व्यास जो मतलब आहे सहेझण वारो। वेद व्यास असां जे वेदन् खेसहेजे चार हिस्सन् (भाग्/किताब) में समेटयो।
व्यास पहिंजे चार शिष्यन् खे सडु करे हर हिक खे हिकु हिकु वेद सेखारयो ऐं हुनन् खे वेदन् खे फैलायण जो आदेश डि्नो।

व्यास जो नालो कृष्ण द्विपायन भी आहे। द्वीप जो मतलबु आहे टापू। व्यास जो जनम द्वीप ते थ्यो हुओ, जें करे व्यास खे द्वीपायन भी चयबो आहे।

व्यास जो ब्यो मतलब आहे गोले जी लकीर या पेटु__ हुअ लकीर जेका गोले जे विच्च (पेट) मां निकरे ऐं गोले खे बि्न बराबर हिस्सन् में बाँटे। हीय लकीर गोले जे अन्दर सभनि खां लम्बी थीन्दा आहे।

व्यास इलाही लेख लिखया आहिन्।
व्यास 18 महापुराण लिख्या। 180
उपमहापुराण भी आहिन्। महापुराण ऐं उप महापुराण सिवाय इलाही लेख आहिन् जिनि खे पुराण ही मञ्यो वयो आहे।
ऋषि व्यास ब्रहम्सूत्र भी लिखयो, जेंखे वेदान्तन् जो सार मञ्यो वयो आहे ऐं जीवन जियण जो मार्ग डे्खारण वारो ग्रन्थ मञ्यो वयो आहे।
उपनिषद भी वेदन् जो ही भाग आहिन् पर उहे व्यास न लिख्या।

पाण्डव ऐं कौरव, राजा शान्तनूअ जा परपोट्रा हुआ। राजा शान्तनूअ जा पुट्र बिना बा्र पैदा कये ही गुज़ारे वया हा त शान्तनूअ जी विधवा राणी, सत्यवती पहिंजी नूहन् जो ‘नियोग’ पहिंजे पुट्र वेद व्यास सां करायो। हिन नियोग सां ध्रतराष्टर ऐं पाण्डू पैदा थिया।

# नियोग…..जडे्ं कोई राजा बिना पुट्र जणे गुज़ारे वेन्दो हो, त हुन जी विधवा राणी परिवार जे कैंह भी मर्द सां मिली, वंश वधायण लाए, पुट्र जणे सगन्धी ही। हीय प्रथा वंश वधायण लाए जायज मञी वेंदी हुई।

## राजा शान्तनूअ सां शादीअ खां पहरियूं, सत्यवती ऋषि पराशर सां मिली, वेद व्यास खे जनम डि्नो हो।

ईंयो मञ्यो वयो आहे कि महाभारत लिखण वारो भगवान गणेश आहे। पर असल में हिंय कोने। व्यास सोचण लगे् त हुन जे शिष्यन् खां पोय महाभारत जो प्रचार ऐं प्रसार हिंय थिन्दो।
हुन ब्रह्म खे याद कयो। ब्रह्म हुन खे दर्शन डि्नो, त व्यास ब्रह्म जे अग्यां पहिंजी चिन्ता रखी। हुन चयो त हुन जे वीचार में हुन संसार जे सभनि खां वडे् ग्रन्थ जी रचना कई आहे, पर हुन ग्रन्थ खे लिखन्दो केर। ब्रह्म चयुस त हीय ग्रन्थ कोई न लिखी सगन्दो ऐं हुन खे ‘विघ्नेश्वर’ जो ध्यान करण लाए चयो। हिंय करण सां विघ्नेश्वर प्रगट थ्या ऐं व्यास जो ग्रन्थ लिखण लाए राज़ी थ्या।

महाभारत जा 18 भाग (पर्व) आहिन् ऐं कुल मिलाए 84,639 श्लोक। हिन में हरिवंश पुराण भी जोड़जे त हुन में 12,000 श्लोक आहिन्।
के. एम. गांगुली जो चवण आ त महाभारत में कुझ श्लोक ट्रिन लाइनिन् जा भी आहिन्, त हिन करे श्लोकन् जी कुल गिन्ती 1 लक्ख ताईं पहिंजी थी वञे।
महाभारत जे कुझ छापिन्दड़न् कुझ श्लोक खारिज करे छड्या, हिंय चई कि ही मूल रचना में कोनन् त हुन हिसाब सां श्लोकन् जी गिन्ती 80,000 ती थे।
हुंअ त रामायण खे मिलाए बे् भी चार ग्रन्थ आहिन, पर महाभारत सभिनी खां वडो् आहे।
महाभारत जा 18 पर्व चार हिस्सन् में विरायल आहिन___
पेहरयां 5 पर्व…. आध्य पञ्चकम्
अगला 5 पर्व…. युद्ध पञ्चकम्
अगला 3 पर्व….. शान्ति त्रायम
आखरी 5 पर्व….. अन्ध्य पञ्चकम्
2300 पाठन् खे उप पर्वन् में विरायो वयो आहे।

नैमिशरण्य, उत्तर प्रदेश में सखनऊ जे नज़दीक, गोमती नदिय जे किनारे ते वसयल आहे। नैमिशरण्य हुअ जगह आहे जिथे उग्रश्रव सौतीय महाभारत जी कथा बु्धाई हुई।

नैमिशरण्य असां जे देस जो डा्ढो पवित्र चीरथ आहे। इंऐं मञ्यो वयो आहे त हिते इलाही ऋषि-मुनि रहन्दा हुआ। हिन जगह ते रामायण, महाभारत ऐं पुराणन् जो पाठ कयो वेन्दो हो।

पुराणे समय में जडे्ं वडा् यज्ञ थिंदा हुआ, त विच-विच में थोड़ो आराम कयो वेन्दो हो। हिन टाइम में उग्रश्रव महाभारत जी कथा बु्धाई हुई।

असां जेका महाभारत पढ़न्दा या बु्धन्दा अहियूं, हू वेद व्यास जी् बुधायल कोने। वेद व्यास पहिंजे शिष्य वैशम्पयन् खे हीय कथा सभिनी खां पहरियूँ बु्धाई। वैशम्पयन् कथा राजा जनमेज्य खे बु्धाई। कथा बु्धायण महल उग्रश्रव सौती भी हुते ही हुओ। उग्रश्रवस जडे्ं नैमिशरण्य वयो, हुन जी मुलाकात ऋषि सौती ऐं ब्यन ऋषि सां थी। उग्रश्रवस ऋषिन् खे ही कथा बु्धाई।
असां हुअ कथा ही बु्धन्दा अहियूं।

उग्रश्रवस लोमहषासन् जो पुट्र आहे। हुन खे सुत पौराणिक भी चयो वेन्दो आहे। “सौती” जो मतलब आहे कथा बु्धायण वारो । सौती सुत साम्राज्य वारा आहिन। सौती घणें भांङे राजाउन् जी आखाणीयूं बु्धाइन्दा हुआ।
सौतिन् जो आखाणी बु्धायण जो तरीको इलाही सुठो हुओ।बु्धण वारे खे आखाणी सां जोड़े छडि्न्दा हुआ, बद्धी छडि्न्दा हुआ। सांण आखाणीअ में लिक्यल शिक्षा भी सम्झाए छडि्न्दा हुआ।

अणुक्रमाणिका, महाभारत जो पहिरियों अध्याय आहे ऐं हिनमें 274 श्लोक आहिन्। श्लोक 110 – 274 में महाभारत जो सार आहे। हिनन् श्लोकन् में धृतराष्ट्र चये तो त हुन खे पतो हुयो त हुन जा पुट्र लड़ाइय में हारायजी वेंदी। धृतराष्ट्र हिक पुराणी गा्ल याद करे संजय खे चयो त उनीय डि्ंह ही हुन खे पतो पै जी वयो हो त हुन जा पुट्र हारायजी वेंदी।

तन्क़ीदी छापो कैंह भी किताब जो मोतबर लेखो थिन्दो आहे। तन्क़ीदी छापो मूल आखाणी या लेख के बिना फेर-बदल कये, वरी सां सहेजयल किताब थीन्दी आहे। ही फेर-बदल समय-समय ते ऐं अलग अलग भाषा में कया वया। ही बदलाव कुझ हिस्सा जोड़े या हटाए करे कया वया। मूल आखाणीअ खे सम्भालण लाए ट्रिन पायदान में कम्म कबो् आहे।
सभनि खां पहरियूं सभनि ज़रियन् (किताब/भाषाऊँ) खां श्लोक हिकु हन्द जमा करे सयाना बन्दा तय कन्दा आहिन कि केहड़ा श्लोक मूल किताब में हुया ऐं केहड़ा पोय जोड़या वया।
आखिर में हिक ऐहड़ी किताब त्यार कबी् आहे जेंहमें हर श्लोक जो स्रोत ऐं जानकारी डि्नल हुन्दी आहे।

‘द भाण्डरकर ओरियन्टल रीसर्च इंसटीट्यूट’ महाभारत जो तन्क़ीदी छापो कढ्यो। ही कोई सौउलो कमु न हुओ। 50 सालनि जी मेहनत, 1259 किताबूं पढ़ी करे, जाँच करे, पूरी तहकीकात खाँ पोय ही महाभारत जो तन्क़ीदी छापो ठयो। हिन छापे में 89000 श्लोक आहिन्, जेके 19 भागन् में विरायल आहे ऐं लगभग 15000 पन्नन में समेटयल आहे।

महाभारत खे पतो वेद मञ्यो वयो आहे। वेद ऐं महाभारत, बि्नी जे हिसाब सां जीवन जा चार मक़सद आहिन्… धर्म, अर्थ, काम ऐं मोक्ष।

महाभारत में लिख्यल आहे त दौलत कमायण (अर्थ) ऐं मौज (काम) धर्म जी हद्द में रही कजे। ही ग्रन्थ इंसान खे मोक्ष जो रस्तो भी डे्खारिन्दो आहे।

महाभारत में हू सब कुझ आहे जेको वेदन् में भी आहे। हिन करे महाभारत खे ‘पंचम वेद’ भी चयबो् आहे। महाभारत वेदन् जो सार आहे (वेद सार महाभारतम्)।

महाभारत में ‘धर्म जी ‘जीत’ जो लेख आहे। पाण्डव खट्टन या कौरव– कोई त खटन्दो ही। खटन्दो हो ही जेको धर्म जो पालन कन्दो; जेको धर्म खे मञिन्दो।
महाभारत में लिख्यल आहे “यतो धर्मस्ततो जय:” यानि जैहडे पासे धर्म हु़न्दो

धर्म जी खूबसूरती

धर्म कोई ठेस (कड़क) या नाज़ुक (हल्की) या आर-पार जी गा्ल कोने। धर्म हाकाच ऐं माणुअ सां बदलन्दो वहन्दो आहे। हिकु मांणुंअ जो धर्म हुन जे हालात एं परिस्तिथीय सां बदलन्दो रहन्दो आहे।

धर्म सूक्ष्म आहे, इलाही नाज़ुक विषय आहे। कडी्ं कडी्ं इंसान धर्म संकट में फ़ासी वेन्दो आहे, नआत्मा जी मञी सगन्दो आहे। महाभारत हिन गा्ल खे, आखाणिन् जे मदद सां समझायो वयो आहे।

महाभारत असां खे पहिंजे दिमाग़ ऐं मन खे काबू में करण सेखारिंदो आहे। महाभारत में धर्म खे आखाणिन जे मदद सा् सम़़झायो वयो आहे जें करे बु्धण, याद रखण ऐं मञण आसान
थी वेंदो आहे। महाभारत धर्म शास्त्र आहे।

महाभारत “धरम शास्त्र” आहे…..धर्म सार महाभारतम्।