ഗീത 6.11-12-ൽ പറയുന്നു: “ശുച്ചോ ദേശ് പ്രതിഷ്ഠാദ്യ സ്ഥിരമാസനാമാത്മൻ നാത്യുച്ഛ്രിന്തം നാതീനീംഞ്ച് ചെലാജിനകുശോത്തരം”
ഇതിനർത്ഥം, “വൃത്തിയുള്ളതും ശുദ്ധവുമായ ഒരു സ്ഥലത്ത്, തനിക്കായി ഒരു ഉറച്ച ഇരിപ്പിടം (സ്ഥിര-ആസനം) സ്ഥാപിച്ചു; വളരെ ഉയർന്നതോ താഴ്ന്നതോ അല്ല, ഒരു തുണി, മാൻ തൊലി, ദർഭ പുല്ല് എന്നിവ കൊണ്ട് പൊതിഞ്ഞിരിക്കുന്നു” എന്നാണ്.
2000 വർഷത്തിലേറെയായി, ഈ അർത്ഥം ഇന്ന് നമുക്കറിയാവുന്നതുപോലെ ഒരു ‘വ്യായാമ ഭാവമായി’ (ഇരിക്കുന്നതും നിൽക്കുന്നതും) പരിണമിച്ചു.

Sara Welchന്റെ ഈ വിക്കിമീഡിയ ചിത്രത്തിൽ ഹംപിയിലെ അവശിഷ്ടങ്ങളിൽ നിന്ന് ഒരു യോഗാസനത്തിലുള്ള നരസിംഹാവതാരത്തെ കാണിക്കുന്നു.

അവലംബം: Harvard Divinity School “Contesting Yoga’s Past : A Brief History of Asana”

‘യോഗ’ എന്ന വാക്ക് ‘ഒന്നിപ്പിക്കുക’ എന്നർത്ഥമുള്ള സംസ്കൃത ധാതുവായ ‘യുജ്’ എന്നതിൽ നിന്നാണ് ഉത്ഭവിച്ചത്. മനസ്സിനും ശരീരത്തിനും ഇടയിൽ സമന്വയം കൊണ്ടുവരുന്നതിനുള്ള ഒരു ആത്മീയ സാധനയാണ് യോഗ. പതഞ്ജലി (ബി.സി.ഇ 200 – സി.ഇ 200) ഈ ഉപദേശങ്ങളെ സംക്ഷിപ്തമായ രൂപത്തിൽ ക്രോഡീകരിച്ചു. അദ്ദേഹത്തിന്റെ യോഗസൂത്രങ്ങളാണ് യോഗയെക്കുറിച്ച് ഏറ്റവും കൂടുതൽ പരാമർശിക്കപ്പെടുന്ന ഗ്രന്ഥം.

സ്വയം സ്വ-ആധിപത്യം നേടുന്നതിനുള്ള ഒരു ശിക്ഷണമായി പതഞ്ജലി യോഗയെ വിവരിച്ചതിനാൽ അതിനെ രാജയോഗം എന്നും വിളിക്കുന്നു. അദ്ദേഹത്തിന്റെ ‘അഷ്ടാംഗ’മായ എട്ട് അംഗങ്ങൾ ഇവയാണ്: യമം (സംയമങ്ങൾ), നിയമം (ആചാരങ്ങൾ), ആസനം (ഇരിപ്പ്/നില), പ്രാണായാമം (ശ്വാസനിയന്ത്രണം), പ്രത്യാഹാരം (ഇന്ദ്രിയങ്ങളെ ഉള്ളിലേക്ക് തിരിക്കൽ), ധാരണ (ഏകാഗ്രത), ധ്യാനം (ധ്യാനം), സമാധി (ഏകീകൃത ബോധം).

യോഗസൂത്രം 2.46 പറയുന്നു, “സ്ഥിരം സുഖം ആസനം:” യോഗധ്യാനത്തിനുള്ള ഇരിപ്പ് സ്ഥിരവും ദൃഢവും സുഖകരവും ആയിരിക്കണം.

Sara Welchന്റെ ഈ വിക്കിമീഡിയ ചിത്രം, ഹംപിയിലെ 16-ാം നൂറ്റാണ്ടിലെ അച്യുതരായ ക്ഷേത്രത്തിൽ നിന്നുള്ള ഒരു ആസനയുടെ ചിത്രീകരികരണമാണ്. ഈ ക്ഷേത്രത്തിൽ മറ്റ് ആസനങ്ങളുടെ ചിത്രീകരണങ്ങളും ഉണ്ട്.

അവലംബം: രാഹുൽ ദേവ് മൊണ്ഡൽ, “അഷ്ടാംഗ യോഗ”, രവീന്ദ്ര ഭാരതി യൂണിവേഴ്സിറ്റി

“ഹ” എന്നാൽ പ്രാണശക്തി, ഥ എന്നാൽ മാനസിക ശക്തി. ശരീരത്തിന് മേൽ പ്രാവീണ്യം നേടുന്നതിലൂടെ ആത്മീയ പൂർണ്ണത കൈവരിക്കാൻ ഹഠയോഗം ഊന്നൽ നൽകുന്നു.
കാൻഫട യോഗികളുടെ പതിനൊന്നാം നൂറ്റാണ്ടിലെ ഐതിഹാസിക സ്ഥാപകനായ ഗോരക്ഷ്നാഥിലേക്കാണ് ഹഠയോഗത്തിന്റെ ഉത്ഭവം ചെന്നെത്തുന്നത്. ഗോരക്ഷ ശതകം (ഋഷി ഗോരക്ഷന്റെ നൂറ് ശ്ലോകങ്ങൾ) 11-12ആം നൂറ്റാണ്ടുകളിലെ ഒരു ആദ്യകാല ഗ്രന്ഥമാണ്. പേര് ഉപയോഗിക്കാതെ തന്നെ അത് ഹഠയോഗ രീതികളെ വിവരിക്കുന്നു.
ആറ് ഷട്കർമ്മങ്ങൾ (ശാരീരികവും മാനസികവുമായ വിഷവിമുക്തി), മുദ്രകൾ & ബന്ധങ്ങൾ (ഊർജ്ജ വിമോചനം), പ്രാണായാമം (പ്രാണ ഉണർവ്) എന്നിവയ്‌ക്കൊപ്പം ആസനത്തിലും (വ്യായാമം) ഹഠയോഗം ശ്രദ്ധ കേന്ദ്രീകരിക്കുന്നു.
രാജയോഗം (ക്ലാസിക്കൽ പതഞ്ജലി യോഗ), ക്രിയാ യോഗ (മാനസിക രീതികളിൽ ശ്രദ്ധ കേന്ദ്രീകരിച്ചത്) & കുണ്ഡലിനി യോഗ (തന്ത്രത്തെ അടിസ്ഥാനമാക്കിയത്) തുടങ്ങിയവയാണ് യോഗയുടെ മറ്റ് പുരാതന രൂപങ്ങൾ.

Ashok Modvadiaയുടെ ഈ വിക്കിമീഡിയ ചിത്രം പോർബന്തറിലെ ഓഡാദർ ക്ഷേത്രത്തിലെ ഗോരക്ഷ്നാഥിന്റെ ചിത്രീകരണം കാണിക്കുന്നു.
അവലംബം: https://www.yogapoint.com/info/typesofyoga.html

യോഗതത്ത്വോപനിഷത്ത് (ചിലരുടെ അഭിപ്രായത്തിൽ ആദ്യ സി ഇ) പ്രപഞ്ചത്തിലെ ജീവിവർഗ്ഗങ്ങളുടെ എണ്ണത്തിന് തുല്യമാണ് ആസനങ്ങൾ എന്ന് പറയുന്നു. രുദ്രയാമളം (പരമ്പരാഗതമായി തന്ത്രങ്ങൾക്ക് മുമ്പുള്ളത്) ആസനങ്ങൾ 100 കോടി ആണെന്ന് പറയുന്നു. പ്രധാനപ്പെട്ട തമിഴ് ഗ്രന്ഥമായ തിരുമന്തിരം (ആദ്യ സി ഇ ആയിരിക്കാം) 126 ആസനങ്ങൾ പരാമർശിക്കുന്നു. ഏറ്റവും പ്രശസ്തമായ ഹഠയോഗ ഗ്രന്ഥമായ ഹഠയോഗ പ്രദീപിക (15 ആം നൂറ്റാണ്ട് സി ഇ) 84 ആസനങ്ങൾ പരാമർശിക്കുകയും 15 എണ്ണം വിശദമായി വിവരിക്കുകയും ചെയ്യുന്നു. 17 ആം നൂറ്റാണ്ടിലെ ഖേരണ്ട സംഹിതയും ഹഠ രത്നാവലിയും യഥാക്രമം 32 ഉം 33 ഉം ആസനങ്ങൾ വിവരിക്കുന്നു. ചില പ്രശസ്തമായ ആധുനിക ആസനങ്ങൾ ക്ലാസിക്കൽ ഹഠയോഗ ഗ്രന്ഥങ്ങളിൽ വിവരിച്ചിട്ടില്ല. പിന്നീട് പാരമ്പര്യത്തിലേക്ക് ചേർത്തതായിരിക്കാം. വി കെ എസ് അയ്യങ്കാർ & ബി സി ഘോഷ് ( പരമഹംസ യോഗാനന്ദയുടെ ഇളയ സഹോദരൻ) എന്നിവർ നിരവധി യോഗാഭ്യാസങ്ങൾ നവീകരിച്ച രണ്ട് ആധുനിക ഗുരുക്കന്മാരാണ്. ചിത്രം മോത്തിലാൽ ബനാറസിദാസ് പ്രസിദ്ധീകരിച്ച ഹഠയോഗ പ്രദീപികയുടെ പുറംചട്ട കാണിക്കുന്നു.

അവലംബം: Sriharisukesh N & Subramanya Palloor, “A Review of Asanas”, Ananta – International Journal of Sanskrit Research, June 2019

സമത്വം കൊണ്ടുവരുമെന്ന് സാർവത്രികമായി അംഗീകരിക്കപ്പെട്ട ധ്യാനമുദ്രയാണ് പദ്മാസനം (താമര നില). വലത് കാൽ ഇടത് തുടയിലും ഇടത് കാൽ വലത് തുടയിലും വെച്ച്, രണ്ട് ഉള്ളംകാലുകളും മുകളിലേക്ക് തിരിഞ്ഞിരിക്കും. കൈകൾ മുട്ടുകളിൽ, പലപ്പോഴും ഒരു മുദ്രയിൽ വിശ്രമിക്കുന്നു, താടി ചെറുതായി നെഞ്ചിലേക്ക് ചേർത്തിരിക്കും. ഏറ്റവും പ്രധാനപ്പെട്ട നാല് ആസനങ്ങളിൽ ഒന്നാണിതെന്ന് ഹഠയോഗ പ്രദീപിക പറയുന്നു.

iMahesh-ന്റെ ഈവിക്കിമീഡിയ ചിത്രം അമരാവതിയിൽ ധ്യാനിക്കുന്ന ഒരു ഭീമാകാരമായ ബുദ്ധൻ പദ്മാസനത്തിൽ ഇരിക്കുന്നതിന്റെ ആകാശ ദൃശ്യം കാണിക്കുന്നു.

ആദ്യകാല ഹഠയോഗ ഗ്രന്ഥമായ ഗോരക്ഷാശതകം (11-12-ാം നൂറ്റാണ്ട് സി.ഇ) പദ്മാസനത്തെയും സിദ്ധാസനത്തെയും ഏറ്റവും പ്രധാനപ്പെട്ട ആസനങ്ങളായി പരാമർശിക്കുന്നു.
നാഡികളെ ശാന്തമാക്കാനും നാഡികളെ (സൂക്ഷ്മ ഊർജ്ജ ചാലുകൾ) ശുദ്ധീകരിക്കാനും ആത്മീയ ഊർജ്ജത്തെ ഉണർത്താനും പ്രാണായാമത്തിനും ധ്യാനത്തിനും സാധകനെ സജ്ജമാക്കാനുമുള്ള കഴിവിന് സിദ്ധാസനം വളരെയധികം പ്രശംസിക്കപ്പെടുന്നു.
ഇരിക്കുന്ന നിലയിൽ നിന്ന്, ഒരു കുതികാൽ പെരിനിയത്തിൽ (വാൽ എല്ലിന് സമീപം) അമർത്തി, കാൽപ്പാദം തുടയുടെ ഉൾഭാഗത്ത് പരന്നിരിക്കും. ശരീരം ഈ കുതികാലിന് മുകളിൽ ഇരിക്കുന്നു. മറ്റേ കാൽ മടക്കി കുതികാൽ മറ്റേ കുതികാലിന് മുന്നിൽ കൊണ്ടുവരുന്നു. വജ്രാസനം, മുക്താസനം, ഗുപ്താസനം എന്നിവ ഇതിന്റെ വ്യതിയാനങ്ങളാണ്.

1830 സി.ഇ-ലെ ജോഗപ്രദീപികയുടെ കൈയെഴുത്തുപ്രതിയിൽ നിന്നുള്ള സിദ്ധാസനത്തിന്റെ ചിത്രീകരണം ഈ വിക്കിമീഡിയ ചിത്രം കാണിക്കുന്നു.

അവലംബം: S Mishra & SC Dash, “An Overview of Hatha Yogic Practices”, Research Journal of Humanities & Social Sciences, July-Sept 2017

വിജയനഗര സാമ്രാജ്യം കർണാടകയുമായാണ് ബന്ധപ്പെട്ടിരിക്കുന്നതെങ്കിലും, അക്കാലത്ത് അത് ഇന്നത്തെ കർണാടക, ആന്ധ്ര, തമിഴ്നാട് എന്നീ പ്രദേശങ്ങളെ ഉൾക്കൊള്ളുന്നതായിരുന്നു.
ഹഠയോഗ പ്രദീപികയിലെ നാല് പ്രധാന ആസനങ്ങളിൽ ഒന്നാണ് സിംഹ – ആസനം. വിശാലമായ വായ, നീട്ടിയ നാവ്, അലറുന്ന ശ്വാസം എന്നിവയ്ക്ക് ഊന്നൽ നൽകുന്ന സിംഹത്തിന്റെ ഉഗ്രവും, ശക്തവുമായ നിലപാടിനെ ഈ ഭാവം അനുകരിക്കുന്നു. ഈ ആസനം ശരീരത്തിൽ എനർജി ലോക്ക് (ബന്ധങ്ങൾ) ഏർപ്പെടുത്തുകയും, പിരിമുറുക്കം ഒഴിവാക്കുകയും ചെയ്യുന്നു.
അനന്ത്പൂരിലെ (ആന്ധ്ര) താഡിപത്രിയിൽ പൊതുവർഷം (CE) 15ആം നൂറ്റാണ്ടിലെ രണ്ട് വിജയനഗര ക്ഷേത്രങ്ങൾ ഉണ്ട്- 1. ചിന്താല വെങ്കടരമണ, 2. ബഗ്ഗ രാമലിംഗേശ്വര. നീരുറവ എന്നതിന്റെ തെലുങ്ക് പദമാണ് ‘ബഗ്ഗ’. ബഗ്ഗ ക്ഷേത്രത്തിൽ നീരുറവയിലെ വെള്ളത്തിലെപ്പോഴും ശിവലിംഗം നിരന്തരം നീരാടുന്ന രീതിയിലാണ്.

Hinduism Worldwide ന്റെ ഒരു Facebook പോസ്റ്റിൽ നിന്നുള്ള ഈ ചിത്രത്തിൽ ബഗ്ഗ രാമലിംഗേശ്വര ക്ഷേത്രത്തിലെ ഒരു തൂണിൽ രൗദ്രഭാവത്തിൽ ഇരിക്കുന്ന നരസിംഹനെ കാണിക്കുന്നു.

പശുപതി മുദ്ര മോഹൻജദാരോയിൽ നിന്നുള്ളതാണ്. പശുപതി മുദ്രയിലെ ഭാവം മൂലബന്ധാസനത്തിന് സമാനമാണ്. ഇത് ഭദ്രാസനത്തിൻ്റെ ഒരു വകഭേദമാണ്.
ഹതപ്രദീപികയുടെ നാല് പ്രധാന ധ്യാന ഭംഗികളിൽ ഒന്നാണ് ഭദ്രാസനം.(ചിത്രശലഭാസനം). കാലടികൾ ഒരുമിച്ച് അമർത്തുകയും, കാൽമുട്ടുകൾ തറയിലേക്ക് വെയ്ക്കുകയും, നട്ടെല്ല് നിവർത്തി നിൽക്കുകയും ചെയ്യുന്ന രീതിയാണിത്. ശാരീരിക പിരിമുറുക്കങ്ങൾ ഒഴിവാക്കുന്ന തുടക്കക്കാർക്ക് അനുകൂലമായ ഒരു രീതിയാണിത്.
കാൽമുട്ടിൽ ഇരിക്കുകയും, പാദങ്ങൾ ഒരുമിച്ച് അമർത്തുകയും, തോളുകൾ പിന്നിലേക്ക് ചൂണ്ടുകയും ചെയ്യുന്ന ഒരു നൂതന രീതിയാണ് മൂലാബന്ധാസനം (റൂട്ട് ലോക്ക് പോസ്). കുണ്ഡലിനി ഊർജ്ജത്തെ ഉണർത്താൻ സഹായിക്കുന്ന ശരീരത്തിന്റെ മൂലാധാര ചക്രത്തിൽ ശ്രദ്ധ കേന്ദ്രീകരിക്കുന്നതിന് ഏറ്റവും ആവശ്യമുള്ള ആസനങ്ങളിലൊന്നാണിത്.

Lucy Weirന്റെ ഈ ചിത്രം അവരുടെ ഒരു ലേഖനത്തിൽ നിന്നാണ് (Medium.com)

തലകീഴായി നിൽക്കുന്ന “ശീർഷാസനം” ആസനങ്ങളുടെ രാജാവായി കണക്കാക്കപ്പെടുന്നു. ശരീരത്തിലെ ഏറ്റവും ഉയർന്ന ഊർജ്ജ നിലയെ പ്രതിനിധീകരിക്കുന്ന തലയുടെ കിരീടത്തിലെ ചക്രമായ സഹസ്രാര ചക്രത്തെ ഇത് ബാധിക്കുന്നു. ചിലപ്പോൾ ആസനങ്ങളുടെ രാജ്ഞി എന്ന് വിളിക്കപ്പെടുന്ന സർവാംഗാസനത്തിൽ (ഷോൾഡർ പോസ്), യോഗി തോളിൽ തലകീഴായി നിൽക്കുന്നു.
യോഗ പരിശീലനത്തിൻറെ അസാധാരണമായ പുതുമകളാണ് വിപരീതരീതിയിലുള്ള ആസനങ്ങൾ. ഇവ ചെയ്യുന്ന സമയത്ത് ഗുരുത്വാകർഷണത്തിന്റെ സ്വാധീനം പ്രതിരോധിക്കപ്പെടുന്നു, ഇത് മെച്ചപ്പെട്ടതും ആഴത്തിലുമുള്ള ശ്വാസരീതിയിലേക്ക് നയിക്കുന്നു, ഇത് തലച്ചോറിലേക്കുള്ള ഓക്സിജൻ അടങ്ങിയ രക്തവിതരണത്തെ ഉത്തേജിപ്പിക്കുന്നു.

Rediff.com ൽ നിന്നുള്ള ഈ ചിത്രത്തിൽ പ്രധാനമന്ത്രി നെഹ്റു ശീർഷാസനത്തിൽ ആയിരിക്കുന്നത് കാണാം.

ഉറവിടം: https://articles.sivananda.org/hatha-yoga/asana/the-king-and-queen-of-asana

സാധാരണയായി അനുലോം വിലോം എന്ന് വിളിക്കപ്പെടുന്ന നാഡി ശോധന, ഒരുപക്ഷേ ഏറ്റവും ജനപ്രിയമായ യോഗാ പരിശീലനമാണ്. നാഡി ശോധനയിൽ ശ്വാസം പിടിച്ചുനിർത്താതെ, ആവശ്യത്തിന് മാത്രം ശ്വസിക്കുകയും, പുറത്തേക്ക് വിടുകയും ചെയ്യുന്ന ലളിതമായ പതിപ്പാണ് അനുലോം വിലോം എന്ന് ചില പരിശീലകർ അഭിപ്രായപ്പെടുന്നു.
ഇത് ഒരു പ്രാണായാമം അല്ലെങ്കിൽ ശ്വാസ നിയന്ത്രണ രീതിയാണ്. ഇത് ചെയ്യുന്നവർ, അവരുടെ ആസനങ്ങൾ പൂർത്തിയാക്കിയ ശേഷമാണ് ഇത് ചെയ്യേണ്ടത്. രക്തസമ്മർദ്ദം നിയന്ത്രിക്കാൻ ഇത് വളരെ ഉപയോഗപ്രദമാണെന്ന് ഗവേഷണങ്ങൾ സൂചിപ്പിക്കുന്നു. സമീപകാലത്ത്, ആർട്ട് ഓഫ് ലിവിംഗ് എന്ന സംഘടന ഒരു ചാക്രിക ശ്വാസ വ്യായാമമായ “സുദർശനക്രിയ” വികസിപ്പിച്ചെടുത്തിട്ടുണ്ട്, അത് വലിയ ജനപ്രീതിയും നേടിയിട്ടുണ്ട്.

B Gangulyയുടെ ഈ വിക്കിമീഡിയ ചിത്രത്തിൽ യോഗാ ദിനത്തിൽ ശ്വസന വ്യായാമം ചെയ്യുന്ന ഒരു സംഘത്തിനെ കാണാം.

ഉറവിടം: https://pmc.ncbi.nlm.nih.gov/articles/PMC11996816 /

ശരീരത്തിൽ അമിതമായ കഫമോ, കൊഴുപ്പോ ഉള്ളവർ, ആസനങ്ങളിലേക്കും, പ്രാണായാമത്തിലേക്കും കടക്കുന്നതിന് മുമ്പ് ശരീരം ശുദ്ധീകരിക്കാൻ ഷട്കർമ്മങ്ങൾ പരിശീലിക്കണമെന്ന് ഹഠയോഗ പ്രദീപിക നിഷ്കർഷിക്കുന്നു.
ആ ഷട്ർമ്മങ്ങൾ ഇവയാണ്:1. ധൌതി: ദഹനനാളത്തെ ശുദ്ധീകരിക്കുന്നു. 2. ബസ്തി: വൻകുടൽ ശുദ്ധീകരണം. 3. നേതിക്രിയ: മൂക്കിലൂടെ വെള്ളം ഒഴുക്കി വൃത്തിയാക്കുന്നു. 4. ത്രാടക: ഏകാഗ്രതയോടെ നോക്കുക (കണ്ണ്). 5. നൗളി: വയറു ശുദ്ധിയാക്കൽ (6) കപാലഭത്തി: ശ്വാസകോശത്തെ ശുദ്ധീകരിക്കാൻ ശക്തമായും വേഗത്തിലും ശ്വസിക്കുക.

കപാൽഭത്തിയെ പ്രോത്സാഹിപ്പിക്കുന്ന
ബാബാ രാംദേവ് ഒരു YouTube വീഡിയോയിൽ അത് ചെയ്യുന്നതിന്റെ സ്ക്രീൻ ഷോട്ടാണ് ഈ ചിത്രം.

പരമ്പരാഗത യോഗയുടെ ഭാഗമല്ലെങ്കിലും, സൂര്യനമസ്കാരം ഒരു യോഗാ വ്യായാമമായി കണക്കാക്കപ്പെടുന്നു. 1920-കളിൽ ഔന്ധ് രാജാവായിരുന്ന ശ്രീമന്ത് ബാലാസാഹേബ് പന്ത് പ്രതിനിഥിയാണ് ഇത് വിഭാവനം ചെയ്തതെന്ന് പറയപ്പെടുന്നു. പൊതുവർഷം (CE)19-ആം നൂറ്റാണ്ടിൽ, KP ഭഗവത് വിശദീകരിച്ച ‘വ്യായാമദീപിക’ യാണ് സൂര്യനമസ്കാരത്തിന് അടിസ്ഥാനം. ജിംനാസ്റ്റിക്സ്, ഏരിയൽ യോഗ എന്നിവയുടെ പരമ്പരാഗത കായിക വിനോദരൂപമായ മൽഖാംബ് ഈ പുസ്തകം മുഖ്യധാരയിൽ എത്തിച്ചു.
സൂര്യ നമസ്കാരത്തിന്റെ 12 ക്രമാനുഗതമായ ഘട്ടങ്ങൾ ഇവയെല്ലാമാണ്: പ്രണമാസനം (പ്രാർത്ഥനാരൂപം), ഹസ്തുഠാനാസനം (ഉയർത്തി കൂപ്പിയ കൈകളോടെ) ഹസ്തപദാസനം (കൈകൊണ്ട് കാൽ തൊടുന്ന), അശ്വസഞ്ചലനാസനം (കുതിരസവാരി പോലെ), ദണ്ഡാസനം (നേർവര / വടി പോലെ), അഷ്ടാംഗ നമസ്കാരം (കാൽമുട്ട്, നെഞ്ച്, താടി എന്നിവ കൊണ്ട്), ഭുജംഗാസനം (സർപ്പം പോലെ), അധോമുഖശ്വാനാസനം ( മറിച്ചിട്ട “V” പോലെ), അശ്വസഞ്ചലനാസനം (വിപരീത കുതിരസവാരി പോലെ), ഹസ്തപദാസനം (കൈകൊണ്ട് എതിർവശത്തെ കാൽ തൊടുന്ന), ഹസ്തുഠാനാസനം (ഉയർത്തി കൂപ്പിയ കൈകളോടെ), പ്രണാമാസനം (പ്രാർത്ഥനാരൂപം)

വിക്കിമീഡിയ ചിത്രത്തിൽ സൂര്യ നമസ്കാരത്തെ അടിസ്ഥാനമാക്കിയ ഒരു ഇന്ത്യൻ പോസ്റ്റൽ സ്റ്റാമ്പ് കാണിക്കുന്നു.

അവലംബം: Prasanna V & Vandana S, “Insights on SooryaNamaskar”, Journal of Ayurveda & Integrative Medicine, 2022