கண்ணன் பிறந்தநாளை இன்று கொண்டாடும் நாம் அவர் பிறந்த கதையை பார்ப்போம்..கம்சனின் சகோதரி தேவகி..அவளது எட்டாவது மகனால் கம்சன் கொல்லப்படுவான் என்ற அசரீரி வாக்கை கேட்ட நாள்முதல் கம்சன் ஆக்ரோஷமடைந்து தேவகி வசுதேவரை சிறையில் அடைத்தான். ஆனால் வசுதேவருக்கு கொடுக்கப்பட்ட தெய்வ வாக்குப்படி கண்ணன் நடுஇரவில் பிறந்தவுடன் குட்டி க்ருஷ்ணனை அவர் தலையில் சுமந்தபடி சிறையை விட்டு வெளியே வந்தார் .காவலாளிகள் உறங்கிவிட்டனர் பூட்டு தானாக திறந்து கொண்டது .யமுனை ஆற்றை கடந்து வசுதேவர் குழந்தையை தலைமேல் சுமந்து செல்லச்செல்ல ஆதிசேஷன் குடை பிடிக்க பெருக்கெடுத்து ஓடும் யமுனை சட்டென்று வடிந்து அவருக்கு வழிவிட..ஆஹா என்ன அற்புதம் …தடங்கலின்றி சென்று க்ருஷ்ணனை கோகுலத்தில் யசோதை நந்தகோபனிடம் சேர்த்தார்..அங்கு அவர்களுக்கு அப்பொழுதுதான் ஜனனம் செய்த மாயா எனும் பெண் குழந்தையை எடுத்து இந்த உலகம் அறியாவண்ணம் சிறைக்கு திரும்பிவிட்டார்…கண்ணன் கோகுலத்தில் பசுக்களெல்லாம் கோபாலன் குழலைகேட்டு நாலுபடி பால் கறக்க வளர்ந்தார் ..

கோகுலத்தில் உள்ள மக்கள் வருடம்தோறும் தங்கள் நன்றியை செலுத்த மழைதரும் இந்திரனுக்கு விழா செய்வதை க்ருஷ்ணன் தடுத்து, தங்கள் ஆவினங்களுக்கு புஷ்டியான ஆதாரத்தை அள்ளிக்கொடுக்கும் கோவர்த்தன மலைக்கே இந்த கௌரவம் சேரும் என்று சொல்ல,இந்திரன் கோபம் கொண்டு ஆயர்பாடிகளை தண்டிக்க ஏழு நாட்கள் தோடர்ந்து மழை பொழிந்து பெரும் வெள்ளத்தை
ஏற்படுத்தினான்.அயர்ந்துவிடுவானா நம் விஷமக்கார கண்ணன்.தன்சிறுவிரலால் மலையையே தூக்கி உணவு உறக்கம் இன்றி கிரிஏந்திய ஹரிமாதவனாக ஏழு நாட்களும் நின்று அத்தனை மக்களையும் பசுக்களையும் ஆவினங்களையும் நிழல் தந்து காப்பாற்றினார். இதனை முன்னிட்டு அன்னகூட் , கோவர்த்தனபூஜை தீபாவளியை அடுத்து செய்யும் வழக்கம் ஏற்பட்டது ஆயர்பாடிகள் பெரும் அளவில் உணவு தயாரித்து மலைபோல் குவித்து அதனை வலம்வந்து தன் மரியாதையை கோவர்த்தன மலைக்கு செலுத்துவர்…க்ருஷ்ணர் அந்த ஏழு நாட்களும் தான் தினம் எட்டு முறை உண்ணும் உணவை அதாவது 56 உணவை தவிர்த்து பட்டினி கிடந்ததற்கு நன்றியாக சப்பன் போக் 56 உணவுவகைகளை தயாரித்து மக்கள் வழிபடுவர்.

உலகுக்கே பாடம் கற்பித்த க்ருஷ்ணன் அவர் கல்வி கற்க எங்கு சென்றார். கம்ஸ வதத்திற்கு பின், கண்ணன் இன்றைய உஜ்ஜயினி யான அவந்தி என்ற நகரத்தில் , க்ஷிப்ரா நதிக்கரையில் மத்யப்ரதேசத்தில்உள்ள சான்திபனி குருகுலத்தில் பயின்றார். அறுபத்திநாலு கலைகளையும் அறுபத்தி நாலேநாளில் க்ருஷ்ணன் தேர்ச்சி பெற்றான். தன் குருவும் அவர் பத்னியும் பலவருடங்கள் முன் தன் ஒரே மகனை கடலில் தொலைத்த சோகத்தில் மூழ்கி இருந்தனர்.க்ருஷ்ணரின் தெய்வத்தன்மை புரிந்து அவரிடம் தன் மகனை மீட்டுத் தருமாறு வேண்டினர்.க்ருஷ்ணரும் யமனின் பிடியில் இருந்த அவனை மீட்டு வந்து தன் குருவிற்கு அளிக்கவேண்டிய குரு தக்ஷிணையை பூர்த்தி செய்தார். நமக்கெல்லாம் மிகவும் தெரிந்த சுதாமா என்ற ஏழை சிறுவனின் நட்பு கண்ணனுக்கு இந்த அவந்தி நகரில்தான்கிட்டியது. சுதாமாவின் மூன்று பிடி அவல் கதை பலரும் அறிந்ததாகும்.இப்படிப்பட்ட ப்ரசித்திபெற்ற இந்த குருகுலம் இன்றும் சாந்திபனி ஆச்ரமம் என்ற பெயரோடு விளங்குகிறது..

நமது இதிகாசத்தில் குறிப்பிடப்படும் ஒரு மிகவும் புராதனமான புண்யதீர்த்தம் ப்ரபாஸ் பதன்.இது ஹிரண்ய நதி கடலை சங்கமிக்கும் சௌராஷ்ட்ர கரையோரத்தில் இருக்கும் ஸ்தலம்.
பூமி பாரத்தை குறைக்கும் பணி முடிந்து கண்ணன் இந்த பூலோகத்தை துறந்து வைகுந்தம் செல்ல, இந்த க்ஷேத்திரத்தில் ப்ரபாச கடலில் நுழைந்தார்.
மனித பிறவியில் கண்ணனும் காந்தாரியின் சாபத்திற்குட்பட்டான்.யாதவர்கள் இந்தத் தலத்தில் உல்லாசமாக பொழுதை போக்கும் சமயத்தில் மது அருந்தி மதி இழந்து ஒருவருக்கொருவர் சண்டை இட்டு குலம் நாசமடைவதைக் கண்டான் கண்ணன்.மேலும் காட்டில் தனித்திருக்கும் போது ஒரு வேடன் மானின் கண் என்று எண்ணி கண்ணன் காலில் விஷ அம்பு எய்து விட்டான்..இதையெல்லாம் கண்டு சமயம் அறிந்து கண்ணன் உலகைவிட்டு புறப்பட்டுவிட்டான்.ப்ரபாஸ் தீர்த்தம் ஜோதிர்லிங்கக்ஷேத்ரமான சோம்நாதிற்கு 45கிமி வடக்கில் உள்ளது
இந்த அழகானக் கோவில் கண்ணன் ஓய்வெடுக்கும் சமயம் வேடன் அம்பு எறிந்த காட்சியை முழுவதுமாகத் சித்தரிக்கிறது.

சூரியனைப் போன்ற ஜொலிப்பையும் ப்ரகாசத்தையும் கொண்ட ஷ்யாமாந்தக மணியானது சூரியனால் சத்ரஜித் மன்னனுக்கு அளிக்கப்பட்டது.இதனை அணிந்து த்வாரகைக்கு அவன் வந்தபோது சத்ரஜிதை சூரியபகவான் என்றே எண்ணி மக்கள் வணங்கினர்.மேலும் இந்த மணி சுபிட்சத்தையும் செல்வத்தையும் பெருக்கும் என நம்பப்பட்டது.க்ருஷ்ணன் இந்த மணியை உக்ரசேனனிடம் கொடுத்துவிடுமாறு சத்ரஜித்திடம் கேட்டபோது அவன் மறுத்துவிட்டு பின்னர் தன் சகோதரன் ப்ரஸேனா விடம் கொடுத்துவிட்டான்.ஆனால் ஒரு சிங்கத்தால் கொல்லப்பட்ட ப்ரஸேனாவிடமிருந்து ஷ்யாமாந்தகம் அபகரிக்கப்பட்டது.பின்னர் ஜாம்பவான் சிங்கத்தை கொன்றுவிட்டார்.ஷ்யாமாந்தகம் தொலைந்துவிட்டதாக எண்ணி க்ருஷ்ணனே அதைத் திருடியதாக பழி சுமத்தப்பட்டது.மனுஷனாக பிறந்தால் எல்லாத்தையும் எதிர்கொள்ளவண்டியதுதான்.இந்தப்பழியை துடைக்க க்ருஷ்ணன் ஷ்யாமாந்தகத்தை மீட்டே தீருவது என தீர்மானித்து 28நாட்கள் ஜாம்பவான் உடன் கொடுபம்போர் செய்தார். ஒரு நிலையில் தன்னுடன் மோதுவது விஷ்ணுவின் அவதாரமே என உணர்ந்த ஜாம்பவான் ஷ்யாமாந்தக மணியை க்ருஷ்ணரிடம் ஒப்படைத்துதன் மகளான ஜாம்பவதியை க்ருஷ்ணனுக்கு மணம் செய்து கொடுத்தார்.
இந்த சம்பவத்துடன் தொடர்பு உடைய இடம்தான் கிர்னார் .இது குஜரத்தில் ஜுநாகத் ப்ராந்தியத்தில் 1145மீ உயரத்தில் உள்ளது சமணர்களுக்கு மிகவும் புனிதத் தலமாகும்.22ஆவது தீர்த்தங்கரர் நேமிநாத் நிர்வாணமடைந்த க்ஷேத்ரம்..
க்ருஷ்ணரும் நேமிநாதும் சகோதிரர் என்ற ஒரு கருத்து நிலவுகிறது.ஒஏ

தன் மருமகனான கம்ஸனை கொன்றதால் வெறி கொண்ட ஜராசந்தன் க்ருஷ்ணரை கொல்ல மீண்டும மீண்டும மதுராவை படை எடுத்தபோது கிருஷ்ணரும் பலராமரும் அங்கிருந்து விலகி தெற்கே சஹயாத்ரி மலைத்தொடரில் கடலோர மலைப்பகுதியான கோமாந்தகம் என்ற இடத்தை சென்றடைந்தார். ஜராசந்தன் இந்த மலையை தன் படையினருடன் முற்றிலுமாக சூழ்ந்து மலைக்கு தீ வைத்து எரித்தனர்.எவரும் தப்பமுடியாதபடி படையினர் முற்றுகையிட்ட போதும் க்ருஷணனோடு பலராமனும் படையை சிதறடித்து விட்டு தப்பி விட்டனர். தன் ஆயுதங்களான சக்கரத்தையும் ஏரையும் விட்டு வெறும் கையுடன்தான் ஓடும் பாவனையை ஏற்படுத்தினர். ஜராசந்தனின் அடுத்தடுத்த படையெடுப்புகளால் கலக்கமுற்ற யாதவர்கள் மதுராவைவிட்டு த்வாரகைக்கு குடிபுகுந்தனர்.
இந்த கோமாந்தகமே இன்றய கோவா
வாகும்.

மகாராஷ்டிரத்தில் வார்தா நதிக்கரையில் அமராவதி மாவட்டத்தில் உள்ளது குண்டிபனாபுரா.
பீஷ்மகா என்ற விதர்ப நாட்டு அரசனின் மகளான ருக்மிணி சிறு வயதுமுதலே கண்ணையே தான் கணவனாக அடைய வேண்டுமென ஆசைப்பட்டாள் .ஆனால் அவள் சகோதரனான ருக்மிக்கு ருக்மணியை தன் நெருங்கிய நண்பரான சிசுபாலனுக்கு மணமுடிக்க ஆசை ..திருமணத்திற்கு ஏற்பாடுகள் செய்ய ருக்மிணி ஒரு ப்ராஹ்மணரை கிருஷ்ணனிடம் தன் நிலையை விளக்கி தன்னை அழைத்துச்செல்லுமாறு தூது அனுப்பினாள்.
வழக்கப்படி திருமணத்திற்கு முதல்நாள் ருக்மிணி அம்பிகையின் கோவிலுக்குச் சென்றாள்..
க்ருஷ்ணன் அங்கிருந்து அவளை சிசுபாலன் ஜராசந்தன் மற்ற அரசர்கள் கண்ணெதிரில் அப்படியே வாரி எடுத்து தன்தேரில் கடத்திச்சென்று விட்டான்..பலராமரும் யாதவர்களும்அங்கிருந்த எல்லா அரசர்களையும் எதிர்த்து தடுத்து நிறுத்தினர்.. ருக்மிணியுடன்தான் கிருஷ்ணனுக்கு முதல் திருமணம் நடந்தது.ருக்மி உயிருடன் தப்பித்தார்.

கங்கைகரையில் ஃபருக்காபாத் மாவட்டத்திலுள்ள காம்பிலிக்கு அருகில் இருந்தது துருபததனின் தென் தலைநகரமான காம்பில்யம்.
இங்கு த்ரௌபதியின் சுயம்வரம் நடந்தது. க்ரூஷ்ணர் தன் அத்தைமகன்களை முதன்முதலாக சந்தித்த இடமும் ஆகும்.
பாஞ்சால நாட்டு துருபதன் அர்ஜுனனால் மட்டுமே வெல்லக்கூடிய ஒரு வில் பரீட்சையை
ஏற்படுத்தி இருந்தான். அதாவது இயந்திரத்தால் மேலே சுற்றிக்கொண்டே இருக்கும் ஒரு மீனின் கண்ணை ப்ரஹ்மாண்டமான ஒரு வில்லால் கீழே நீரில் தெரியும் அதன் பிம்பத்தைபார்த்து குறிவைத்து அம்பு விடவேண்டும்.
அரக்கு மாளிகையில் தீயில் இறந்துவிட்டதாக கருதப்பட்ட பாண்ட வர்கள் ப்ராஹமண வேடத்தில் சுயம்வரத்தில் கலந்து கொண்டனர்.அர்ஜுனன் போட்டியில் வென்று பாண்டவர்கள் த்ரௌபதியை அழைத்துச்செல்ல பீமன் அங்கு வந்திருந்த மற்ற அரசர்களை தடுத்து நிறுத்தினான். . .அப்போது முதன்முறையா க்ருஷ்ணர் தன் அத்தை மகன்களை பார்த்தார்.பின் அவர்களுக்கு நன்மை செய்து தர்மத்தை நிலைநாட்டினார்.

ராஜ்கிர் இந்தியாவின் மிகப் புராதனமான ஆன்மீகத் தலம்.புத்தம், சரணம் ,இந்து ஆகிய மூன்றுமரபுகளும் ஒரே இடத்தில் தங்கள் வரலாற்றுத்தடங்களை பதித்த தனிச்சிறப்பு பெற்ற இடம்.ராஜக்ருஹம் (அரசர்களின் இல்லம் ) என்று பண்டைய காலங்களில் அழைக்கப்பட்ட மகத நாட்டு தலைநகரமான இது
நம் இதிகாசங்களுடன்
தொடர்புடையது.மஹாபாரதத்தில்
கிரிவ்ரஜ ,மலைகளால் சூழப்பட்டது,
என வழங்கப்பட்டது.நாலந்தாவிற்கு தெற்கே பரந்த கங்கை சமவெளியை எதிர்நோக்கி அமைந்தது.
மிக அதிக பலவானாக இருந்த ஜராசந்தன் 86 அரசர்களை வென்று சிறைபிடித்து அவர்களை பலியாக கொடுக்க எண்ணி இருந்தான்.மேலும் யுதிஷ்டிரர் ராஜசூய யாகம் செய்ய பெரும் தடையாக இருந்ததால்.
இதனால் ஜராசந்தனைகொல்ல க்ருஷ்ணர் பீமன் அர்ஜுனனுடன் ப்ராஹமண வேடமிட்டு ராஐக்ருஹத்திற்கு சென்றனர்.தங்களில் ஒருவனுடன் சண்டையிட ஜராசந்தனிடம் சவால் விட்டனர்.ஜராசந்தன் பீமனை தேர்ந்தெடுத்து 14 நாட்கள் தொடர்ந்து மல் யுத்தம் செய்தனர்.ஆனால் பீமனால் அவனை கொல்ல முடியவில்லைஒவ்வொருமுறை அவன் உடம்பைபிளந்து போட்டாலும் அவை மறுபடி ஒன்றுசேர்ந்து உயிர்பெற்றுவிடும்..இதை பார்த்த
க்ருஷாணர் ஒருபுல்லை எடுத்து இரண்டாக பிளந்து தலைமாடு கால்மாடாக போட அதைக்கண்ட பீமன் ஜராசத்தனை தலையிலிருந்து கால்வரை இரண்டாக பிளந்து அத்துண்டுகளை
தலைகால் மாற்றி போட்டுவிட்டான்.இரண்டு துண்டுகளும் ஒன்றிணையமுடியவில்லை.ஜராசந்தன் கொல்லப்பட்டான்.எல்லா அரசர்களும் விடுவிக்கப்பட்டனர்

,

மதுராவில் பிறந்து கோகுலத்தில் நநதகோபனின் மகனாக யசோதையால் வளர்க்கப்பட்ட கண்ணன் குழலூதி எல்லார் மனதையும் கொள்ளைகொண்டு
தீராத விளையாட்டு பிள்ளையாக,
திருட்டு க்ருஷ்ணனாக ,பேய்ச்சி முலைசுவைத்து ,கள்ளச்சகடம்
கலக்கழிய காலோச்சி , கம்சனால் தொடர்ந்து அனுப்பப்பட்ட அத்துணை அபாயங்களையும் கண்டு கலங்கி நந்தகோபன் கோகுலத்தையும் தொடர்ந்து ப்ருநாதாவனத்தையும் விட்டு நந்தகாவிற்கு இடம்மாற்றி சென்றார்.நந்தனின் பெயர்கொண்ட
மதுராவிலிருந்து 50கிமி தொலைவில் சிறு குன்றின் மேல் இருந்த அழகான கிராமம்..இங்குதான் கண்ணன் பாலகனாக மாடுகள் சூழ்ந்திட மயிலிறகு சூடி புல்லாங்குழல் ஊதும் கோபாலனாக ,
கோபிலோலனாக கன்னிப்பெண்கள் கூட்டம் கண்ணன் நடுவினில் ராஸலீலைகள் புரிந்த இடம். 8கிமி தொலைவில் ராதா இருக்கும் பர்சனா
ஹோலி சமயத்தில் இரண்டு கிராமங்களும் சேர்ந்து கொண்டாடும் லட்மார் எனும் பண்டிகை .நந்தகாவிலிருந்து ஆண்கள் பர்சானா செல்லுவர் ஆனால் அங்கிருந்து
விரட்டப்பட்டு மீண்டும் நந்தகாவ் வந்துவிடுவர்

பாண்டவர்கள் தங்கள் நாட்டை பெற்றபோது அவர்களுக்கு வழங்கப்பட்ட காணடவ வனத்தை சீரமைத்து தங்கள் சிறப்பான தலைநகரமாக உருவாக்கினர்.
அதற்கு கைகொடுப்பதுபோல் வனத்தை உட்கொள்ள மிகச்தோர்வுடன் இருந்த அக்னி தேவன் ஆர்வமாக இருந்தார்.ஆனால் இந்திரனால் பாதுகாக்கப்படும் காண்டுவனத்தில் அவர் சிநேகிதன் தக்ஷகன் குடும்பத்துடன் குடி இருந்தான்.அதனால் காட்டை எரிக்க இந்திரன் பெரும்தடையாக மழைபொழிந்தான்
அன்ஜுனன் அம்புகளால் மழையை தடுத்து தப்பி ஓடும் மிருகங்களையும் தடுத்து அக்னிக்கு த்ருப்தியாக உணவு கொடுத்தார்.தக்ஷகனும் அவன் மகன் மயனும் தப்பிவிட்டனர்..யமுனை நதிக்கரையில் இந்திரப்ரஸ்தம் இன்றைய தில்லி மிக அழகாக .உருவாக்கப்பட்டது. அக்னிதேவனுக்கு உள்ளமும் நிறைந்து தனக்கு உதவிய அர்ஜுனனுக்கு காண்டீபம் எனும் வில் , என்றும் குறையாத இரண்டு அம்பராத்தூணிகளையும் ரதத்தையும் கொடுத்தார் .கிருஷ்ணனுக்கு சுதர்ஷனச் சக்கரமும் கொடுத்தார்.

ப்ரஹமபுத்ரபள்ளதாக்கில் இருந்த ராஜ்ஜியமான ப்ரக்யோதிஷபுரத்தை ஆண்டு வந்த நரகாசுரன்..பின்னர் இது காமரூபா கவஹாத்தி என பெயர் பெற்றது. அவன் மிகவும் வலிமைபெற்றவனாக பல பெண்களை சிறைப்படுத்தி கொடூரமானவனாக இருந்தான்.தேவர்களின் தாயான அதிதியின் விலைமதிப்பற்ற காதணிகளை கவர்ந்து சென்றுவிட்டான்.
அதர்மத்தை அழிக்க புறப்பட்டார் க்ருஷ்ணர் .தீயினாலும் அகண்ட அகழிகளாலும் பயஙகரமான முரண் எனும் அரக்கனாலும் பாதுகாக்கப்படும் நரகாசுரன் கோட்டை தாக்கப்பட்டு நரகாசுரன் கொல்லப்பட்டான். அஸ்ஸாம் பாரம்பரியப்படி சத்யபாமாதான் கடைசி மரண அடி கொடுத்த தாக கூறப்படுகிறது.சிறையிலிருந்த எல்லாபெண்களும்
விடுவிக்கப்பட்டு நல்ல பாதுகாப்பும் அளிக்கப்பட்டது.இந்த நாளை நன்னாளாக கொண்டாட நரகாசுரனே
வேண்டிக்கொண்டபடி தீபாவளி பண்டிகையாக இன்றும் கொண்டாடுகிறோம்