும் கிடைத்துள்ளது.இதிலிருந்து தமிழ்நாட்டில் இரும்பினால் ஆன கருவிகள், ஆயுதங்கள் மற்றும் பாண்டங்கள் செய்யும் தொழில்நுட்பம் பண்டைய இந்தியாவில் சுயமாக வளர்ச்சியடைந்துள்ளது அறியலாம்
இதற்குமுன் ஹைதராபாதில் கச்சிபௌளி எனும் இடத்தில் இரும்பு, 2000 வருடங்களுக்கும் மேலாக உபயோகத்திலிருந்தது தெரிகிறது.

ஆனால் முதன்முதலில் சீரான முறையில் இரும்புஉருக்கி எஃகு செய்வது துருக்கியில் கிமு 1300 ஆண்டில் ஆரம்பிக்கப்பட்டது…தமிழ்நாடும் தென் இந்தியாவும் கிமு முதல் நூற்றாண்டு முதல் இரும்பு மற்றும் எஃகு மையமாக செயல்படுகிறது.புகழ்பெற்ற வூட்ஸ் எனும் மிக வலிமையான.எஃகு தயாரிக்கப்பட்டது.இதிலிருந்து மிக மிக மெல்லியபிளேட்(blade)தயாரிக்கப்பட்டது.
மேலும் உலகப்புகழ் பெற்ற டமாஸ்கஸ் வாள் தயாரிக்கப்பட்டது. வூட்ஸ் எஃகினால்……வூட்ஸ்.என்பது தமிழ் உருக்கு, உக்கு என்ற சொற்களின் மொழிபெயற்ச்சியால் பெற்ற பெயராம்
வட இந்தியாவிலும் எஃகு இரும்பு உபயோகம் பரந்து காணப்படுகிறது.துரு
பிடிக்காத இரும்பினால் ஆன குப்தர்கால குதுப்மினார் தில்லியில் இன்றும் ஆச்சரியப்பொருளாக இருக்கிறது.
படத்தில் தமிழ்நாட்டில் அகழ்வாராய்ச்சியில் கண்டெடுக்கப்பட்ட பல இரும்புச்சாமான்கள் காணலாம்.
மூலம்
https://www.bbc.com/news/articles/c62e36jm4jro

தமிழ் நாட்டில் அதுவும் திருச்சி தஞ்சாவூர் மக்கள் கல்லணை பார்த்துவியக்காதவர் இருக்கமாட்டாரகள்.
தி க்ராண்ட் அணைகட் என அறியப்படும் கல்லணை காவிரி நதியின் பாதையில் தமிழ்நாட்டில் கட்டப்பட்டிருக்கும் ஒரு பேரதிசயமான அணை. “கரிகாலன் கட்டிவைத்தான் கல்லணை ” நாம் அறிந்ததுதானே..சோழமன்னன் கரிகாலனால் கிபி முதலாம் நூற்றாண்டில் வெறும் கல்லும் அதுவும் வெட்டி உருவப்படுத்தாத கற்களாலும் , மண்ணும் கொண்டு தயாரிக்கப்பட்டு 1900ஆண்டுகளுக்கும் மேலாக உறுதியுடன் நிற்கிறது..ஆற்றின் நீரை பாசனத்திற்காக பிரித்து , நீர் வழங்குதலை சீராக்கும் அமைப்பாக இந்த அணை இருக்கிறது.
329 மீட்டர் நீளமும்20 மீட்டர் அகலமும் கொண்ட இந்த கட்டமைப்பு முக்கியமாக
காவிரியில் நீர் பெருக்கு அதிகமாயின் கொள்ளிடத்தில் வடிந்து வெள்ளத்தை தடுப்பதற்காக ஆகும்.இன்றுவரை உலகப்பொறியாளர் எல்லோருக்கும் ஒரு எடுத்துக்காட்டாக அமைந்துள்ளது இது..
ரங்கமன்னாருக்கு ஸ்ரீரங்கம் என்றால் கட்டுமானபொறியியலுக்கு கல்லணை.
இன்றைய தொழில்நுட்ப வளர்ச்சியின் உச்சத்தில் கட்டப்படும் சில கட்டமைப்புகள் பத்து ஆண்டுகள் கூட
நிலைப்பதில்லை ..என்பது நாம்நினைத்துப் பார்க்க வேண்டிய ஓன்று….
19 ஆம் நூற்றாண்டில் கொள்ளிடத்தில் அணை கட்டிய ஆர்தர் காட்டன் என்பவரால் புகழ்ந்து பேசப்பட்டது கல்லணையின் உபயோகம். முன்பு .69000 ஏக்கர் நிலத்திற்கு நீர்பாசன மையமாக இருந்த கல்லணை 20 நூற்றாண்டில் பத்து லட்சம் ஏக்கர் நிலத்திற்கு பாசன நீர் வழங்குகிறது
விக்கிமீடியா படம் பெக்காம் ராஜீவ்
மூலம் sept7, 2007 ராஜ்யசபா கூட்டம்
கேள்வி திருச்சி :சிவா: திமுக

மௌரிய மெருகூட்டல் எனபது இந்தியாவில் மௌரியர்களின் (325_185கிமு. காலம்)ஒரு கட்டுமானக்கலை
மற்றும் சிற்பங்களின் தனித்தன்மையை குறிப்பதாகும்…மணற்கல் மற்றும் கருங்கல்லை கண்ணாடி போன்றுமிகவும் பளபளப்பாக மெருகூட்டுவது மௌரியகால சிற்பங்கள் மற்றும் கட்டுமானங்களில் காணலாம்…
நம் தேசியச்சின்னமான அசோக சக்கரம் அசோகா ஸ்தூபிகள், மேலும் பாரபர் குகைகளில் காணப்படும் சிற்பங்களில் இந்தவகை தொழில் நுட்பத்தை பார்க்கலாம்.ஏனோ இந்த அருமையான கலை மௌரியர்களுக்குப்பின் கைவிடப்பட்டது. இதன் தொழில் நுட்பம் இன்றுவரை ஆராய்ந்தறியப்படவில்லை.புகழ்பெற்ற தொல்பொருள் நிபுணரான ஜான் மார்ஷல் கூறுகிறார், ஏதனியர்களின் சிற்கபக்கலையையும் மிஞ்சியது மௌரியர்களின் ஈடு இணையற்ற வழுவாத நுண்ணியமூம். துல்லியம் பெற்ற சிற்பப்படைப்புகள்…
மௌரிய மெருகூட்டலுக்கு ஒரு வியக்கவைக்கும் உதாரணம்” திடர்கஞ்ஜ் யக்ஷி ” என்ற அழைக்கப்படும் சிலையாகும்.இதனை இந்திய மோனாலிஸ்ஸா எனக்குறிப்பிடுவர்..
சரித்திர ஆய்வாளர்கள் மத்தியில் இது மௌரியர்கள் காலத்திற்குப்பின் உருவாக்கப்பட்டதோ எனும் சர்ச்சை இருப்பும் அது மௌரிய மெருகூட்டல் என்பது திண்ணம்
மூலம்.விக்கிப்பீடியா
படம் உபயம்.s.r.ராமானுஜம்.

குஜராத்தில் மெஹ்ஸானா அருகில் பாதான் எனும் இடத்தில் இந்த புகழ்பெற்ற ராணியின் கிணறு காணலாம்…இந்த ஊர் பதான் புடவைகளும் ப்ரசித்தி பெற்றது…
உதயமதி எனும் ராணி தன் அன்புக் கணவர் பீமாவின் நினைவாக 11 நூற்றாண்டில் கட்டிய இந்த அற்புத படைப்பு சரஸ்வதி நதியில்
ஏற்பட்ட வெள்ளத்தால் பலநூறு வருடங்கள் மணற்கடியில் புதைந்து கிடந்தது.1940இல்தான் கண்டுபிடிக்கப்பட்டது.இது யுனெஸ்கோவினால் உலக பாரம்பரிய தளமாக அறிவிக்கப்பட்டது..ஒவ்வொரு படித்துறையில் உள்ள படிக்கட்டுகள் ஒரு வட்டமான கிணறை சென்றடையும்.500 க்கும் மேற்பட்ட முக்கிய சிற்பங்கள் விஷ்ணு, அவரது அவதாரங்களுக்கு அர்பணிக்கப்பட்டதாகும்.
ஆயிரத்திற்கும் மேற்பட்ட சிறு சிலைகளைக்காணலாம்.இந்தக்கிணறைப்பற்றிய ஒரு ரகசியத் தகவல் என்னவென்றால் வெறும் தண்ணீர் சேகரிப்பதற்காக மட்டுமல்லாது பகைவர் படையெடுப்பின்போது இதனடியில் செல்லும் பாதாள பாதைகள் அக்கம் பக்கமிருக்கும் கிராமங்களுக்கு மக்கள் ரகசியமாக தப்பிச்செல்ல உதவும்.
ராணியின் கிணறு படத்தை நம் ரூ.100 தாளில். நீங்கள் பார்த்திருக்கீர்களா???98
படம் உபயம்.s.r.ராமானுஜம்

ஹொய்சாலர்கள் 1026_1343கிபி யில் ஹஸ்ஸன், கர்நாடகாவில் கலை, கட்டிடக்கலை பாரம்பரியம்
முதலியவற்றில் மிகச்சிறப்பான சாதனைகள் புரிந்து ஆண்டனர். பேலூரில் சென்னகேசவா கோவில், ஹலேபிடுவில் ஹொய்ஸாலேஷ்வரர் கோவில் சோமனாதபுரத்தில் கேஸவர் கோவில் போன்ற பல பெருமை பெற்ற ஹொய்சாலாகோவில்களை கட்டினர்.
இவர்களின் நட்சத்திரவடிவமைப்பினால் அந்த கோவில்களின் நிலநடுக்கம் போன்ற நேரங்களில் அதிர்வுகளை எதிர்க்கும்.மேலும் எதிரொலியை நீக்கி சத்தத்தை தெளிவாகக்கேட்க முடியும்..
வெப்பத்தைகுறைத்து இயற்கையான ஏசி போல் இருக்கும்
யுனெஸ்கோவின் உலக பாரம்பரிய தளங்களில் அங்கமாக 2023 இல் இந்த கோவில்கள் சேர்த்துக்கொள்ளப்பட்டன.
இன்றுவரை நன்கு செயல்பட்டு வரும் கோவில்கள் உள்ளன.இந்தக்கோவில்களின் ஒரு ப்ரத்யேக அமைப்பு என்னவென்றால் இதன் தூண்கள் மிகவும் பளபளப்பாகவும், நுண்ணிய வேலைப்பாடு மிக்கதாக அமைந்திருக்கும்.இப்படி ஒரு வடிவம் கடைசல் இயந்திரம் உபயோகப்படுத்தாமல் செய்வது என்பது ப்ரஹ்மிப்பாக உள்ளது.இன்றும் வரலாற்றாசிரியர்கள் கைவல்லுநர்களின் கைத்திறனால் மட்டுமே இப்படி ஒரு படைப்பு செய்யமுடியும் என்று சந்தேகம் கொள்கிறார்கள். நம் வேலை இதன் விவரிக்க இயலாத அழகை ரசித்து மகிழ்வது மட்டுமே.
படம்https://whc.unesco.org/en/list/1670/ உபயம்: S.r.ராமானுஜம்

இந்தியாவில் பல புராதன கோவில்களில் கருங்கல்லில் செய்த இசைத்தூண்கள் பார்க்கலாம் இவை பெரும்பாலும் ஒரே கல்லில் செதுக்கப்பட்டிருக்கும். ஒவ்வொரு தூணும் அதன் உயரம் பருமன் ,வேறுபட்டிருக்கும்
மேலும் தூணின் மேல்பாகம், அடிப்பாகம்
மண்டபத்துடன் இணைந்திருக்கும் விதம் இவை எல்லாமே வேறு படுவதால் ஒவ்வொரு தூணும் வேறு வேறு இசை ஸ்வரத்தைத் தருகிறது.
இந்தத்தூண்களை தட்டியோ,காற்று செலுத்தியோதான் இசை எழுப்புகிறார்.
சுருதி எனும் தூண்கள் ஸ்வரங்களையும், கனா பாரம்பரிய ராகங்களையும் லயா தாளத்தையும் தரும் விதமாய்..வகைப்படுத்தப்பட்டுள்ளது.
இதனை செயவதற்கு சரியான அழுத்தமான கருங்கற்கள் மேலும் தட்டினால் இசை எழுப்பக்கூடிய பாடும் கற்களை பார்த்து கவனமாக தேர்வு செய்து தேடி எடுத்துக்கொள்வார்கள். கருங்கற்களை
தட்டினா ல் அல்லது தேய்த்தால் மணிபோன்று ஒலிக்கும் மணிப்பாறைகள் எனப்படும் கல்லே பொருத்தமானதாக இருக்கும்
விக்கிமீடியா படங்கள் : .நவநீதகுமார்
படத்தில் நாம் காண்பது ஹம்பிஇசைத்தூண்கள்
மூலம்.: ப்ரஸாதும் ராஜவேலும் இசைத்தூண்களும் பாடும் கற்களும்
ஸ்டீவன்ஸ் இன்ஸ்டியூட் அப் டெக்னாலஜி…ஹோபோகன்

துக்ளக் என்றதும் நமக்கு நினைவுக்கு வருவது கோமாளித்தனமான குணம் பெற்ற ஒரு முகலாய ராஜாதான்.இவரது மதவெறியை குரூரத்தனமும் ஒருபக்கமிருக்க இவர் 14 கிபி நூற்றாண்டில் மிக பலமான பாசன கால்வாய் களை கங்கை யமுனை இடைப்பகுதியிலும் யமுனை நதிக்கு மேற்கிலும் கட்டினார்..
துக்ளக் ஏற்கனவே இருந்த நீரா பாதுகாப்பு கருத்துக்களை மேலும் மேம்படுத்த படுத்தும் வகையில் திட்டங்கள் வகுத்தார்.சௌஹான் தோமர் போன்ற அரசர்கள் தில்லியில்பல படிக்கிணறுகள்
குளங்களும் கட்டும் பணியில் முதலீடு செய்தார்கள்.இன்றும் செயல்படும் சுரஜ்குந்த் நீர்தேக்கம் இவர்களின் தொலைநோக்கு தன்மையை பறைசாற்றுவதாக உள்ளது….உக்ரசேனன் படிக்கிணறு
மனிதநடமாட்டம் மிக்க கன்னாட் ப்லேசில் உள்ளது.குஜராத், ராஜஸ்தான், கர்நாடகா, ஹரியானா போன்ற இடங்களில் மிக அற்புதமான கலைநயம் மிக்க படிக்கிணறுகளை காணலாம். வட இந்தியாவில் மக்களுக்கு அன்றாட தேவைக்கான தண்ணீர் வழங்குதலுடன்
விவசாயத்திற்கு பயன்படும் வகையில் ஃபெரோஸ் ஷாவின் படிக்கிணறுகள் மிக பலமாக உபயோகப்பட்டது.
1850 யில் இந்த மத்தியக் கட்டமைப்புகளின் மேல் ஆங்கிலேயர்கள் பாசன வசதி வாய்க்கால்களை கட்டினார்கள்.
பிற்காலத்தில் சுதந்திர இந்தியா இவைகளை மேலும் மேம்படுத்தி பயனை அதிகரித்துள்ளன.
விக்கிமீடியா படம்; படிக்கிணறு ஃபெரோஸ்ஷா கோட்லா தில்லி

நம் பண்டைய இந்தியாவில் சாலைகள் கிழக்கு மேற்கு மாகாணங்களை இணைக்கும் விதமாக இருந்தன.இச்சாலைகள் மௌரியர் காலம் தொட்டு (322_185 கிமு )நம் நாட்டு அரசியல் பொருளாதார வாழ்வில் முன்னேற்றத்தில் மிக குறிப்பிடத்தக்க வகையில் பங்கு கொண்டது.ஷர் ஷா ஸூரி இந்தச்சாலைகளை வாணிபத்திற்கு சகாயமாக அமைத்தார்.அதனை ஸடக் _ஈ _ ஆஸாம் அதாவது பெரிய சாலை எனப் பெயரிட்டார்
பிற்காலத்தில் ஆங்கிலேய ஆட்சியில் இந்தச்சாலை மேலும் பண்படுத்தப்பட்டு தி க்ராண்ட் டிரங்க் ரோட் என கம்பீரமான பெயர் பெற்றது. கல்கத்தா விலிருந்து பெஷாவர் வரை எங்குமே இடைவெளியே இல்லாமல் முழு நீளம் 2600கிமீ ஓடுகின்றது.பெரியநதிகளின் இடர்பாடு இருக்கும் இடம் தவிர்த்து
முழுவதும் பாலங்கள் கொண்ட சாலை
இந்திய சுதந்திரத்திற்குப்பிறகு தேசிய நெடுஞ்சாலை 1, தேநெ2, என்று பெயர் மாற்றப்பட்டாலும் இந்த ப்ரமாதமான சாலையை அமைத்ததால், ஷர் ஷா ஸூரி மார்க்கம் என பெயர் மரியாதை நிமித்தம் இதற்கு வைக்கப்பட்டது…
ஷர்ஷா இரண்டாம் முகலாயமன்னன் ஹுமாயுனை நாட்டைவிட்டு வெளியேற்றி 1540_1545 வரை ஆண்டார் ஆனால் 1556இல் ஹுமாயுன் ஷர்ஷாவின் சந்ததியினரை வீழ்த்தி மீண்டும் சாம்ராஜ்யத்தின் கை பற்றினார்.
விக்கிமீடியா படத்தில் காண்பது:அம்ப்ரோஸ் டட்லி கற்பனையில் ஷர் ஷா ஸூரி சாலை கட்டுவதை கண்காணிப்பது போல்.
மூலம்:Grand Trunk Road: Continuity & Change’, Dr Nasir Raza Khan, International Journal of Applied Research 2017

அஸ்ஸாமில் , சிவசாகரில் நாம்தங் நதிக்கு மேல் கட்டப்பட்டது இந்த பாலம்.
ஒரேபாறையில் வெட்டிச்செய்யப்பட்டது ,வங்காளத்திலிருந்து வேலை ஆட்கள் வரவழைத்து ச்வர்க்க தியோ ருத்ர சிங்கா எனும் மன்னரால் 1703 இல் கட்டப்பட்டது.
இவர் அஸ்ஸாமின் மிக பிரசித்தி பெற்ற அஹோம் மன்னராவர். 60 மீ நீளமும்
6.5 மீ அகலமும் கொண்ட இந்தப் பாலம்
6 மதகுகள் உடையது..தேநெ37. இல் போகும் முழு போக்குவரத்தையும் ஏற்றுக்கொள்கிறது.
மூலம்
https://sivasagar.assam.gov.in/tourist-place-detail/334
படம் உபயம்
https://www.tripuntold.com/assam/sivasagar/namdang-stone-bridge/

கிபி. 18ஆம் நூற்றாண்டு துவக்கத்தில் சவாய் ஜெய்சிங்கு ராஜா ஜெய்பூர் ஒரு அழகான திட்டமிட்ட அமைப்பு கொண்ட நகராக உருவாக்கினார். 1799 இல் சவாய் ப்ரதாப் சிங்கு ஹவாமஹலை நிறுவினார்.கிருஷ்ணரின் பரம பக்தரான இந்த மஹல் க்ருஷ்ணனின் கிரீடம் போன்று தோற்றமளிக்குமாறு
கட்டினார்….87 அடி உயரமும் 953 அலங்காரச்சாய்விதழ் ஐன்னல்கள் கொண்ட இந்த மஹலின் நாம் காணும் தோற்றம் உண்மையில் அதன் பின்புறத்தோற்றமென தெரிந்துகொள்வோம். அரண்மனை மாதர்கள் மற்றவர் கண்களில் படாமல் தெருவில் நடக்கும் காட்சிகளை நிம்மதியாக உட்கார்ந்து மகிழ்வதற்காக வே இப்படு ஒரு அமைப்பு. மேலும் இந்த அமைப்பு மிகவும் சூடான காலங்களில் குறுகிய சாய்வு ஜன்னல்கள் வழி வரும் காற்றை குளிர்வித்து வெப்பத்தை நன்கு குறைத்துவிடும்.இந்த கட்டிடம் கிழக்கு மேற்காக அமைந்துள்ளது காறின் போக்குவழியிலே இருப்பது மற்றொரு நல்ல திட்டமிடல். மேற்கிலிருந்து வீசும் காற்று
அரண்மனைவளாகத்தில் அமைத்திருக்கும் நீர் தேக்கத்திலிருந்து
வெப்பச்சலனத்தால் ஈரப்பதம் நிறைந்த காற்றாக மாறி 953 சாய்விதழ் ஜன்னல்கள் வழியாக அரண்மனைக்குள் வீசும்போது…. ஆஹா அதன் சுகமே தனி..கிட்டத்தட்ட .300 வருடங்களுக்கும் முன் நம் கட்டிடக்கலை எத்தனை அறிவியல்ருணுக்கங்களுடன் இருந்திருக்கிறது 100 கு.சா.பெட்டி கூட இந்த சுகத்தை கொண்டு வரமுடியாது..ஹவா மஹல் என்றாலே
காற்று அரண்மனை என்பதாம்.
விக்கிமீடியா படம் ஹவா மஹல் உபயம்மார்சின் பெலெக்
மூலம் : ஹவா மஹல் எப்படி இந்தியாவின் காற்று ஆரண்மனை காலத்தை மிஞ்சியதாக உள்ளது.CNN

என்ன!! வெண்கலத்தினால் கண்ணாடியாக!! துரியோதனன் காலத்திலேயே இப்படி ஒரு பளபளப்பை தரையில் படைத்த நம் நாட்டில் என்னதான் முடியாது
அரண்முலா எனும் இடத்தில் இன்றுவரை நிலைத்திருக்கும் இந்த தொழில் முறையில் 33% தகரம் கலந்த, ஈயமற்ற, நன்கு உறுதிசெய்யப்பட்ட ஒரு வெண்கல கலவையினால் செய்யப்படுகிறது.இந்த செயல் முறையினால் வெண்கலத்திற்கு ஒளியை நன்றாக பிரதிபலிக்கும் தன்மை கூட்டப்படுகிது.. பாதரசம் உபயோகப்படுத்தப்படும் கண்ணாடியைவிட இதன் ப்ரதிபலிப்புத்தன்மை அதிகம். வேறு சில இடங்களிலும் வெங்கலத்தை இந்தமாதிரி உபயோகித்தாலும் அவர்கள் 25% தகரமும் அதிக ஈயமும் கலப்பதால் அதன் பயன் குறைவுதான்.
பண்டைய இந்தியா பித்தளை, வெண்கலம் போன்ற உலோகக் கலவை
பயன் பாட்டில் கைதேர்ந்தவர்கள்.
இவர்களின் வெண்கலத்தின் தரம்
3000 கிமு வில் இந்துசமவெளி யைச்சார்ந்த நடனமாடும் பெண்மணியின் பொம்மை, மற்றும் 10ஆம் நுற்றாண்டில் ஐம்பொன்னால் செய்யப்பட்ட சோழர்களின் நடராஜர் விக்ரகங்கள் மூலம் அறியலாம்.அலக்சாந்தர் காலத்து கிரேக்கர்கள்கூட நம் வெண்கலத்தின் தரத்தைப் குறிப்பிடுகிறார்கள்.. 23% வரை மட்டுமே தகரம் கலந்து உடனே எண்ணையில் குளிரவைப்பதால் வெண்கலத்தின் தரம் உகந்ததாக இருக்கும். இல்லாவிட்டால் இதன் தன்மை மாறி அதில் வைக்கும் பதார்த்தங்கள் தன்மை கெட்டுவிடும்.
இந்தியாவில் 30% மேல் துத்தநாகம் கலக்கப்பட்ட தரம்வாய்ந்த பித்தளை பயன்பாடும் மிக அதிகம்.ஒருசில வருடங்கள்முன்வரை பித்தளை பாத்திரங்கள் முன்னோர்தொட்டு
வழிவழியாக குடும்பச்சொத்தாகக் கருதப்பட்டது.
இதற்குக்காரணம் ராஜஸ்தானைச்சேர்ந்த சேவார் எனும்
ஊரில் துத்தநாகத்தை வடித்திறக்கல் முறையில் பெருமளவில் வாணிபத்திற்கு ஏற்ப 9 ஆம் நூற்றாண்டிலேயே தயார் செய்தார்கள்..பல நூற்றாண்டுக்குப்பின்சீனா, ஐரோப்பா போன்ற தேசங்களிலும் இந்த உற்பத்தி செய்தாலும் அவர்கள் பித்தளை 30% ஐவிடந குறைந்த துத்தநாகம் சேர்த்ததால் தரத்தில் நம்ராட்டிற்கு சமமாக இல்லை
மூலம்.யூடியூப் விரிவுரை உலோகவியல்
byமுனைவர் அனில் சூரி, Aalborg, Denmark
படம் உபயம்:Aranmulakannadi.org